JOJUE 22:34 - Bible sar

³⁴ Loo ń noō tə́ ngán Ruben gə̄ ō, ngán Gad gə̄ ō, əndān̄ rī *loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

Bibəl ta Sar̄

³⁴ Loo ń noō tə́ ngán Ruben gə̄ ō, ngán Gad gə̄ ō, əndān̄ rī loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

JOJUE 22:34 Referans Kwoze

MATIYE 4:10

Anī Jeju tél ədan na: Āw̄ kɔ̄ɔ́, *Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

JOJUE 22:27

Ba i yā kadə̄ rāā rɔ̄n i yá̰á̰ kə́ kum tə́ tām̄ yājí tə́ ō, tām̄ yāsí tə́ ō, tām̄ yā ngán kaají gē tə́ ō, kə́ ɔjə kadə̄ jə-rāā kəla yā Kɔ́ɔ̄ɓē kə yá̰á̰ kə́ róō horoó gə̄ ō, kə tun̄ tām̄ yā kem kógə̄ḿ tə́ gə̄ ō, kə *yá̰a̰ tun̄ yājí kə́ ɓoodə́ naā tə́ kə Kɔ́ɔ̄ɓē na gətóo alé.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

1 MBAN̄G GƏ̄ 18:39

Dan ń ngán *Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

JOJUE 24:27

ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

TA KƏLA 31:47

Laban əndā rī mbal̄ kə́ kán̄ dɔ naā tə́ ní na i Yegar Sahaduta, ba Jakob tá əndā rīn na i Galed.

TA KƏLA 31:48

Laban əda na ɓōólaā mbal̄ kə́ kán̄ dɔ naā tə́ ń toō i yá̰á̰ kə́ kum tə́ dɔ dáńdə́ nin̄ kə Jakobó tə́. I tām̄ najə̄ ń noō tə́ n əndānəń rīn na i Galed ní.

IJAI 19:19

Ndɔ̄ kógə̄ḿ tə́ anī, *loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.