JOJUE 22:29 - Bible sar

²⁹ Jə-gír̄ mbātə́ najə̄ ta Kɔ́ɔ̄ɓē tə́ aĺ ō, ɓōólaā gə̄gē ní jə-gír̄ tūr̄ gidəjí tan tə́ aĺ ō, tɔdɔ̄ jə-rāā *loo tun̄ yá̰a̰ yā róoń dā̰ aĺ ō, yā ndejəń kadə̄ karī gə̄ aĺ ō, yā tunə̄ń yá̰á̰ kə́ rang gə̄ aĺ ō. Jə-ndigə̄ tun̄ yá̰a̰ loo kə́ rang tə́ alé. I *loo tun̄ yá̰á̰ ń ra ta *kújə yā Kɔ́ɔ̄ɓē Nə́ɓā yājí tə́ ní n jə-ndigə tun̄ yá̰a̰ dɔ tə́ ní.

Bibəl ta Sar̄

²⁹ Jə-gír̄ mbātə́ najə̄ ta Kɔ́ɔ̄ɓē tə́ aĺ ō, ɓōólaā gə̄gē ní jə-gír̄ tūr̄ gidəjí tan tə́ aĺ ō, tɔdɔ̄ jə-rāā loo tun̄ yá̰a̰ yā róoń dā̰ aĺ ō, yā ndejəń kadə̄ karī gə̄ aĺ ō, yā tunə̄ń yá̰á̰ kə́ rang gə̄ aĺ ō. Jə-ndigə̄ tun̄ yá̰a̰ loo kə́ rang tə́ alé. I loo tun̄ yá̰á̰ ń ra ta kújə yā Kɔ́ɔ̄ɓē Nə́ɓā yājí tə́ ní n jə-ndigə tun̄ yá̰a̰ dɔ tə́ ní.

JOJUE 22:29 Referans Kwoze

JOJUE 24:16

Ngán Israel gə̄ tūr̄ ədan̄ na: Jə-gír̄ kəya̰ Kɔ́ɔ̄ɓē kɔ̄ɔ́ ba rāań ɓesə̄ gə̄ alé.

Makətūbə̄ ń Pol ndang adə̄ Rom gə̄ ní 9:14

Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

Makətūbə̄ ń Pol ndang adə̄ Rom gə̄ ní 3:6

Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?

2 YÁ̰A̰ GƏ̄ 32:12

I Ejekias n nujə loo ndɔ̄ȳ gə̄ yā Kɔ́ɔ̄ɓē ō, *loo tun̄ yá̰a̰ yān gə̄ ō, kɔ̄ɔ́ ba əda de kə́ *Juda gə̄ ō, Jerusalem gə̄ ō, kadə̄ kə ɔsən̄ nodə́ nang tə́ na i ta *loo tun̄ yá̰á̰ kə́ gíŕ kógə̄ḿ beē tə́ ngóy ō, kə róōn̄ kajaja na i loo nəkɔ́ ń noō tə́ ngóy ō ní aĺ a?

2 MBAN̄G 18:22

Ā ə́damī na ə̄ndāī kemsí na i dɔ Kɔ́ɔ̄ɓē Nə́ɓā yāsí tə́. Ba i Ejekias n nujə loo ndɔ̄ȳ gə̄ yā Kɔ́ɔ̄ɓē Nə́ɓā yāsí ō, *loo tun̄ yá̰a̰ yān gə̄ ō, ba əda de kə́ Jerusalem gə̄ ō, de kə́ *Juda gə̄ ō, na kə ndɔ̄ȳn̄ loo kə́ rang tə́ alé, ba na i ta *loo tun̄ yá̰á̰ kə́ Jerusalem tə́ ngóý ní aĺ a?

1 MBAN̄G GƏ̄ 21:3

Banī Nabot tél əda Akab na: Ta kum Kɔ́ɔ̄ɓē tə́ kə́ njɔ́ḿ gə̄ tə́, m-ásə kadī ndɔr̄ *kāgə̄ nduú ń kaaḿ gə̄ əya̰n̄ adə̄mə̄n̄ ní alé!

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

JOJUE 22:26

I tām̄ najə̄ ń noō tə́ n jə-rāań *loo tun̄ yá̰á̰ ń toō n, i yā róōń dā̰ aĺ ō, yā tunə̄ń yá̰á̰ kə́ rang gə̄ aĺ ō.

JOJUE 22:23

Ré jə-rāā *loo tun̄ yá̰á̰ ní i yā kadə̄ jə-turəń gidəjí kɔ̄ɔ́ ta Kɔ́ɔ̄ɓē tə́, adə̄ i yā kadə̄ jə-róoń dā̰, aláa i yā ndējəń Nə́ɓā kadə̄ karī gə̄, aláa i yā tunə̄ń dā̰ kə́ tām̄ yā kem kógə̄ḿ tə́ anī, adə̄ Kɔ́ɔ̄ɓē rāājí yá̰á̰ kə́ tōr̄ tāmən tə́.

TA KƏLA 44:17

Ba Jəjep əda na n-a n-rāā tītə̄ ń noō alé, na i deē ń əngen̄ kópə jīn tə́ ní n na i ɓəlo yān ní, ba nin̄ gotə gə̄ kə tél kə aw̄n̄ rɔ̄ bɔbə̄də́ tə́ kə kem kə́ sɔl̄ lɔmɔɔ́.

TA KƏLA 44:7

Anī tél ədanən̄ na kɔ́ɔ̄ ɓē gə̄, ké i ba̰ý áké ɔr̄ najə̄ kə́ beé wa. Nin̄ na n-nāān̄ rāā yá̰á̰ kə́ beé nja kógə̄ḿ aĺ ɓáý.

JOJUE 22:28

J-əda na ré ndɔ̄ń tə́ deē ədají jḭḭ aké ngán kaají gə̄ najə̄ ké tītə̄ ń noō anī, j-a jə-tél yā kəda kɔ́ɔ̄ na: Á̰a̰ī, kaají gə̄ rāān̄ *loo tun̄ yá̰a̰ adə̄ to tītə̄ *loo tun̄ yá̰a̰ yā Kɔ́ɔ̄ɓē beé, rāān̄ i yā róoń dā̰ aĺ ō, i yā tunə̄ń yá̰á̰ kə́ rang gə̄ aĺ ō, ba i yā kadə̄ tél yá̰á̰ kə́ kum tə́ kə́ to dɔ dáńjí tə́ sesí.

JOJUE 22:30

Dan ń nge tun̄ yá̰á̰ ń rīn na i Pinas ní ō, ngé gə̄ ń i seneé ō, i ngāgəra dɔ ngán *Israel gə̄ ō, nin̄ i ngār gə̄ yā kósə́ ngé rɔ̄ɔ̄ gə̄ ō, ní oōn̄ najə̄ kɔr̄ ngán Ruben gə̄ ō, ngán Gad gə̄ ō, ngán Manase gə̄ ō anī, ndigən̄ najə̄ ní.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.