JOJUE 22:18 - Bible sar

¹⁸ anī ɓōólaā ɔ̄rī rɔ̄sí kɔ̄ɔ́ rɔ̄ Kɔ́ɔ̄ɓē tə́ a? Ɓōólaā ī-mbātíī najə̄ ta Kɔ́ɔ̄ɓē tə́ ba bírí anī i ngán *Israel gə̄ malang ń ni a rāā wōn̄g sedə́ ní.

Bibəl ta Sar̄

¹⁸ anī ɓōólaā ɔ̄rī rɔ̄sí kɔ̄ɔ́ rɔ̄ Kɔ́ɔ̄ɓē tə́ a? Ɓōólaā ī-mbātíī najə̄ ta Kɔ́ɔ̄ɓē tə́ ba bírí anī i ngán Israel gə̄ malang ń ni a rāā wōn̄g sedə́ ní.

JOJUE 22:18 Referans Kwoze

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

JOJUE 22:16

Ngán Israel gə̄ ń i de gə̄ yā Kɔ́ɔ̄ɓē ní, najə̄ ń ədan̄ malang ní n toó, ədan̄ na ī-rāāī yá̰á̰ kə́ gōtə́ aĺ ngá̰ý kə́ asə naā beé kə Nə́ɓā yā Israel i tām̄ rí tə́? Ī-lōōī gír koō ta Kɔ́ɔ̄ɓē tə́ ngɔlaā i tām̄ rí tə́? Dan ń ī-rāāī *loo tun̄ yá̰a̰ yāsí sḭḭ̄ kɔ́ gə̄ kə́ dɔsí ní ī-mbātíī i najə̄ ta Kɔ́ɔ̄ɓē.

2 YÁ̰A̰ GƏ̄ 34:33

Josias bā ta yá̰á̰ kə́ to yḛr kum gə̄ ń de gə̄ a rāān̄ dɔ nang kə́ Israel tə́ ní kɔ̄ɔ́ ō, ra kə de kə́ kem ɓēé gēé ta rɔȳ Kɔ́ɔ̄ɓē Nə́ɓā yādə́ ō. Adə̄ dan ń Josias ndi kə kumneé ní nin̄ tūrə̄n̄ gidədə́ kɔ̄ɔ́ ta Kɔ́ɔ̄ɓē Nə́ɓā yā kaadə́ gə̄ tə́ alé.

2 YÁ̰A̰ GƏ̄ 25:27

De gə̄ oōn̄ naā dɔ Amasia tə́ kem ɓē kə́ Jerusalem tə́ i kem ɓāl̄ ń ni tūrəń gidən kɔ̄ɔ́ ta kum Kɔ́ɔ̄ɓē tə́ ní. Ndɔ̄ kógə̄ḿ tə́ ni a̰ȳ aw̄ Lakis, banī ngɔ̄də̄n̄ gōn, tɔ̄l̄nən̄ i loo ń noō tə́.

1 YÁ̰A̰ GƏ̄ 21:14

Loo ń noō tə́ Kɔ́ɔ̄ɓē rāā adə̄ mo̰y ngāl̄bɔ̄gīí əsō kem ɓē kə́ Israel tə́, adə̄ de gə̄ dūbú kutə sīrí oyn̄.

1 YÁ̰A̰ GƏ̄ 21:1

Ndɔ̄ kógə̄ḿ tə́ *Sətan gḛy nujə kə *Israel gēé, adə̄ sə̄lā Dabid ta tə́da kutədə́.

2 MBAN̄G 17:21

Dan ń Kɔ́ɔ̄ɓē taā Israel gə̄ kɔ̄ɔ́ jī de gə̄ kə́ gír kojə yā Dabid tə́ ba əndāń Jeroboam ngōn̄ Nebat mban̄g ní, Jeroboam rāā adə̄ Israel gə̄ tūrə̄n̄ gidədə́ kɔ̄ɔ́ ta Kɔ́ɔ̄ɓē tə́ ō, oōn̄ tan to̰ aĺ ō, rāā adə̄ Israel gə̄ rāān̄ yá̰á̰ kə́ majaĺ ngá̰ý gə̄ ō.

1 MBAN̄G GƏ̄ 9:6

Ba ré nin̄ ō, ngáńdə́ gə̄ ō, na tūrə̄n̄ gidədə́ kɔ̄ɔ́ tan tə́ ō, na rāān̄ gō míndə ń n-ədadə́ kadə̄ rāān̄ ní aĺ ō, na rāān̄ yá̰á̰ ń *ndū najə̄ yān əda ní aĺ ō, na aw̄ rāān̄ kəla adə̄n̄ nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō anī,

2 SAMUEL 24:1

Wōn̄g rāā Kɔ́ɔ̄ɓē kə ngán *Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə *Israel gə̄ ō, *Juda gə̄ ō,

1 SAMUEL 12:20

Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.

1 SAMUEL 12:14

Ré ī-ɓōlíī ndíĺ Kɔ́ɔ̄ɓē Nə́ɓā yāsí ō, ī-rāāī kəla yān ō, ōōī tan ba ī-mbatíī yá̰a̰ gə̄ ń ədasí kadə̄ ī-rāāī ní aĺ ō, ré sḭḭ̄ gə̄gē, mban̄g yāsí gə̄gē úniī gōn anī, yá̰a̰ malang a njə̄rā majə.

JOJUE 22:20

Dan ń Akan ké ngōn̄ kaa Jera rāā yá̰á̰ kə́ gōtə́ alé kə́ ɔjə dɔ yá̰á̰ bāā dɔ ní, i ngán *Israel gə̄ malang n wōn̄g rāā Kɔ́ɔ̄ɓē sedə́ ní aĺ a? Tá Akan oy i kə kérneé tām̄ majaĺ yān tə́ alé.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

JOJUE 7:11

Ngán Israel gə̄ rāān̄ majaĺ. Nin̄-mānə̄n̄ dɔ *ndū najə̄ kə́ dɔ *madə̄ naā ń m-ə́hɔ sedə́ tə́ á m-ə́dádə́ kadə̄ ngɔ̄mə̄n̄ ní. Nin̄ ɔyn̄ yá̰á̰ kə́ bāā dɔ gə̄ ń m-ɔ̄gə̄də́ kɔy ní, ɓogən̄ yá̰a̰ gə̄ ní ba aw̄ ɓɔ̄ɔ̄n̄ dan yá̰a̰ yādə́ tə́.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā *Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán *Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

NDŪ NAJƏ̄ 7:4

Ré i beé aĺ anī tə̄rā gə̄ ń noō a rāān̄ ngáńsí gə̄ kadə̄ tūrə̄n̄ gidədə́ ta Kɔ́ɔ̄ɓē tə́ kɔ̄ɔ́ ba aw̄ ndɔ̄ȳn̄ ɓesə̄ gə̄. Loo ń noō tə́ Kɔ́ɔ̄ɓē a rāā wōn̄g sesí ō, a nujə sesí kɔ̄ɔ́ malang kanjə̄ kɔr bā̰ā̰ ō.

LEBI GƏ̄ 10:6

Gō tə́ anī Moijə əda *Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ *rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán *Israel gēé malang ō. Na i ngákó̰ó̰də́ gə̄ malang ń i ngán *Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

TƏ́DA 32:15

Tɔdɔ̄ ré sḭḭ̄ ī-rāāī háĺ kə́ sew aĺ kə Kɔ́ɔ̄ɓēé anī ni a rāā kadə̄ ndɔ̄ ń ngán Israel gə̄ a rāān̄ kem dəla loo tə́ ní a ngāl̄ ɓáý to̰ yā kadə̄ ta kósə de gə̄ ń toō malang a tḭ̄ḭ̄ sɔɔ̄ńsí.

JOJUE 22:15

Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na: