JOJUE 2:9 - Bible sar

⁹ Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

Bibəl ta Sar̄

⁹ Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

JOJUE 2:9 Referans Kwoze

Teē Ngán Israel gə̄ 23:27

Yá̰á̰ ń m-ā m̄-rāā ní n toó: Ré gír de gə̄ oōn̄ kadə̄ na ā ī-reēī noó anī, ɓōĺ a rāādə́ ngá̰ý ō, nápar de gə̄ malang ń ā ūgī kem ɓē yādə́ tə́ ní a a̰ȳn̄ naā nosí tə́ ō, madə̄ ba̰ā̰sí gə̄ malang a tūrə̄n̄ gándə́də́ yā kadə̄sí ba ka̰ȳ naā kɔ̄ɔ́ ō.

NDŪ NAJƏ̄ 2:25

Əla gír ɓōólaā ní m-ā m̄-rāā kadə̄ gír de gə̄ malang kə́ dɔ nang tə́ gə̄ a ɓōlə́n̄sí ō, kadə̄ kə̄ngā sāā a əgadə́ tām̄ yāsí tə́ ō. Ré nin̄ a oōn̄ kōōsí anī, ɓōĺ kə́ ngá̰ý a rāādə́ kadə̄ a ndewn̄ jik jik.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

PĀ GƏ̄ 115:16

Dɔ rā̰ i yā Kɔ́ɔ̄ɓē, banī ni-tél kə dɔ nangaá adə̄ deē ndul gə̄.

PĀ GƏ̄ 112:10

Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.

Makətūbə̄ yā Job 19:25

Mā m̄-ger̄ majə kadə̄ nge gān̄g dɔḿ ndi kə kumneé ō, m̄-ger̄ kadə̄ a ḭḭ dɔɔ́ gō gogə́ dɔ nang tə́ ō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

TA KƏLA 35:5

ba ndɔ́tə̄n̄ ɓē aw̄n̄. Nə́ɓā rāā adə̄ ɓōĺ kə́ ngá̰ý əsō kem ɓē gə̄ ń gīrə̄n̄ gidədə́ tə́ ní, adə̄ de kə́ ngɔ̄də̄ gō ngán Jakob gə̄ gətóo.

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

2 MBAN̄G 7:6

Tɔdɔ̄ Kɔ́ɔ̄ɓē rāā adə̄ Aram gə̄ oōn̄ ká̰ púsə gə̄ ō, ká̰ sə́nda gə̄ ō, ká̰ ngé rɔ̄ɔ̄ kə́ ngá̰ý gə̄ ō, kem gérger yādə́ tə́, ba ədan̄ naā na mban̄g kə́ *Israel tə́ na adə̄ mban̄g gə̄ yā Het gə̄ ō, mban̄g gə̄ kə́ Ejiptə tə́, ō nar kadə̄ rɔ̄ɔn̄neédə́ dɔn tə́.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ *Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

2 SAMUEL 17:10

Loo ń noō tə́ ká i de kə́ ngan̄g kə́ kemən i kem ɓɔl gə̄gē, tɔ́gən a ur̄ wak kɔ̄ɔ́. Tɔdɔ̄ *Israel gə̄ malang gerə̄n̄ kadə̄ bɔbí i go̰ rɔ̄ɔ̄ ō, de gə̄ ń seneé ní i de gə̄ kə́ gerə̄n̄ rɔ̄ɔ̄ majə ō.

NGÉ SARYA 7:14

Madə̄n ní tél ədan na: Nge ń noō i kaskar yā Jedeo̰ ngōn̄ Yoas ń i de kə́ Israel tə́ ní ngóy ō ba i rí? Nə́ɓā əla Madian gə̄ kə gérger yādə́ malang kem jīn tə́ kɔ̄ɔ́ ɓá.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán *Israel gēé.

NDŪ NAJƏ̄ 28:10

Gír de kə́ rang gə̄ malang kə́ dɔ nang tə́ a a̰a̰n̄ kadə̄ ɓāŕnī i kə rī Kɔ́ɔ̄ɓēé anī a ɓōĺnī.

NDŪ NAJƏ̄ 11:25

De kə́ asə ra nosí tə́ a gətóo. Loo malang ń āwī tū tə́ ní, Kɔ́ɔ̄ɓē a əla sōl̄ ō, ɓōĺ ō, kem de gə̄ tə́ tām̄ yāsí tə́ tītə̄ ń ədańsí ní.

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

HEBƏRO 11:31

I kə ta kūl̄ taā kem n Rahab ń dəyá̰ ájə́ba ní tɔ̄l̄nən̄ naā tə́ kə madə̄ ba̰ā̰ Nə́ɓā gə̄ aĺ ní. Tɔdɔ̄ ni-əhɔ ngé kum̄ loo gə̄ kə̄ kújə yān tə́ kə kem kə́ majaá.

TƏ́DA 20:14

Moijə ndi Kades ba əla de gə̄ rɔ̄ mban̄g kə́ Edom tə́ kadə̄ ədanən̄ na: Najə̄ kɔr̄ ngōkó̰ó̰í Israel n toó: Yá̰á̰ kə́ tōr̄ gə̄ ń rāān̄jí ní, ḭ̄ ī-ger̄ malang.

TƏ́DA 20:24

*Aaro̰ a oy ngɔr yā kaw̄ gō kaan gə̄ tə́, tɔdɔ̄ dɔ nang ń m-ādə̄ ngán *Israel gə̄ ní a ugə̄ tū tə́ alé, tām̄ sḭḭ̄ ī-mbātíī koō taḿ ta kəɓa man̄ kə́ Meriba tə́.

JOJUE 2:8

Rahab tél al̄ aw̄ dɔ kújú rɔ̄ ngé kəndā ma̰ȳ loo gə̄ tə́ pá tá kadə̄ ton̄ nang tə́ ɓáý.

JOJUE 2:24

Nin̄ ədan̄ Jojue na: Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.

JOJUE 9:9

Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

JOJUE 9:10

yá̰á̰ ń ni-rāā kə mban̄g yā *Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō.

JOJUE 9:24

De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

IJAI 23:5

Dan ń ɓē kə́ Ejiptə a oō gotə najə̄ noō anī, a ndew tītə̄ ndew ń ni ndew dan ń ni oō gotə yá̰á̰ ń rāā ɓē kə́ Tir ní beē.

JOJUE 5:1

Dan ń ngār gə̄ malang yā *Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán *Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

JOJUE 6:2

Anī Kɔ́ɔ̄ɓē əda Jojue na: Á̰a̰ā̰, m-ə́la ɓē kə́ Jeriko kem jīí tə́, kə mban̄g kə́ kemeé ō, go̰ rɔ̄ɔ̄ gə̄ kə́ kemeé ō.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.