JOJUE 19:51 - Bible sar

⁵¹ Eleajar kə́ *nge tun̄ yá̰a̰ ō, Jojue ngōn̄ Nun ō, ngār gə̄ yā ngán *Israel gə̄ ō, túgə̄n̄ wə̄lā ta kum Kɔ́ɔ̄ɓē tə́ *Silo, ta *kújə kənge naā tə́ n adə̄nəń dɔ nang gə̄ ń noō ní. I beé n tɔ̄l̄nəń ta nə̄ɓō naā dɔ nang ní.

Bibəl ta Sar̄

⁵¹ Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ yā ngán Israel gə̄ ō, túgə̄n̄ wə̄lā ta kum Kɔ́ɔ̄ɓē tə́ Silo, ta kújə kənge naā tə́ n adə̄nəń dɔ nang gə̄ ń noō ní. I beé n tɔ̄l̄nəń ta nə̄ɓō naā dɔ nang ní.

JOJUE 19:51 Referans Kwoze

JOJUE 18:10

Jojue túgə̄ wə̄lā ta kum Kɔ́ɔ̄ɓē tə́, adə̄ń ngán *Israel gə̄ núsə dɔ nang gə̄ ní. Ni-adə̄ gír ɓē gə̄ kógə̄ḿ dɔ nang gə̄ ń i kə́ tām̄ yādə́ gə̄ tə́ ní.

JOJUE 14:1

I Eleajar kə́ *nge tun̄ yá̰a̰ ō, Jojue ngōn̄ Nun ō, ngār gə̄ kə́ dɔ gír ɓē gə̄ yā ngán *Israel gə̄ tə́ ō n gángə̄n̄ dɔ nang kə́ Kanaan adə̄n̄ ngán Israel gə̄ ní. Ba loo gán̄gə̄n̄neé ní n toó:

JOJUE 18:1

Dan ń ngán *Israel gə̄ taān̄ ɓē malang oy anī, kánə̄n̄ naā *Silo, ba udən̄ *kújə kənge naā kemeé.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

MATIYE 20:23

Anī Jeju ədadə́ na: Ā ā̰yī yá̰á̰ kə́ kem kópə yāḿ tə́ rɔ̄kum, ba yā ndi dɔ jī ko̰ḿ tə́ aké dɔ jī geləḿ tə́ ní, i mā n m-ā m-ādə̄ nge ń noō ní alé, banī i tām̄ yā ngé gə̄ ń Bɔbə́ḿ əndā yá̰á̰ ń toō dɔ jīn tām̄ yādə́ tə́ ní.

PĀ GƏ̄ 78:60

Ni əya̰ kújə́ kə́ *Silo kɔ̄ɔ́, kújə tandā ń ni udə dan de gə̄ tə́ ní.

1 SAMUEL 1:3

Dəngam ní a ḭḭ ɓē yān tə́ kə dɔ ɓāl̄ gə̄ a aw̄ *Silo kɔsə non nang tə́ no Kɔ́ɔ̄ɓē nge tɔgə yá̰a̰ malang tə́ ō, tun̄ yá̰a̰ kadə̄n tə́ ō. Ngán Eli kə́ jōó gə̄ ń i Hopəni nin̄ kə Pinas ní n i *ngé tun̄ yá̰a̰ gə̄ yā Kɔ́ɔ̄ɓē kə́ kem ɓē kə́ *Silo tə́ ní.

NGÉ SARYA 21:21

ī-to ūmīiń loo. Ba ré á̰a̰ī ngán kə́ dəyá̰ gə̄ kə́ kem ɓē kə́ *Silo tə́ a teēn̄ yā ndām̄ anī, ī-teē əhɔīdə́ kógə̄ḿ kógə̄ḿ kə dɔsí gēé āwī sedə́ dɔ nang kə́ Benjamḛ tə́ ādə̄ télən̄ nə̄yá̰sí gə̄.

NGÉ SARYA 21:19

Loo ń noō tə́ əga kemdə́ dɔ tə́ kadə̄ sḛ́ý ɓáa na a rāān̄ nāā yā Kɔ́ɔ̄ɓē tītə̄ kə́ kə dɔ ɓāl̄ gə̄ kem ɓē kə́ *Silo tə́. Deē ra Betel anī *Silo i kə̄ dām̄ mbɔ́r ɓē kə́ ko̰ó̰ tə́, ba ré ra Lebona anī i kə̄ dām̄ mbɔ́r ɓē kə́ geleé tə́. Ré deē ra dɔ róbə́ ń ḭḭ Betel a aw̄ kə̄ Sisem ní tə́ anī i kə̄ dām̄ kə́ gír ɓē tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

KƏLA RĀĀ 13:19

Ni nujə nápar de kə́ rang gə̄ gír sīrí dɔ nang kə́ Kanaan tə́, ba tél kə dɔ nang yādə́ adə̄ gír deē yān gə̄ kadə̄ télən̄ kɔ́ɔ̄n.

JOJUE 20:1

Kɔ́ɔ̄ɓē mēr̄ Jojue