JOJUE 18:6 - Bible sar

⁶ Á̰a̰ī dɔ nang kə́ gán̄g naā tə́ gír loo sīrí ní ké to i ba̰ý wa, ba ī-ndangiī najə̄ kə́ dɔ tə́ makətūbūú ī-reēiń ādə̄mī. M-ā m̄-túgə̄ wə̄lā ta kum Kɔ́ɔ̄ɓē Nə́ɓā yādə́ tə́ loo ń toō tə́ laā yā kadə̄ń gír ɓē yāsí gə̄ dɔ nang gə̄ ní.

Bibəl ta Sar̄

⁶ Á̰a̰ī dɔ nang kə́ gán̄g naā tə́ gír loo sīrí ní ké to i ba̰ý wa, ba ī-ndangiī najə̄ kə́ dɔ tə́ makətūbūú ī-reēiń ādə̄mī. M-ā m̄-túgə̄ wə̄lā ta kum Kɔ́ɔ̄ɓē Nə́ɓā yādə́ tə́ loo ń toō tə́ laā yā kadə̄ń gír ɓē yāsí gə̄ dɔ nang gə̄ ní.

JOJUE 18:6 Referans Kwoze

JOJUE 14:2

Kə gō ń Kɔ́ɔ̄ɓē ədań Moijə kadə̄ rāā ní, nin̄ túgə̄n̄ i wə̄lā n gángə̄n̄neé dɔ nang gə̄ ní adə̄n̄ gír ɓē gə̄ kə́ ndōhó kə núsə́ ń əngen̄ dɔ nang aĺ ɓáý ní.

JOJUE 18:10

Jojue túgə̄ wə̄lā ta kum Kɔ́ɔ̄ɓē tə́, adə̄ń ngán *Israel gə̄ núsə dɔ nang gə̄ ní. Ni-adə̄ gír ɓē gə̄ kógə̄ḿ dɔ nang gə̄ ń i kə́ tām̄ yādə́ gə̄ tə́ ní.

KƏLA RĀĀ 13:19

Ni nujə nápar de kə́ rang gə̄ gír sīrí dɔ nang kə́ Kanaan tə́, ba tél kə dɔ nang yādə́ adə̄ gír deē yān gə̄ kadə̄ télən̄ kɔ́ɔ̄n.

Gōsə̄ najə̄ gə̄ 18:18

Wə̄lā kə́ túgə̄ rāā adə̄ gír kɔ̄l̄ naā gān̄g ō, gān̄g najə̄ kə́ to dan de kə́ bo gə̄ tə́ ō.

Gōsə̄ najə̄ gə̄ 16:33

De gə̄ túgə̄n̄ wə̄lā yā gerə̄ń yá̰á̰ kə́ bírí, banī i Kɔ́ɔ̄ɓē n i nge kəda najə̄ kə́ dɔ yá̰á̰ tə́ ní.

PĀ GƏ̄ 105:11

dan ń ni-əda na: M-ādī dɔ nang kə́ Kanaan ń i núsə dɔ nang kə́ gān̄g kadə̄sí kə ngánsí gə̄ ō, ngán kaasí gə̄ ō, kadə̄ i yá̰a̰ kənge yāsí ní!

JOJUE 18:8

De gə̄ ń gə̄rān̄də́ kadə̄ aw̄ əndān̄ ma̰ȳ dɔ nang ní rāān̄ rɔ̄də́ yā kaw̄. Ba pá tə́ kadə̄ aw̄n̄ ní, Jojue ədadə́ na: Āw̄ ī-njə̄rāī dɔ nang ní tə́ kə taá malang, ə̄ndāī ma̰ȳn kə gōó ké to i ba̰ý wa, ba ī-reē ə̄nīmī gotə. M-ā m̄-túgə̄ wə̄lā dɔ tə́ ta kum Kɔ́ɔ̄ɓē tə́ *Silo laā yā Kadə̄ńsí.

TƏ́DA 34:13

Moijə əda ngán *Israel gə̄ yá̰á̰ ń Kɔ́ɔ̄ɓē mēr̄də́ rāā ní. Ba gō tə́ anī ədadə́ na: Dɔ nang ń Kɔ́ɔ̄ɓē mēr̄ túgə̄ wə̄lā yā gángəń naā tə́ kadə̄ gír ɓē kə́ ndōhó kə núsə gə̄ ní n noó.

TƏ́DA 33:54

Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní.

JOJUE 18:7

*Ngán Lebi gə̄ əngen̄ dɔ nang dɔ dáńsí tə́ alé, tɔdɔ̄ yá̰a̰ kənge yādə́ i kəla *tun̄ yá̰a̰ tām̄ yā Kɔ́ɔ̄ɓē tə́. Ba kə́ tām̄ yā Gad gə̄ tə́ ō, Ruben gə̄ tə́ ō, núsə de gə̄ ké gír ɓē yā Manase tə́ gə̄ ō ní, əngen̄ dɔ nang yādə́ gidə bā Jurdḛ kə́ dām̄ kə́ gír ɓē tə́ kɔ̄ɔ́ ɓá. I Moijə kə́ nge kəla yā Kɔ́ɔ̄ɓē nəkɔ́ n adə̄də́ ní.