JOJUE 18:4 - Bible sar

⁴ Ī-gə̄raī de gə̄ mətá kə dɔ gír ɓē gēé ādə̄mī. M-ā m-ə́ládə́ kadə̄ aw̄ njə̄rān̄ dɔ nang ní tə́ kadə̄ əndān̄ ma̰ȳ dɔ nang kə́ tām̄ yā gír ɓē yādə́ gə̄ tə́ kə gōó ba tél reē ɔjəmə̄n̄ ké to i ba̰ý wa.

Bibəl ta Sar̄

⁴ Ī-gə̄raī de gə̄ mətá kə dɔ gír ɓē gēé ādə̄mī. M-ā m-ə́ládə́ kadə̄ aw̄ njə̄rān̄ dɔ nang ní tə́ kadə̄ əndān̄ ma̰ȳ dɔ nang kə́ tām̄ yā gír ɓē yādə́ gə̄ tə́ kə gōó ba tél reē ɔjəmə̄n̄ ké to i ba̰ý wa.

JOJUE 18:4 Referans Kwoze

JOJUE 18:9

De gə̄ ní aw̄ njə̄rān̄ dɔ nang ní tə́ kə taá malang. Nin̄-ndangən̄ najə̄ kə́ dɔ dɔ nang ń nin̄-gángə̄n̄ naā tə́ gír loo sīrí ní ō, ndangən̄ rī ɓē gə̄ ō, ba tél aw̄n̄ gogə́ rɔ̄ Jojue tə́ gérger kə́ *Silo tə́.

JOJUE 18:6

Á̰a̰ī dɔ nang kə́ gán̄g naā tə́ gír loo sīrí ní ké to i ba̰ý wa, ba ī-ndangiī najə̄ kə́ dɔ tə́ makətūbūú ī-reēiń ādə̄mī. M-ā m̄-túgə̄ wə̄lā ta kum Kɔ́ɔ̄ɓē Nə́ɓā yādə́ tə́ loo ń toō tə́ laā yā kadə̄ń gír ɓē yāsí gə̄ dɔ nang gə̄ ní.

JOJUE 18:3

Tā anī Jojue ədadə́ na: Ā ī-ngóōī i bátə́ ndɔ̄ kə́ rá tə́ tá kadə̄ āwī ī-taāī dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní?

JOJUE 4:2

Ī-gə̄rāī de gə̄ kógə̄ḿ kógə̄ḿ kə dɔ gír ɓē gēé, ādə̄ de gə̄ malang i kutə gidə i jōó,

JOJUE 3:12

Ī-gə̄rāī de gə̄ kutə gidə i jōó dɔ dáńsí tə́, de gə̄ kógə̄ḿ kógə̄ḿ kə dɔ gír ɓē gēé.

TƏ́DA 13:2

Əla de gə̄ ādə̄ aw̄ əndān̄ ma̰ȳ dɔ nang kə́ Kanaan ń m-ādə̄ ngán *Israel gə̄ ní. Ā ɔ̄r̄ i deē kógə̄ḿ kógə̄ḿ kə dɔ gír ɓē gēé n ā ə́ládə́ ní. De gə̄ ní ā ī-gə̄rādə́ i dan ngār gə̄ yā ngán Israel gə̄ tə́. Moijə rāā yá̰á̰ ń Kɔ́ɔ̄ɓē əda ní.

TƏ́DA 1:4

Ādī de kə́ bo gə̄ kógə̄ḿ kógə̄ḿ kə dɔ gír ɓē gēé tə́dan̄də́ sesí.

JOJUE 18:5

Nin̄ a gángə̄n̄ dɔ nang ní gír loo sīrí. *Juda gə̄ ndin̄ dɔ nang yādə́ tə́ dām̄ mbɔ́r ɓē kə́ geleé tə́ ō, ngán kaa Jəjep gə̄ a ndin̄ dɔ nang yādə́ tə́ dām̄ mbɔ́r ɓē kə́ ko̰ó̰ tə́ ō

MISE 2:5

I beé ní, dan ń gír de gə̄ yā Kɔ́ɔ̄ɓē a télən̄ yā nə̄ɓō de gə̄ dɔ nang gogə́ rang anī, de kə́ dɔ dáńsí tə́ kə́ yā kənge dɔ nang ní a gətóo.