JOJUE 17:15 - Bible sar

¹⁵ Jojue tél tūr̄ ədadə́ na: Ré kutəsí i ngá̰ý ō, gō nang kə́ mbalá yā *Epəraim asəsí aĺ ō anī, āwī kem ku kāgə̄ gə̄ yā Periji gə̄ tə́ ō, Repay gə̄ tə́ ō, ā ə́hɔī loo tū tə́ tām̄ yāsí tə́.

Bibəl ta Sar̄

¹⁵ Jojue tél tūr̄ ədadə́ na: Ré kutəsí i ngá̰ý ō, gō nang kə́ mbalá yā Epəraim asəsí aĺ ō anī, āwī kem ku kāgə̄ gə̄ yā Periji gə̄ tə́ ō, Repay gə̄ tə́ ō, ā ə́hɔī loo tū tə́ tām̄ yāsí tə́.

JOJUE 17:15 Referans Kwoze

TA KƏLA 14:5

Kem ɓāl̄ kə́ nge ko̰ kutə gidə i sɔ́ tə́ anī, Kedor Laomer nin̄ kə mban̄g gə̄ ń seneé ní aw̄ rɔ̄ɔ̄n̄ Repay gə̄ Asətarot Karnaim ō, rɔ̄ɔ̄n̄ Susi gə̄ Ham ō, Emi gə̄ Sabe Kiryataim ō,

TA KƏLA 13:7

Ngé kul̄ yá̰a̰ yā Abəram gə̄ ō, ngé kul̄ yá̰a̰ yā Lot gə̄ ō, kɔ̄lə̄n̄ naā.

Najə̄ kə́ Majə yā Jeju ń Luk ndang ní 12:48

Banī nge ń ger̄ yá̰á̰ ń kɔ́ɔ̄n gḛy kadə̄ kə rāā ní alé, ba rāā yá̰a̰ gə̄ kə́ to kənge ndéý ní, a əndanən̄ i sḛ́ý beē ngóy. Deē ń adə̄nən̄ yá̰á̰ ngá̰ý ní, a dəjen̄ jīn tə́ ngá̰ý ō, deē ń ɓɔ̄ɔ̄nən̄ yá̰á̰ ngá̰ý ní, a dəjen̄ yá̰á̰ ní jīn tə́ kadə̄ yān tɔȳ yā madə̄n gə̄ ō.

ESDRAS 9:1

Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō *Amor gə̄ ō.

2 SAMUEL 5:22

Pilistin gə̄ tél aw̄n̄ gogə́ ənīn̄ rɔ̄ɔ̄ ɓáý to̰. Nin̄ tɔ̄ɔ̄n̄ naā kə̄ loo gə̄ tə́ kum wól loo yā Repay gə̄ tə́.

2 SAMUEL 5:18

Pilistin gə̄ reēn̄ ba tɔ̄ɔ̄n̄ naā kə̄ loo gə̄ tə́ kum wól loo yā Repay gə̄ tə́.

Teē Ngán Israel gə̄ 33:2

Na n-a n-əla deē yān kə́ dɔ rā̰ tə́ kété nodə́ tə́ ō,, na n-a n-tə̄ɓā Kanaan gə̄ ō, *Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō kɔ̄ɔ́.

TA KƏLA 15:20

yā Het gə̄ yā Periji gə̄ yā Repay gə̄

JOJUE 17:14

Ngán kaa Jəjep gə̄ ədan̄ Jojue na: Jḭḭ ń Kɔ́ɔ̄ɓē rāā majə sejí ngá̰ý, tɔdɔ̄ ni-adə̄ jə-tél kósə de kə́ ngá̰ý gə̄ ní, ādə̄jí dɔ nang gír loo kógə̄ḿ beé i tām̄ rí tə́?

JOJUE 17:16

Ngán kaa Jəjep gə̄ tél ədan̄ Jojue na: Gō nang kə́ mbalá a asəjí alé. Tá Kanaan gə̄ ń ndin̄ ndágə loo gə̄ tə́ á i ngé gə̄ ń ndin̄ Bet Sean ō, kem ngán ɓē gə̄ ń Bet Sean o̰o̰ ɓē dɔ tə́ ní ō, ngé gə̄ ń ndin̄ ndágə loo gə̄ kə́ Jisreel tə́ ō ní, aw̄n̄ kə púsə rɔ̄ɔ̄ kə́ rāā kə gindīí gə̄.

2 SAMUEL 18:6

Ngé rɔ̄ɔ̄ yā Dabid gə̄ teēn̄ aw̄n̄ dan bembeé, tə́nīn̄ ta deē yā Absalom gə̄ yā rɔ̄ɔ̄də́. Nin̄ udən̄ naā tə́ rɔ̄ɔ̄n̄ naā kem ku kə́ *Epəraim tə́.

NGÉ SARYA 17:1

De kógə̄ḿ ndi gō nang kə́ mbalá yā *Epəraim tə́, rīn na i Mika.