JOJUE 11:6 - Bible sar

⁶ Kɔ́ɔ̄ɓē əda Jojue na: Ī-lōō ɓōĺ, tɔdɔ̄ bírí kə kum mbang ń toō, m-ā m̄-tetədə́ rɔ̄ɔ̄ rá tá m-ā m-ə́la nīńdə́ jī Israel gə̄ tə́ ɓáý. Ā ī-gán̄g ngəra nja sə́nda yādə́ gə̄ ō, ā ə́la hor dɔ rúsə́ sə́nda yādə́ gə̄ tə́ ō.

Bibəl ta Sar̄

⁶ Kɔ́ɔ̄ɓē əda Jojue na: Ī-lōō ɓōĺ, tɔdɔ̄ bírí kə kum mbang ń toō, m-ā m̄-tetədə́ rɔ̄ɔ̄ rá tá m-ā m-ə́la nīńdə́ jī Israel gə̄ tə́ ɓáý. Ā ī-gán̄g ngəra nja sə́nda yādə́ gə̄ ō, ā ə́la hor dɔ rúsə́ sə́nda yādə́ gə̄ tə́ ō.

JOJUE 11:6 Referans Kwoze

JOJUE 10:8

Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

2 SAMUEL 8:4

Dabid əhɔ ngé kal̄ sə́nda yā Hadadejer gə̄ dūbú kə ɓú sīrí ō, ngé rɔ̄ɔ̄ yān gə̄ kə́ ngé njə̄rā kə njadə́ gə̄ dūbú kutə jōó ō. Ni-gán̄g ngəra nja sə́nda gə̄ ń a ndɔ́rə̄n̄ púsə rɔ̄ɔ̄ gə̄ ní kɔ̄ɔ́ malang, ba ngɔ̄m̄ sə́nda gə̄ kə púsə rɔ̄ɔ̄ gə̄ ɓú kógə̄ḿ tām̄ yān tə́.

1 SAMUEL 11:9

Ədan̄ ngé kəla gə̄ ń de kə́ Yabes gə̄ əlan̄də́ ní na: Āw̄ ə́daī de gə̄ kə́ Yabes kə́ gō nang kə́ Galaad tə́ gə̄ na bírí dan kadaá anī a əngen̄ ngé dḭḭ̄də́ gə̄. Ngé kaw̄ kəla gə̄ ní tél reē ədan̄ de kə́ kem ɓē kə́ Yabes tə́ gə̄ najə̄ ní, anī rɔ̄də́ nel̄də́ ngá̰ý.

JOJUE 11:9

Jojue rāā yá̰á̰ ń Kɔ́ɔ̄ɓē ədan kadə̄ rāā ní: Ni-gán̄g ngəra nja sə́nda yādə́ gə̄ ō, əla hor dɔ púsə́ sə́nda yādə́ gə̄ tə́ ō.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ *táĺ yā *Israel tə́ alé. Nin̄ sāān̄ Kɔ́ɔ̄ɓē alé.

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

Gōsə̄ najə̄ gə̄ 20:7

De kə́ súmūú njə̄rā dɔ róbə yān tə́ kə háĺ kə́ gōtə́. Ngánən gə̄ ndin̄ gotən tə́ kə rɔ̄nelēé!

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

2 YÁ̰A̰ GƏ̄ 20:16

Ī-teēī bírí ī-risə āwī kum kə̄ dɔdə́ tə́. I nin̄ n al̄ a reēn̄ kum kə̄ dɔɔ́ kə gō kadə loo ń a ɓārə́n̄ na i hútə̄ yá̰á̰ ní tə́ toō. Ā ə́ngeīdə́ ta ngóý wól loo tə́, loo ń ra sɔɔ̄n̄ ta naā kə dəla loo kə́ Yeruel tə́ ní.

JOJUE 3:5

Gō tə́ anī Jojue əda gír de gə̄ na: Ɔ̄rī kam̄sí tām̄ yā Nə́ɓā tə́ ādə̄ majaĺ gətóo dɔ dáńsí tə́, tɔdɔ̄ bírí anī Kɔ́ɔ̄ɓē a rāā yá̰á̰ kə́ kɔr kum gə̄ dɔ dáńsí tə́.

NDŪ NAJƏ̄ 7:16

Gír de gə̄ malang ń Kɔ́ɔ̄ɓē Nə́ɓā yāsí a əladə́ kem jīsí tə́ ní, ā ī-nujiī sedə́ kɔ̄ɔ́ malang kanjə̄ ka̰a̰ kum tō ndoō yādə́. Ā ī-ndɔ̄yī ɓesə̄ yādə́ gə̄ alé, tɔdɔ̄ ɓesə̄ yādə́ gə̄ i gūmbə̄ tām̄ yāsí tə́.

JOJUE 11:5

Nin̄-əngen̄ naā malang ba aw̄ ənīn̄ rɔ̄də́ ta kəɓa man̄ gə̄ kə́ Merom tə́ yā rɔ̄ɔń ngán *Israel gə̄.

JOJUE 11:7

Jojue nin̄ kə ngé rɔ̄ɔ̄ yān gēé teēn̄ kə madə̄ ba̰ā̰də́ gēé tétə́ ta kəɓa man̄ gə̄ kə́ Merom tə́, ba udən̄ dɔdə́ tə́ rɔ̄ɔ̄n̄də́.

NGÉ SARYA 7:9

Ndɔ̄ɔ́ ndɔ̄ ń yá̰a̰ gə̄ ń noō rāānəń yá̰á̰ tə́ ní, Kɔ́ɔ̄ɓē əda Jedeo̰ na: Ḭ́ḭ dɔɔ́ āw̄ ə̄nī gérger yā Madian gə̄ rɔ̄ɔ̄, tɔdɔ̄ m-ə́lan kem jīí tə́ kɔ̄ɔ́.

EJEKIEL 39:9

*Israel gə̄ a teēn̄ kem ɓē yādə́ gə̄ tə́ kɔ̄ɔ́. Nin̄ a rāān̄ hor kógə̄ḿ, a əlan̄ hor dɔ yá̰a̰ rɔ̄ɔ̄ gə̄ yā madə̄ ba̰ā̰də́ gə̄ tə́. Der gə̄ malang, kə́ dūú gē kə́ bo gē, ga̰ gərā gə̄ ō, kum gərā gə̄ ō, kaskar gə̄ ō, nənga gə̄ ō, yá̰a̰ gə̄ malang ń noō ní, a əlan̄ hor dɔ tə́ ɓāl̄ sīrí.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

2 MBAN̄G 6:16

Anī Elije tél ədan na: Ī-lōō ɓōĺ! De gə̄ ń i sejí ní nin̄ i ngá̰ý tɔȳ ngé gə̄ ń i sedə́ ní.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.