JOJUE 11:12 - Bible sar

¹² Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

Bibəl ta Sar̄

¹² Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

JOJUE 11:12 Referans Kwoze

NDŪ NAJƏ̄ 7:2

Kɔ́ɔ̄ɓē a əladə́ kem jīsí tə́ kadə̄ ī-tetiīdə́ rɔ̄ɔ̄ ō, *ī-bāāī dɔdə́ ādə̄niī ō. Ī-lōōī əhɔ *madə̄ naā sedə́ ō, ka̰a̰ kum tō ndoō yādə́ ō.

JOJUE 11:15

Yá̰á̰ ń Kɔ́ɔ̄ɓē ɔjə nge kəla yān Moijə ní, Moijə ɔjə Jojue kə gō ń Kɔ́ɔ̄ɓē ɔjənəń ní. Jojue rāā yá̰a̰ malang ń Kɔ́ɔ̄ɓē ɔjə Moijə ní kanjə̄ kəya̰ yá̰á̰ kógə̄ḿ kɔ̄ɔ́.

JOJUE 10:37

Nin̄ taān ɓē kə́ Hebron ba tɔ̄lə̄n̄ mban̄g kə́ kemeé ō, tɔ̄lə̄n̄ de kə́ kem ɓē gə̄ kə kəyā kaskaraá malang ō, taān̄ ngán ɓē gə̄ ń ndin̄ kadə ɓē kə́ Hebron tə́ ní ō, tɔ̄lə̄n̄ de kə́ kemeé gə̄ malang ō. Jojue bāā dɔ ɓē kə́ Hebron adə̄ Nə́ɓā tītə̄ ń bāań dɔ ɓē kə́ Egəlon ní. Ni-tɔ̄l̄ de kə́ kemeé gə̄ malang, ba əya̰ deē kógə̄ḿ adə̄ ndi kə kumuú alé.

JOJUE 10:35

Nin̄ taān̄ ɓē kə́ Egəlon ndɔ̄ nəkɔ́ ń nuū tə́, ba tɔ̄lə̄n̄ de kə́ kemeé gə̄ malang kə kəyā kaskaraá bāān̄neé dɔdə́ adə̄n̄ Nə́ɓā, tītə̄ ń rāānəń kə ɓē kə́ Lakis ní.

JOJUE 10:32

Kɔ́ɔ̄ɓē əla ɓē kə́ Lakis kem jī ngán Israel gə̄ tə́, adə̄ ngán Israel gə̄ taān̄ ɓē kə́ Lakis kə ndɔ̄ rɔ̄ɔ̄ kə́ nge ko̰ jōó. Nin̄ tɔ̄lə̄n̄ de kə́ kem ɓēé gə̄ malang kə kəyā kaskaraá tītə̄ ń tɔ̄lneé de kə́ Libəna gə̄ ní.

JOJUE 10:30

Kɔ́ɔ̄ɓē əla ɓē kə́ Libəna kə mban̄g kə́ tū tə́ kem jīdə́ ɓáý to̰. Ngán Israel gə̄ tɔ̄lə̄n̄ de kə́ kem ɓēé gə̄ malang kə kəyā kaskaraá əya̰n̄ deē kógə̄ḿ adə̄ ndi kə kumuú alé. Yá̰á̰ ń rāān̄ kə mban̄g kə́ Libəna ní i tītə̄ yá̰á̰ ń rāān̄ kə mban̄g kə́ Jeriko ní.

JOJUE 10:28

Ndɔ̄ nəkɔ́ ń nuū tə́ Jojue taā ɓē kə́ Makeda. Ni-tɔ̄l̄ mban̄g kə́ Makeda ō, de kə́ kem ɓē gə̄ malang ō, kə kəyā kaskaraá bāań dɔdə́ adə̄ Nə́ɓā. Ni-əya̰ deē kógə̄ḿ adə̄ ndi kə kumuú alé. Yá̰á̰ ń rāā kə mban̄g kə́ Makeda ní i tītə̄ yá̰á̰ ń rāā kə mban̄g kə́ Jeriko ní.

JOJUE 9:24

De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

JOJUE 8:31

Ni-rāā *loo tun̄ yá̰á̰ ní i tītə̄ ń Moijə nge kəla yā Kɔ́ɔ̄ɓē ɔjəń ngán *Israel gə̄ ní. Ɔjən̄ loo rāā *loo tun̄ yá̰á̰ ní kem makətūbə̄ *ndū najə̄ yā Moijə tə́ i beé: Ā ī-rāāī *loo tun̄ yá̰á̰ ní i kə mbal̄ gə̄ kə́ ton̄ kə taá ō, kə́ deē tɔ́sə̄ kadə̄ kə yá̰a̰ rāā kəla kə́ rāā kə gindī aĺ ō. Tunə̄n̄ dā̰ kə́ róō horoó ō, dā̰ kə́ tām̄ yā kem kógə̄ḿ tə́ ō dɔ *loo tun̄ yá̰á̰ ní tə́ adə̄n̄ Kɔ́ɔ̄ɓē.

JOJUE 8:8

Ré ī-taāī ɓē ní ɔy anī, ə́laī hor tū tə́ kə gō ndū Kɔ́ɔ̄ɓē. Yá̰á̰ ń m-ə́dásí kadə̄ ī-rāāī ní n nuú.

JOJUE 11:13

Ɓá tā ba ɓē gə̄ ń tə́ndān̄də́ dɔ loo kə́ kḭḭ kə̄ dɔɔ́ gə̄ tə́ ní, Israel gə̄ tə́lan̄ hor dɔ tə́ alé. I ɓē kə́ Hasor ngóy n Jojue əla hor dɔ tə́ ní.

NDŪ NAJƏ̄ 9:3

Ɓōólaā ā ī-gerī kadə̄ i Kɔ́ɔ̄ɓē Nə́ɓā yāsí n i nge njə̄rā nosí tə́ tītə̄ hor kə́ a o̰o̰ loo ní. I ni n i nge tə̄ɓā ngán Anak gə̄ kɔ̄ɔ́ nosí tə́ ō, nge kəla dɔdə́ gíŕ tɔ́gə́sí tə́ ō ní. Ā ī-táāī ɓē yādə́ gə̄ ō, ā ī-nujiī sedə́ kɔ̄ɔ́ malang kanjə̄ kɔr bā̰ā̰ tītə̄ ń Kɔ́ɔ̄ɓē ənīń míndən adə̄sí ní ō.

JOJUE 10:20

Jojue kə ngán *Israel gēé tetən̄ *Amor gə̄ rɔ̄ɔ̄ tetə kə́ to ɓōĺ ngá̰ý. Nin̄ nujən̄ sedə́ sák sák kɔ̄ɔ́. Ngé kə́rēý gə̄ ń teēn̄ ta yo tə́ ní, a̰ȳ udən̄ kem ɓē yādə́ gə̄ kə́ ndogə̄ mbal̄ kə́ ngan̄g gə̄ gīrə̄n̄ gidə tə́.

JOJUE 13:6

gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán *Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

JOJUE 21:44

Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.