JOJUE 10:8 - Bible sar

⁸ Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

Bibəl ta Sar̄

⁸ Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.

JOJUE 10:8 Referans Kwoze

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

NDŪ NAJƏ̄ 3:2

Tā anī Kɔ́ɔ̄ɓē ədam̄ na: Ī-lōō ɓōlə́n, tɔdɔ̄ ni ō, deē yān gə̄ malang ō, dɔ nang yān ō ní, i kə́ m-ə́ládə́ kem jīí tə́ kɔ̄ɔ́ ɓá. Yá̰á̰ ń ī-rāā kə Sihon, mban̄g yā *Amor gə̄ ń ndi kem ɓē kə́ Hesəbon tə́ ní, ā ī-rāā seneé ō.

JOJUE 11:6

Kɔ́ɔ̄ɓē əda Jojue na: Ī-lōō ɓōĺ, tɔdɔ̄ bírí kə kum mbang ń toō, m-ā m̄-tetədə́ rɔ̄ɔ̄ rá tá m-ā m-ə́la nīńdə́ jī Israel gə̄ tə́ ɓáý. Ā ī-gán̄g ngəra nja sə́nda yādə́ gə̄ ō, ā ə́la hor dɔ rúsə́ sə́nda yādə́ gə̄ tə́ ō.

JOJUE 8:1

Kɔ́ɔ̄ɓē əda Jojue na: Ī-lōō ɓōĺ ō, ī-lōō kadə̄ kemií gān̄g man̄ ō. Ɔ́ý ngé rɔ̄ɔ̄ yāí gə̄ malang ba āw̄ ī-rɔ̄ɔ̄ ɓē kə́ Ai. Á̰a̰ m-ə́la mban̄g kə́ Ai kə de gə̄ yān gēé kem jīí tə́, m-ādī ɓē yān ō, dɔ nang yān ō.

NDŪ NAJƏ̄ 7:24

A əla mban̄g yādə́ gə̄ jīsí tə́ kadə̄ deē a ɓāŕ rīdə́ dɔ nang tə́ to̰ alé. Mban̄g kə́ yā dum̄ tasí a gətóo. A ī-tɔ̄līdə́ kɔ̄ɔ́ malang.

JOJUE 10:9

Jojue nin̄ kə ngé rɔ̄ɔ̄ gēé ḭḭn̄ Gilgal, njə̄rān̄ ndɔ̄ɔ́ bátə́ loo tīī anī, teēn̄ kə̄ rɔ̄də́ tə́ bus.

JOJUE 10:25

Anī Jojue ədadə́ na: Ī-lōō ɓōĺ ō, ī-lōōī kadə̄ kemsí gān̄g man̄ ō, əhɔī tɔgə ō, ī-raī dəngam ō, tɔdɔ̄ madə̄ ba̰ā̰sí gə̄ malang ń ā ī-rɔ̄ɔ̄īdə́ ní, Kɔ́ɔ̄ɓē a rāādə́ i tītə̄ ń nuū.

NGÉ SARYA 7:9

Ndɔ̄ɔ́ ndɔ̄ ń yá̰a̰ gə̄ ń noō rāānəń yá̰á̰ tə́ ní, Kɔ́ɔ̄ɓē əda Jedeo̰ na: Ḭ́ḭ dɔɔ́ āw̄ ə̄nī gérger yā Madian gə̄ rɔ̄ɔ̄, tɔdɔ̄ m-ə́lan kem jīí tə́ kɔ̄ɔ́.

NGÉ SARYA 6:16

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.

1 SAMUEL 17:47

ngán Israel gə̄ malang ń kánə̄n̄ naā laā ní a gerə̄n̄ kadə̄ Kɔ́ɔ̄ɓē a sāā i kaskar, aké i səngɔy tá yā kajəń deē aĺ ō. Ni i ngol rɔ̄ɔ̄ ń toō adə̄ a əlasí jījí tə́.

1 MBAN̄G GƏ̄ 20:13

Anī *nge koō ta kógə̄ḿ ndɔ́tə̄ kə̄ rɔ̄ Akab mban̄g kə́ *Israel tə́ ba əda na: Kɔ́ɔ̄ɓē əda na: Á̰á̰ kósə de kə́ ngá̰ý gə̄ ń noō a? M-ā m-ə́ládə́ kem jīí tə́ ɓōólaā. Loo ń noō tə́ ā ī-ger̄ kadə̄ mā i Kɔ́ɔ̄ɓē. Akab əda na: