JOJUE 1:7 - Bible sar

⁷ Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ *ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

Bibəl ta Sar̄

⁷ Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

JOJUE 1:7 Referans Kwoze

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán *Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

NDŪ NAJƏ̄ 5:32

Yá̰á̰ ń Kɔ́ɔ̄ɓē Nə́ɓā yāsí ədasí ní, ə̄ndāī kumsí gírí ī-rāāī kə gōó kanjə̄ tɔ̄ɔ̄ geleé aláa ko̰ó̰.

JOJUE 1:8

Yá̰á̰ ndóō gə̄ ń ton̄ kem makətūbə̄ *ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

Gōsə̄ najə̄ gə̄ 4:27

Ī-tɔ̄ɔ̄ ko̰ó̰ aĺ ō, geleé aĺ ō. Ɔ̄r̄ njaí kɔ̄ɔ́ kum majaĺ tə́.

JOJUE 11:15

Yá̰á̰ ń Kɔ́ɔ̄ɓē ɔjə nge kəla yān Moijə ní, Moijə ɔjə Jojue kə gō ń Kɔ́ɔ̄ɓē ɔjənəń ní. Jojue rāā yá̰a̰ malang ń Kɔ́ɔ̄ɓē ɔjə Moijə ní kanjə̄ kəya̰ yá̰á̰ kógə̄ḿ kɔ̄ɔ́.

NDŪ NAJƏ̄ 31:7

Gō tə́ anī Moijə ɓāŕ Jojue ba ədan ta kum ngán *Israel gə̄ tə́ malang na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń Kɔ́ɔ̄ɓē ənī ndūn adə̄ kaadə́ gə̄ yā kadə̄də́ ní tə́. I ḭ̄ n ā ī-nə̄ɓōdə́ dɔ nang ní ní.

NDŪ NAJƏ̄ 29:9

Ɓōólaā ī-raī ta kum Kɔ́ɔ̄ɓē Nə́ɓā yāsí tə́ malang kum naā tə́ kə ngār yāsí gə̄ ō, gír ɓē yāsí gə̄ ō, *kum kɔɔ̄ yāsí gə̄ ō, ngé ndóō de gə̄ ndū najə̄ gə̄ ō, adə̄ i dəngam gə̄ malang kə́ Israel tə́.

NDŪ NAJƏ̄ 28:14

Ni a rāā majə seí tɔdɔ̄ ī-tɔ̄ɔ̄ geleé aĺ ō, ko̰ó̰ aĺ ō, dɔ róbə gə̄ malang ń m-ɔ́jə́sí ɓōólaā tə́ ní ō, ī-ndɔ̄ȳ ɓesə̄ gə̄ ń i nə́ɓā kə́ rang gə̄ ní aĺ ō.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

1 MBAN̄G GƏ̄ 2:3

Ī-ngɔ̄m̄ yá̰a̰ gə̄ ń Kɔ́ɔ̄ɓē Nə́ɓā yāí əda kadə̄ yā ngɔ̄m̄ ní ō, ún gō róbə yān gə̄ ō, ī-ngɔ̄m̄ *ndū najə̄ yān gə̄ ō, gō míndə gə̄ ń ni-əda kadə̄ yā rāā ní ō, jī bēl̄ loo rāā yá̰a̰ yān gə̄ ō, ī-rāā yá̰a̰ gə̄ ń ni-ɔsə seí ta rāā ní ō, tītə̄ ń i kə́ ndangəń kem *ndū najə̄ yā Moijə tə́ ní. I beé tá yá̰a̰ malang ń ā ī-rāā ní a teē yá̰a̰ majə.

TƏ́DA 27:23

ba əndā jīn dɔn tə́ əndānəń kem kəla yān tə́ tītə̄ ń Kɔ́ɔ̄ɓē ədań ní.

JOJUE 1:1

Dan ń Moijə ń nge kəla yā Kɔ́ɔ̄ɓē ní oy anī Kɔ́ɔ̄ɓē əda Jojue ngōn̄ Nun ń i nge kílən ní na:

NDŪ NAJƏ̄ 11:8

Ī-rāāī gō míndə gə̄ malang ń m-ə̄ndā dɔsí tə́ ɓōólaā kadə̄ ī-rāāī ní. Ā ə́ngeī tɔ́gə tū tə́ yā taāń dɔ nang ń ā āwī kə̄ tū tə́ ní.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

JOJUE 23:6

Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ *ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō.

1 MBAN̄G GƏ̄ 2:2

M-ā ə́yá̰ dɔ nang ń toō ngɔr, ə́hɔ rɔ̄í ngan̄g, ī-ra dəngam.

2 MBAN̄G 22:2

Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.

2 YÁ̰A̰ GƏ̄ 15:7

Banī sḭḭ̄ ī-ndiī ngan̄g. Ī-lōōī kəya̰ rɔ̄ɔ̄sí kadə̄ ɔrə̄n̄ tɔ́gə́sí kɔ̄ɔ́. A əndān̄ njasí tām̄ yā kəla ń ī-rāāī tə́ ní.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

NDŪ NAJƏ̄ 4:2

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.

NDŪ NAJƏ̄ 29:8

Adə̄ ī-ngɔ̄mī najə̄ gə̄ ń Nə́ɓā əhɔń *madə̄ naā ń toō sesí ní ō, ī-rāāī yá̰a̰ gə̄ ń ni-əda ní ō. Loo ń noō tə́ yá̰a̰ malang ń ā ī-rāāī ní a majə.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.

PĀ GƏ̄ 80:19

Loo ń noō tə́, j-a j-ɔr̄ rɔ̄jí rɔ̄í tə́ to̰ alé, ā ī-tél yā rāā kadə̄ jə-ndi kə kumjí ō, j-a jə-ɓāŕ rīí ō.