JOJUE 1:6 - Bible sar

⁶ ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

Bibəl ta Sar̄

⁶ ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

JOJUE 1:6 Referans Kwoze

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ *ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

2 TIMOTE 2:1

I beé ní, ḭ̄ ngōnə̄ḿ, rajə ń *Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g.

1 YÁ̰A̰ GƏ̄ 28:10

Ngɔlaā ní á̰a̰ā̰, Kɔ́ɔ̄ɓē gə̄rāī kadə̄ ī-rāā kújə́ kə́ a tél *loo kə́ táĺ yān. I beé ní, ə́hɔ rɔ̄í tɔgə ba údə kə̄ rɔ̄ kəla tə́ ī-rāā.

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán *Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol *ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

JAKARI 8:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə́hɔī rɔ̄sí tɔgə! Ādə̄ əga kemsí dɔ najə̄ gə̄ ń *ngé koō ta yāḿ gə̄ ədan̄sí ní tə́, dan ń əndānń ngəra *kújə yāḿ yā tél rāā gogə́ rang ní.

1 MBAN̄G GƏ̄ 2:2

M-ā ə́yá̰ dɔ nang ń toō ngɔr, ə́hɔ rɔ̄í ngan̄g, ī-ra dəngam.

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

1 SAMUEL 4:9

Pilistin gə̄, ə́hɔī rɔ̄sí tɔgə. Ī-raī dəngam, na sōgə́ ī-rāāī ɓəlo yā Hebəro gə̄ tītə̄ ń nin̄ rāān̄neé ɓəlo yāsí kété ní. Ī-raī dəngam ba ī-rɔ̄ɔ̄īdə́.

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 1:21

ba kə á̰a̰ī, Kɔ́ɔ̄ɓē Nə́ɓā yāsí na adə̄sí dɔ nang ń ra nosí tə́ noō. Ní kə āwī kə ī-taāī dɔ nang ní tītə̄ ń Kɔ́ɔ̄ɓē Nə́ɓā yā kaasí gə̄ ənīń míndən adə̄sí ní. Kə ī-lōōī ɓōĺ ō, kə ī-lōōī kadə̄ tɔ́gə́sí ur̄ wak ō.

NDŪ NAJƏ̄ 11:8

Ī-rāāī gō míndə gə̄ malang ń m-ə̄ndā dɔsí tə́ ɓōólaā kadə̄ ī-rāāī ní. Ā ə́ngeī tɔ́gə tū tə́ yā taāń dɔ nang ń ā āwī kə̄ tū tə́ ní.

2 SAMUEL 10:12

Ī-ra dəngam ō, ādə̄ jḭḭ jə-ra dəngam ō, tām̄ yā gír deē yājí gə̄ tə́ ō, ɓē gə̄ yā Nə́ɓā yājí tə́ ō, ba ādə̄ Kɔ́ɔ̄ɓē rāā yá̰á̰ ń kemən ndigə ní.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań *loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TƏ́DA 26:53

I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé.

TƏ́DA 33:53

Ī-taāī dɔ nang yādə́ ī-ndiī tū tə́, tɔdɔ̄ dɔ nang ní m-ādə̄sí i sḭḭ̄.

NDŪ NAJƏ̄ 1:8

Á̰a̰ī m-ādə̄sí do nang ń noō. Āw̄ ī-taāī tām̄ i dɔ nang kə́ mā Kɔ́ɔ̄ɓē m-ə̄nī ndūḿ kadə̄ m-ādə̄ kaasí gə̄ Abəraham ō, Isaak ō, Jakob ō, kadə̄ m-ādə̄ ngán kaadə́ gə̄ gotədə́ tə́ ō.

JOJUE 1:18

Deē ń a mbātə́ koō taí ō, a mbātə́ rāā yá̰a̰ malang ń ə́dájí kadə̄ j-rāā ō ní, a tɔ̄lnən̄ kɔ̄ɔ́. Yāí i yā kadə̄ ə́hɔ rɔ̄í tɔgə ō, ī-ra dəngam ō ngóy.

JOJUE 5:6

Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

JOJUE 10:25

Anī Jojue ədadə́ na: Ī-lōō ɓōĺ ō, ī-lōōī kadə̄ kemsí gān̄g man̄ ō, əhɔī tɔgə ō, ī-raī dəngam ō, tɔdɔ̄ madə̄ ba̰ā̰sí gə̄ malang ń ā ī-rɔ̄ɔ̄īdə́ ní, Kɔ́ɔ̄ɓē a rāādə́ i tītə̄ ń nuū.

JOJUE 13:6

gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán *Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

JOJUE 18:3

Tā anī Jojue ədadə́ na: Ā ī-ngóōī i bátə́ ndɔ̄ kə́ rá tə́ tá kadə̄ āwī ī-taāī dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní?

JOJUE 21:43

Kɔ́ɔ̄ɓē adə̄ ngán Israel gə̄ dɔ nang ń ni-ənī ndūn yā kadə̄ kaadə́ gə̄ ní malang. Nin̄ taān̄ dɔ nang ní ba ndin̄ tū tə́.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla *kújə yān kadə̄ təgā.

2 YÁ̰A̰ GƏ̄ 15:7

Banī sḭḭ̄ ī-ndiī ngan̄g. Ī-lōōī kəya̰ rɔ̄ɔ̄sí kadə̄ ɔrə̄n̄ tɔ́gə́sí kɔ̄ɔ́. A əndān̄ njasí tām̄ yā kəla ń ī-rāāī tə́ ní.

2 YÁ̰A̰ GƏ̄ 20:7

Nə́ɓā yājí, i ḭ̄ n ī-tə̄ɓā de kə́ dɔ nang ń toō tə́ gə̄ kɔ̄ɔ́ no *Israel ń i gír deē yāí gə̄ ní tə́, ba ādə̄ ngán kaa madí Abəraham dɔ nang ń toō kə́ yādə́ tə́ ní aĺ a?

2 YÁ̰A̰ GƏ̄ 20:11

Banī yá̰á̰ ń nin̄ əndān̄neé njají ɓōólaā ní i reē tə̄ɓājí dɔ nang ń ḭ̄ ādə̄jí tə́ ní.