JOJUE 1:15 - Bible sar

¹⁵ bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

Bibəl ta Sar̄

¹⁵ bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

JOJUE 1:15 Referans Kwoze

PILIPƏ 2:4

Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

1 KORḚNTƏ 13:5

Tár a rāā yá̰á̰ kə́ to rɔ̄sɔl̄ alé, ni-sāā yá̰a̰ tām̄ yān nəkɔ́ tə́ aĺ ō, rāā wōn̄g láẃ aĺ ō, əhɔ deē kemən tə́ aĺ ō.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń *ndū najə̄ yā *Kərist əda ní.

NDŪ NAJƏ̄ 3:20

bátə́ kadə̄ Kɔ́ɔ̄ɓē rāań kadə̄ ngákó̰ó̰sí gə̄ əngen̄neé loo kə́ yā ndi tū tə́ lɔm tītə̄ yāsí, dɔ nang ń Kɔ́ɔ̄ɓē Nə́ɓā yāsí adə̄də́ gidə bā Jurdḛ kə́ dām̄ kə́ nú tə́ ní. Pá tá sḭḭ̄ kógə̄ḿ kógə̄ḿ ā ī-téliī kə̄ ɓē yāsí gə̄ tə́, dɔ nang ń m-ādə̄sí tə́ ní ɓáý.

JOJUE 1:1

Dan ń Moijə ń nge kəla yā Kɔ́ɔ̄ɓē ní oy anī Kɔ́ɔ̄ɓē əda Jojue ngōn̄ Nun ń i nge kílən ní na:

JOJUE 1:14

Na nə̄yá̰sí gə̄ ō, ngáńsí kə́ dūú gə̄ ō, yá̰a̰ kul̄ yāsí gə̄ ō, na a na̰yn̄ gogə́ dɔ nang ń na n-ádə̄sí gidə bā Jurdḛ kə́ dām̄ kə́ laā tə́ ní. Banī sḭḭ̄ go̰ rɔ̄ɔ̄ gə̄ malang na ā ī-mānī kété no ngákó̰ó̰sí gə̄ tə́ teē bā Jurdḛ kə yá̰a̰ rɔ̄ɔ̄ yāsí gēé jīsí tə́ yā rāań sedə́

JOJUE 1:16

Nin̄ tél ədan̄ Jojue na: Yá̰a̰ malang ń ə́dájí kadə̄ jə-rāā ní, j-a jə-rāā ō, loo malang ń ə́lájí tū tə́ ní j-a j-aw̄ ō.

NDŪ NAJƏ̄ 3:18

Tā anī m-ə́dásí najə̄ ń toō m-ə́da na: Dan ń Kɔ́ɔ̄ɓē Nə́ɓā yāsí adə̄sí dɔ nang kə́ gidə bā Jurdḛ kə́ dām̄ kə́ gír ɓē tə́ oy kɔ̄ɔ́ ɓá ní, majə kadə̄ ngé rɔ̄ɔ̄ gə̄ malang kə́ dɔ dáńsí tə́ ɔyn̄ yá̰a̰ rɔ̄ɔ̄ yādə́ gə̄ teēn̄neé bā Jurdḛ, ba njə̄rān̄ kété no ngákó̰ó̰sí gə̄ ń i gotə ngán Israel gə̄ ní tə́.

NDŪ NAJƏ̄ 9:1

Israel gə̄, ōōī majə. Ɓōólaā ā ī-teēī bā Jurdḛ kə̄ gidə kə́rēý tə́ yā kaw̄ tə̄ɓā nápar de kə́ ngá̰ý gə̄ ō, kə́ ngangə̄n̄ tɔȳn̄sí gə̄ ō, ba taāń ɓē yādə́ kə́ bo gə̄ ō, kə́ ndogə̄ mbal̄ kə́ gidə tə́ gə̄ ngālə̄n̄ ngá̰ý kum kə̄ dɔɔ́ ō.

JOJUE 22:1

Tā anī Jojue ɓāŕ Ruben gə̄ ō, Gad gə̄ ō, de kə́ gír ɓē yā Manase tə́ gə̄ ń loo yādə́ i dām̄ kə́ gír ɓē tə́ ní ō,