JOEL 3:5 - Bible sar

⁵ Loo ń noō tə́, de gə̄ malang ń a ɓārə́n̄ rī Kɔ́ɔ̄ɓē ní, a ajən̄. Tɔdɔ̄ tītə̄ ń Kɔ́ɔ̄ɓē ədań ní, de gə̄ a teēn̄ *Jerusalem ō, dɔ mbal̄ kə́ *Siyo̰ tə́ ō, nin̄ a ajən̄. Nin̄ i dɔ dán ngé gə̄ ń teēn̄ ta yo tə́ ní, dɔ dáń ngé gə̄ ń Kɔ́ɔ̄ɓē ɓāŕdə́ tə́ ní.

Bibəl ta Sar̄

⁵ Loo ń noō tə́, de gə̄ malang ń a ɓārə́n̄ rī Kɔ́ɔ̄ɓē ní, a ajən̄. Tɔdɔ̄ tītə̄ ń Kɔ́ɔ̄ɓē ədań ní, de gə̄ a teēn̄ Jerusalem ō, dɔ mbal̄ kə́ Siyo̰ tə́ ō, nin̄ a ajən̄. Nin̄ i dɔ dán ngé gə̄ ń teēn̄ ta yo tə́ ní, dɔ dáń ngé gə̄ ń Kɔ́ɔ̄ɓē ɓāŕdə́ tə́ ní.

JOEL 3:5 Referans Kwoze

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem *kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā *kújə yā Kɔ́ɔ̄ɓē tə́ ní kɔ̄ɔ́ malang.

2 MBAN̄G 16:8

Akaj ɔy lɔ́r ō, arjā̰a̰ ō, kə́ kem *kújə yā Kɔ́ɔ̄ɓē tə́ ō, kə́ loo ngɔ̄m̄ nar yā mban̄g tə́ ō, əlań adə̄ mban̄g kə́ Asiri kadə̄ karī tə́.

2 MBAN̄G 12:18

Dan ngeé ń noō tə́ ní Hajael, mban̄g kə́ Aram, reē ənī ɓē kə́ Gat rɔ̄ɔ̄. Dan ń taā ɓē kə́ Gat oy anī, gḛy kaw̄ rɔ̄ɔ̄ ɓē kə́ Jerusalem.

DANIEL 11:38

Banī ni a rɔȳ nə́ɓā yā ɓē kə́ ngan̄g gə̄, adə̄ i nə́ɓā kógə̄ḿ kə kaan gə̄ gerə̄n̄ alé. Ni a ndējə̄ nə́ɓā ní lɔ́r ō gində̄ arjā̰a̰ ō *mbal̄ gə̄ kə́ gātə̄də́ i ngá̰ý ō yá̰á̰ súū rɔ̄ kə́ gātə̄də́ i ngá̰ý gə̄ ō.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə *Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ *Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ *Siyo̰ tə́ ní, i dal ba̰ā̰ kə́ dɔ rā̰ tə́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, *Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

JEREMI 23:7

Najə̄ ń toō ń na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní de gə̄ a ton̄ dan kəda to̰ alé, ba á̰a̰ī, kem ndɔ̄ gə̄ ń a reēn̄ noō tə́ ní.

EJEKIEL 37:12

I beé ní, ə́dádə́ najə̄ ń toō ādə̄m̄: Sḭḭ̄ gír deē yāḿ gə̄, mā Kɔ́ɔ̄ɓē m-ə́dásí najə̄ ń toō: M-ā m̄-teē ta bəlo ɓádə yāsí gə̄ ō, m-ā m̄-rāā kadə̄ ā ī-teēī kɔ̄ɔ́ kemeé ō. M-ā m̄-tél yā kaw̄ sesí gogə́ dɔ nang kə́ *Israel tə́.

ABƏDIAS 1:17

Loo ń noō tə́ ní, ngé gə̄ ń a ndin̄ kə kumdə́ ɓáý ní, a reēn̄ yā ɓɔ̄ɔ̄ rɔ̄də́ dɔ mbal̄ *Siyo̰ tə́. Dɔ mbal̄ Siyo̰ a tél *loo kə́ táĺ gogə́ ō, de gə̄ kə́ kem kojə yā Jakob tə́ a télən̄ yā taā ɓē yādə́ kɔ̄ɔ́ jī ngé gə̄ ń taān̄ ɓē yādə́ tə́ ní ō.