JOEL 2:12 - Bible sar

¹² Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

Bibəl ta Sar̄

¹² Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

JOEL 2:12 Referans Kwoze

OJEE 12:6

I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

JEREMI 4:1

*Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

1 SAMUEL 7:6

Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. *Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ *Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i *Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ *ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

JAKARI 7:5

yá̰á̰ ń ni tūr̄ əda ní, kə m-ə́dá *ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

IJAI 58:4

Dan ń sḭḭ̄ ī-*ndiī ɓō tām̄ yā Nə́ɓā tə́ anī, ī-kɔ̄lī naā ō, ī-ɓirī jīsí ī-tə́ndāīneé madə̄sí gə̄ ō. I kə ta kūl̄ *ndi ɓō kə́ tītə̄ ń noō n ā ī-rāāiń kadə̄ oōn̄ ndūsí dɔɔ́ nú ní alé.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. *Israel gə̄, kadə̄ óyiī i tām̄ rí tə́?

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

MALASI 1:9

Ngɔlaā ní, ī-nāāī ndɔ̄ȳm̄ mā Nə́ɓā yāsí, yā kadə̄ kumḿ o̰o̰mə̄ń tām̄ yāsí tə́. Gō yá̰á̰ ń ī-rāāī tə́ ní, m-ā m-ə́wásí kə̄ rɔ̄ḿ tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

Teē Ngán Israel gə̄ 33:5

Kɔ́ɔ̄ɓē əda Moijə na kə əda ngán Israel gə̄ na nin̄ na i de kə́ dɔdə́ na ngan̄g ngá̰ý gə̄. Ré na n-udə dandə́ tə́ bang anī, n-a n-nujə sedə́ kɔ̄ɔ́ malang. Adə̄ kə ró̰ȳn̄ yá̰á̰ súū rɔ̄ kə́ rɔ̄də́ tə́ gə̄ kɔ̄ɔ́ malang. Tāa ń noō n-a n-ger̄ yá̰á̰ kə́ yā rāā sedə́ ɓáý.

NGÉ SARYA 2:4

Dan ń *nge kaw̄ kəla yā Kɔ́ɔ̄ɓē əda ngán *Israel gə̄ najə̄ gə̄ ń noō anī nin̄ malang nōōn̄.

2 SAMUEL 24:10

Kem Dabid əgan biting biting najə̄ tə́da ń ni tə́da kutə ngán Israel gə̄ ní tə́. Ni-əda Kɔ́ɔ̄ɓē na n-rāā i yá̰á̰ kə́ majaĺ ngá̰ý, ba ngɔlaā ní kə mā̰ȳ rɔ̄n dɔn tə́, tɔdɔ̄ n-rāā yá̰a̰ i tītə̄ de kə́ kur̄ dɔn gətóo beé.

2 YÁ̰A̰ GƏ̄ 6:27

ḭ̄ ń ī-ndi dɔ rā̰ tə́ ní ōō ndūdə́ ō, ī-mā̰ȳ rɔ̄í dɔ majaĺ yādə́ tə́ ō, tɔdɔ̄ nin̄ i ngé kəla yāí gə̄ ō, i gír deē yāí gə̄ ō. Tá ɓáý to̰ ní, ɔ́jə́də́ ta róbə́ kə́ majə ń kadə̄ unən̄ ní ō. Gō tə́ anī ī-rāā ādə̄ man̄ edə dɔ nang yāí ń ādə̄də́ kə́ yādə́ tə́ ní.

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ *Israel tə́ malang ō, gō ɓē gə̄ kə́ *Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

JOEL 1:13

*Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla *tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə *nduú kem kújə yā Nə́ɓā yāsí tə́ kɔ̄ɔ́.