JOEL 1:14 - Bible sar

¹⁴ Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ *táĺ, ɔ́siī dɔ *kum kɔɔ̄ gə̄ ō, de gə̄ malang kə́ kem ɓēé ō naā tə́, kem *kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

Bibəl ta Sar̄

¹⁴ Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

JOEL 1:14 Referans Kwoze

JONAS 3:8

Majə kadə̄ de gə̄ malang o̰ō̰n̄ *kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.

2 YÁ̰A̰ GƏ̄ 20:13

*Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

LEBI GƏ̄ 23:36

Ā ī-ndējī Kɔ́ɔ̄ɓē *yá̰a̰ tun̄ kə́ róō horoó ndɔ̄ sīrí. Kə ndɔ̄ kə́ nge ko̰ sɔ́sɔ́ anī ā ī-kánī naā yā rɔȳm̄ ō, ā ī-ndējə̄mī *yá̰a̰ tun̄ kə́ róō horoó ō. Ndɔ̄ kán̄ naā kə́ ta tɔ̄l̄ ta tə́ ngeé ń toō ní, ā ī-rāāī kəla kə́ kə tɔ́gɔ́ gə̄ alé.

NEHEMI 8:18

Tə́dan̄ najə̄ kə́ kem makətūbə̄ *ndū najə̄ yā Nə́ɓā tə́ kə dɔ ndɔ̄ gə̄. Əlan̄ gír i ndɔ̄ ń əlan̄neé gír rāā nāā tə́ ní bátə́ ndɔ̄ kə́ ta tɔ̄l̄ ta tə́. Rāān̄ nāā ní i ndɔ̄ sīrí, ba ndɔ̄ kə́ nge ko̰ sɔ́sɔ́ anī tɔ̄lə̄n̄ ta rāā nāā ní i kə kán̄ naā kə́ bo ngá̰ý tītə̄ ń ndū najə̄ ədań ní.

2 MBAN̄G 10:20

Ni ədadə́ na: Kadə̄ kán̄ naā kógə̄ḿ kə́ bo to yā rɔȳń *Baal! Anī ndangən̄ makətūbə̄ ɓāŕ de gə̄,

JEREMI 36:9

Kem nāā kə́ nge ko̰ ndōhó yā ɓāl̄ kə́ nge ko̰ mí ń Joakim, ngōn̄ Josias, ndiń mban̄g Juda tə́ ní, ɓārə́n̄ de gə̄ malang kə́ Jerusalem tə́ ō, ngé gə̄ malang ń a ḭḭn̄ kem ɓē gə̄ kə́ Juda tə́ a reēn̄ Jerusalem ní ō, kadə̄ *ndin̄ ɓō tām̄ yā Nə́ɓā tə́ ta kumən tə́.

JOEL 1:2

Sḭḭ̄ *kum kɔɔ̄ gə̄, ōōī yá̰á̰ ń toō. Sḭḭ̄ de kə́ kem ɓēé gə̄ malang, ī-nēlī mbīsí. Yá̰á̰ ń toō rāā yá̰a̰ ɓāl̄ yāsí tə́ a? Aké rāā yá̰á̰ ɓāl̄ yā bɔbə̄sí gə̄ tə́ a?

JONAS 3:5

De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ *kūbə̄ kəhɔ ndoō.

SOPONI 2:1

A tə̄ɓān̄sí tītə̄ mu kə́ gətóo kɔ̄ɔ́ kem ndɔ̄ kógə̄ḿ beē. Wōn̄g kə́ ngá̰ý yā Kɔ́ɔ̄ɓē a əsō dɔsí tə́. A̰á̰ā̰, ndɔ̄ wōn̄g yān a reē tām̄ yāsí tə́. I beé ní, sḭḭ̄ ń rɔ̄sí sɔl̄sí ndɔ̄ kógə̄ḿ aĺ ní, ī-gírī yá̰a̰ ō, ə́hɔī rɔ̄sí ō, kété pá tá kadə̄ yá̰a̰ gə̄ ń noō malang reē ugə̄n̄ ɓáý.

JEREMI 14:2

*Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.