JEREMI 9:4 - Bible sar

⁴ Náā nəkɔ́ ɓáa a gól̄ i madə̄n, adə̄ najə̄ kə́ rɔ̄kum gətóó bátə́. Nin̄ ndóōn̄ ta ndo̰də́ kɔr̄ najə̄ kə́ sor̄. Nin̄ asən tél gō róbə yá̰a̰ rāādə́ kə́ gō aĺ gə̄ tə́ alé.

Bibəl ta Sar̄

⁴ Náā nəkɔ́ ɓáa a gól̄ i madə̄n, adə̄ najə̄ kə́ rɔ̄kum gətóó bátə́. Nin̄ ndóōn̄ ta ndo̰də́ kɔr̄ najə̄ kə́ sor̄. Nin̄ asən tél gō róbə yá̰a̰ rāādə́ kə́ gō aĺ gə̄ tə́ alé.

JEREMI 9:4 Referans Kwoze

JEREMI 6:28

Nin̄ malang i ngé mbātə́ najə̄ gə̄ rɔ̄kum ō, ngé tétə̄ najə̄ gə̄ ō, ngangə̄n̄ tītə̄ nə̄ngá kasə ō, gində̄ ō. Nin̄ malang i ngé nujə loo gə̄.

MATIYE 10:21

De gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngōn̄ a əla ngōnən ta yo tə́ ō. Ngán gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

Gōsə̄ najə̄ gə̄ 25:18

Deē ń tetə najə̄ sip dɔ madə̄n tə́ ní to tītə̄ kə́ ənda gōn i kə rə̄ngōó ō, tə́gān i kə kaskaraá ō, urən i kə kum gərā kə́ ta kataá ō beé.

Gōsə̄ najə̄ gə̄ 10:18

De kə́ nge ɓɔ̄ɔ̄ dɔ kim̄ kə́ kemən tə́ i de kə́ nge kɔr̄ najə̄ góləń loo, banī de kə́ nge heĺ najə̄ kə́ tétə̄ kə̄ loo gə̄ tə́ i de kə́ mbóo.

PĀ GƏ̄ 15:3

Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

Najə̄ kə́ Majə yā Jeju ń Luk ndang ní 21:16

Bɔbə̄sí sḭḭ̄ kɔ́ gə̄ ō, kó̰ó̰sí gə̄ ō, ngákó̰ó̰sí gə̄ ō, kə ngéésí gə̄ ō, madə̄ tasí gə̄ ō, a əlan̄sí jī ngé sarya gə̄ tə́. Ngá̰ý gə̄ dansí tə́ a tɔ̄lə̄n̄də́ kɔ̄ɔ́,

MATIYE 10:17

Əndāī kum kedə̄ dɔ rɔ̄sí tə́ najə̄ yā de gə̄ tə́, tɔdɔ̄ nin̄ a əlan̄sí jī ngé rāā sarya gə̄ tə́ ō, a əndan̄sí kə mərawaá kem kújə kán̄ naā yādə́ gə̄ tə́ ō.

EJEKIEL 22:9

Ɓēé looí de kə́rēý gə̄ a sorə̄n̄ i dɔ madə̄də́ gə̄ tə́ yā tɔ̄ləńdə́. De gə̄ ń ndin̄ kemií tə́ ní, nin̄ i ngé kəsa yá̰á̰ kə́ tun̄ gə̄ dɔ mbal̄ gə̄ tə́ ō, nin̄ i de kə́ kaya gə̄ ō.

Gōsə̄ najə̄ gə̄ 6:16

Yá̰á̰ kə́ mehḛ́ gə̄ ń Kɔ́ɔ̄ɓē gḛy aĺ ngá̰ý al̄ naā ō, kə́ sīrí gə̄ ń gḛy ka̰a̰ ta kumən tə́ aĺ ō ní n toó: I kum de kə́ nge ka̰a̰ loo kə kɔjə rɔ̄ɔ́ ō, i ta ndo̰ nge kəda najə̄ kə́ sor̄ ō, i jī nge ɓōkə́ mósə de kə́ najə̄ gətóo dɔn tə́ nang tə́ ō, i dan wur de kə́ nge gír̄ rāā yá̰á̰ kə́ gōtə́ aĺ gə̄ ō, i nja nge ka̰ȳ ngɔ̄də̄ kaw̄ rāā yá̰á̰ kə́ majaĺ tə́ ō, i de kə́ kum yá̰á̰ tə́ kə́ rɔ̄kum aĺ kə́ nge kəda najə̄ kə́ sor̄ ō. Tá kə́ nge ko̰ sīrí i noó ɓáý: I nge rāā kadə̄ ngákó̰o̰ naā gə̄ kɔ̄lə̄n̄ naā ō.

PĀ GƏ̄ 101:5

De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

JEREMI 9:8

Ní kə m̄-rāā yá̰a̰ kə de gə̄ ń toō aĺ i ba̰ý? Najə̄ ń Kɔ́ɔ̄ɓē əda ní n noó.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə *madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

Gōsə̄ najə̄ gə̄ 4:16

Nin̄ a ɓīīn̄ alé, bátə́ kadə̄ ré rāān̄ yá̰á̰ kə́ majaĺ pá tá, ré nin̄ rāān̄ deē kógə̄ḿ adə̄ əsō aĺ anī, ɓīī a əhɔ ta kumdə́ alé.

Gōsə̄ najə̄ gə̄ 4:17

Nin̄ əsan̄ mápá kə́ rāān̄ i yá̰á̰ kə́ gōtə́ aĺ n əngen̄neé ní. Kasə *nduú ń a̰ȳn̄ ní, i kan̄ yá̰á̰ kə́ rāā kə dɔ́nɔ́.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.