JEREMI 9:23 - Bible sar

²³ Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

Bibəl ta Sar̄

²³ Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

JEREMI 9:23 Referans Kwoze

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

Makətūbə̄ ń Pol ndang adə̄ Rom gə̄ ní 1:22

Ədan̄ na nin̄ i ngé kum kedə̄ gə̄ banī nin̄ i mbóo gə̄.

EJEKIEL 7:19

Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

MARK 10:24

Ngé ndóō yá̰a̰ yān gə̄ ndin̄ kóńg tām̄ najə̄ ń Jeju əda tītə̄ ń noō tə́ ní. Ba Jeju tél ədadə́ na: Ngánə́ḿ gə̄, ngan̄g ngá̰ý tām̄ yā de gə̄ ń əndān̄ kemdə́ dɔ yá̰a̰ kənge yādə́ kə́ ngá̰ý tə́ ní kadə̄ udən̄ kem *Ɓē ko̰o̰ yā Nə́ɓā tə́.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

EJEKIEL 29:9

A nujən̄ ɓē kə́ Ejiptə ō, ni a tél dəla loo ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. Ḭ̄ ə́da na bā Nil na i yāí ḭ̄, ə́da na i ḭ̄ n na ī-rāā bā Nil.

IJAI 10:8

Ni-əda na: Go̰ rɔ̄ɔ̄ yāḿ gə̄ malang nin̄ i mban̄g gə̄ aĺ a?

KOHELET 2:19

Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.

1 SAMUEL 17:42

Pilistin ní a̰a̰ Dabid ba kídə̄n, tɔdɔ̄ Dabid i ngōn̄ kə́ dūú ɓáý adə̄ rɔ̄n kərē kasə ō, ta kumən majə ngá̰ý ō.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

1 KORḚNTƏ 1:31

Tɔdɔ̄ ndangən̄ kem makətūbə̄ yā Nə́ɓā na: Yā kadə̄ náā nəkɔ́ ɓáa ɔr ta rɔ̄n i kem Kɔ́ɔ̄ɓē tə́.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju *Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I *Kərist ngóy n i yá̰a̰ tām̄ yāḿ tə́ ní.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ *Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

Makətūbə̄ yā Job 32:13

Ī-lōōī kəda na: J-əngeī kum kedə̄, i Nə́ɓā ngóy n a tetən rɔ̄ɔ̄ ba i deē alé.

Gōsə̄ najə̄ gə̄ 3:5

Ə̄nī kemií mámák ādə̄ Kɔ́ɔ̄ɓē, ba ī-lōō kəndā kemií dɔ ger̄ yá̰a̰ yāí īkɔ́ tə́.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə *ngé tun̄ yá̰a̰ yāí gə̄ ō, ngār yāí gə̄ ō.

JEREMI 49:4

Sḭḭ̄ gír de kə́ ta tḭ̄ḭ̄ kɔ̄ɔ́ gə̄, i tām̄ rí tə́ á ɔ́jiī rɔ̄sí kə wól loo yāsí ní? Man̄ nūgə́ ngá̰ý kem wól loo yāsí tə́, adə̄ ə̄ndāī kemsí dɔ dūbə̄ yá̰a̰ kənge yāsí tə́ ba ə́daī na: I náā n a ənījí rɔ̄ɔ̄?

Makətūbə̄ yā Job 41:15

Ndārə́n kə́ kudə̄ kem naā tə́ gə̄ nderə̄n̄ pḭḭ, adə̄ ká ré deē əreń ngá̰ý gə̄gē anī, yá̰á̰ kógə̄ḿ kə́ yéȳ tū tə́ gətóo.

PĀ GƏ̄ 33:5

Ni gḛy i yá̰á̰ kə́ rāā kə́ gōtə́, ō yá̰á̰ kə́ súmūú ō. Kem majə yā Kɔ́ɔ̄ɓē taā loo dɔ nang tə́ malang.

PĀ GƏ̄ 34:3

M-ə́ndá gúúḿ najə̄ yā Kɔ́ɔ̄ɓē tə́. Ādə̄ ngé tél kə rɔ̄də́ kə̄ nang tə́ gə̄ rāān̄ rɔ̄nel̄ loo koō najə̄ kɔrə̄ḿ tə́.

PĀ GƏ̄ 44:9

J-ənī pā kə dɔ ndɔ̄ gə̄ jə-tɔ̄yń Nə́ɓā yājí. Jə-ndigə tɔ̄ȳ rīn ngándáńg.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.