JEREMI 8:3 - Bible sar

³ Gotə de gə̄ malang kə́ gír kaa kə́ majaĺ ń toō tə́, adə̄ i ngé gə̄ ń teēn̄ ta yo tə́ loo malang ń m̄-tə̄ndā m̄-tḭ̄ḭ̄də́ tū tə́ ní, a ndə̄ngān̄ i koy ba i ndi kə kumuú alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní ń noó.

Bibəl ta Sar̄

³ Gotə de gə̄ malang kə́ gír kaa kə́ majaĺ ń toō tə́, adə̄ i ngé gə̄ ń teēn̄ ta yo tə́ loo malang ń m̄-tə̄ndā m̄-tḭ̄ḭ̄də́ tū tə́ ní, a ndə̄ngān̄ i koy ba i ndi kə kumuú alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní ń noó.

JEREMI 8:3 Referans Kwoze

JEJU TEĒ KUM JA̰A̰ 9:6

Kem ndɔ̄ gə̄ ngeé ń noō tə́ ní, de gə̄ a sāān̄ yo, ba a əngen̄ aĺ ō, a gḛyn̄ yo, ba yo a a̰ȳdə́ kɔ̄ɔ́ ō.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 23:8

A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

NDŪ NAJƏ̄ 30:4

Ká ré aw̄n̄ sesí bátə́ ugə̄n̄ sesí i ta ngóy dɔ nang tə́ gə̄gē anī, Kɔ́ɔ̄ɓē Nə́ɓā yāsí a aw̄ gōsí tə́ loo ní tə́ yā kɔysí reē sesí ɓēé.

JONAS 4:3

Kɔ́ɔ̄ɓē, ngɔlaā ní ə́ya̰m̄ ādə̄ m-óy. A̰á̰ā̰, m̄-gḛy i yo ba i ndi kə kumuú alé.

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā *Juda gə̄ ō, de kə́ *Jerusalem gə̄ ō, *Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.

NDŪ NAJƏ̄ 30:1

Dan ń tɔ́r̄ ta gə̄ ō, ndɔ̄ĺ gə̄ ō ń m-ɔ́jiī najə̄n ní reē ugə̄n̄ dɔí tə́ malang anī, ā ī-gír̄ dɔ tə́ dan nápar de gə̄ malang ń Kɔ́ɔ̄ɓē Nə́ɓā yāí a aw̄ seí loodə́ ní.

JEJU TEĒ KUM JA̰A̰ 6:16

Nin̄-ədan̄ mbal̄ bo gə̄ ō, ngán mbal̄ gə̄ ō na kə tə́sōn̄ dɔdə́ tə́ ba kə ɓɔ̄ɔ̄n̄də́ kɔ̄ɔ́ sa̰y ta kum nge ń ndi dɔ kōr̄ kāgə̄ mbang tə́ ní ō, ta wōn̄g yā Ngōn̄ batə̄ tə́ ō.

JEREMI 40:12

Anī ḭḭn̄ kə̄ loo gə̄ malang ń tə̄ndā tḭ̄ḭ̄n̄də́ tū tə́ ní reēn̄. Dan ń reē ugə̄n̄ kem ɓē kə́ Juda tə́ rɔ̄ Gedalia tə́ Misəpa ní anī, nin̄ sāān̄ kan̄ *kāgə̄ nduú yā rāā kasə tə́ ō, kan̄ kāgə̄ gə̄ ō, adə̄ al̄ naā ngá̰ý.

JEREMI 29:28

Ni ndang makətūbə̄ əlań adə̄jí *Babilon i ngɔr ɓáý ədańjí na: Ā ī-ndiī noó dan i ngá̰ý. Ní, ī-rāāī kújə gə̄, ba ī-ndiī kemeé ō, ī-ndɔrī ba ə́saī kan̄ yá̰a̰ ndɔr̄sí gə̄ ō.

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

JEREMI 6:9

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ādə̄ kə̄tón̄ ngán *Israel gə̄ ń na̰yn̄ ní náḿ náḿ tītə̄ loo ɓur gotə kan̄ *kāgə̄ nduú beē. Ādə̄ jīí aw̄ ō tél ō dɔ ta jīn gə̄ tə́, tītə̄ yā nge kəja kan̄ kāgə̄ nduú beē.

AMOS 3:1

*Israel gə̄, sḭḭ̄ i gír kojə kə́ Kɔ́ɔ̄ɓē ḭḭ sesí i Ejiptə tə́ n tél reē sesí gogə́ ɓēé ní. Ōōī najə̄ ń ni-əda dɔsí tə́ ní:

MISE 2:3

I tām̄ yá̰á̰ ń noō tə́ n Kɔ́ɔ̄ɓē əda najə̄ toō ní: M-ə̄ndā dɔ yá̰á̰ kógə̄ḿ kə́ to kum kaȳ aĺ danaá, yā rɔ̄ɔ̄ń kə de gə̄ kə́ dan ɓūtə̄ yāsí gə̄ tə́. Sḭḭ̄ ā ásiī teē kum tə́ karī alé, ā ɔ̄rī dɔsí dɔɔ́ yā njə̄rań to̰ alé. A̰á̰ā̰, kum mbang ń a reē ní, i kum mbang yā yá̰á̰ kə́ to kum kaȳ aĺ.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ *Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.