JEREMI 8:2 - Bible sar

² A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

Bibəl ta Sar̄

² A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

JEREMI 8:2 Referans Kwoze

2 MBAN̄G 23:5

*Ngé tun̄ yá̰á̰ kə́ rɔ̄kum aĺ gə̄ ń mban̄g kə́ *Juda gə̄ adə̄n̄ a tunə̄n̄ yá̰a̰ dɔ loo ndɔ̄ȳ gə̄ tə́ kem ɓē gə̄ kə́ Juda tə́ ō, kə gō gidə ɓē kə́ Jerusalem ō ní, mban̄g Josias tə̄ɓādə́ kɔ̄ɔ́. Ni-tə̄ɓā ngé róō ndujə̄ yá̰á̰ kə́ kotə majə gə̄ kadə̄ ɓesə̄ Baal ō, ɓesə̄ Mbang ō, ɓesə̄ Nāā ō, ɓesə̄ Tə́yō̰ gə̄ malang kə́ dɔ rā̰ tə́ ō.

KƏLA RĀĀ 7:42

Banī Nə́ɓā tūr̄ gidən tadə́ tə́ kɔ̄ɔ́, ba əya̰də́ adə̄ ndɔ̄ȳn̄ tə́yō̰ gə̄ kə́ dɔ rā̰ tə́, tītə̄ ń ndangən̄neé kem makətūbə̄ yā *ngé koō ta gə̄ tə́ ní. Ndangən̄ na: Sḭḭ̄ ngán *Israel gə̄, dan ń ī-ndiīneé kem dəla loo tə́ ɓāl̄ kutə sɔ́ ní, ī-tɔ̄lī dā̰ gə̄ ī-ndējə̄mī ō, ādə̄mī yá̰á̰ kə́ ndējə̄ gə̄ ō a?

JEREMI 9:22

Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ *ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem *kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem *loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə *loo tun̄ yá̰á̰ tə́. Nin̄ tūrə̄n̄ gidədə́ adə̄n̄ *loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

JEREMI 36:30

Ɓá anī mā Kɔ́ɔ̄ɓē m-ə́da najə̄ ń toō dɔ Joakim mban̄g kə́ *Juda tə́: Ni a ənge deē kógə̄ḿ kə́ kadə̄ a ndi dɔ kōr̄ kāgə̄ mbang yā Dabid tə́ gotən tə́ alé. Nīnə́n a to kum mbang tə́ kadaá ō, kum kūl̄ tə́ ndɔ̄ɔ́ ō.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

JEREMI 19:13

Kújə́ kə́ Jerusalem tə́ gə̄ ō, *Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ *yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

PĀ GƏ̄ 83:10

Nə́ɓā, ī-rāādə́ yá̰á̰ ń ī-rāā kə Sisəra ō Yabin ō ta man̄ Kison tə́ ní, aláa ī-rāādə́ yá̰á̰ ń ī-rāā kə Madian gə̄ ní.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā *loo tun̄ yá̰a̰ gə̄ adə̄ ɓesə̄ *Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

KOHELET 6:3

De kógə̄ḿ asə kojə ngán gə̄ nja ɓú ō, ndi kə kumneé ɓāl̄ ngá̰ý ō. Ba ré rɔ̄n nelə̄n kem ɓāl̄ kə́ ngá̰ý gə̄ noō tə́ aĺ ō, deē dubə̄n kə gōó aĺ ō ní, kumən na i rí? Mā m-ə́da na yā ngōn̄ kə́ teē nīń i só tə́ tɔȳ yān.

2 MBAN̄G 21:5

Ni-rāā *loo tun̄ yá̰a̰ gə̄ kə́ yā tunə̄ń yá̰a̰ kadə̄ tə́yō̰ gə̄ malang kə́ dɔ rā̰ tə́ ndágə loo kə́ gīr̄ gidə *kújə yā Kɔ́ɔ̄ɓē kə́ jōó gə̄ kə́ ta kújə yā Kɔ́ɔ̄ɓē tə́.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ *Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ *Baal ō.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

PĀ GƏ̄ 53:5

Nə́ɓā əda na ngé rāā majaĺ gə̄ ń noō gerə̄n̄ yá̰a̰ aĺ i mbée a? Nin̄ əsan̄ deē yāḿ gə̄, rāān̄də́ i yá̰a̰ kəsa yá̰a̰ yādə́ tə́ ba ndɔ̄ȳmə̄n̄ alé!

JEREMI 14:16

De gə̄ ń oōn̄ najə̄ kɔr̄ *ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ *ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

EJEKIEL 6:5

M-ā m̄-ɓōkə́ nīń *Israel gə̄ no ɓesə̄ yādə́ gə̄ tə́ ō, m-ā m̄-tə̄ndā kə̄ngādə́ gə̄ yā tḭ̄ḭ̄ kə̄ loo gə̄ tə́ gīr̄ gidə *loo tun̄ yá̰a̰ yādə́ gə̄ ō.

EJEKIEL 29:5

M-ā m-ə̄nīsí kem dəla loo tə́, ḭ̄ ō kānjə̄ gə̄ ń noō malang ō. Ā óy nang tə́. De kə́ yā kuniī a gətóo, de kə́ yā kənī kem bəlo yo tə́ a gətóo. M-ā m-ādə̄ ā ī-téĺ yá̰a̰ kəsa yā dā̰ kə́ bembeé gə̄ ō, yā yel̄ gə̄ ō.

PĀ GƏ̄ 83:11

Tɔ̄lə̄n̄də́ malang kɔ̄ɔ́ ta kəɓa man̄ kə́ Harod tə́ ō, əya̰n̄də́ adə̄ ton̄ nang tə́ tītə̄ yedə̄ yá̰á̰ kə́ yā rāań dɔ nang kadə̄ teē yá̰a̰ ō.

JEREMI 9:20

Tɔdɔ̄ yo al̄ ko̰rō̰ kújə yājí kə́ majə ngá̰ý gə̄ tə́, ba udə kemeé. Ni-reē tɔ̄l̄ ngán gə̄ kum róbó ō, tɔ̄l̄ balsáa gə̄ ndágə loo gə̄ tə́ ō.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

EJEKIEL 39:5

Ā óy bembeé tītə̄ ń m-ə́dań ní. I mā Kɔ́ɔ̄ɓē Nə́ɓā m-ə́da najə̄ ń noō ní.