JEREMI 7:19 - Bible sar

¹⁹ I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

Bibəl ta Sar̄

¹⁹ I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 7:19 Referans Kwoze

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 45:16

Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā *Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

Makətūbə̄ yā Job 35:6

Dan ń ī-rāā yá̰á̰ kə́ majaĺ ní, i kə Nə́ɓāá a? Dan ń ī-mbātə́ najə̄ tan tə́ nja i ngá̰ý ní, rāā i rí kógə̄ḿ seneé?

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ *ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo *Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

JEREMI 15:9

Nge ń ojə ngán gə̄ i sīrí ní tɔ́gən teē kɔ̄ɔ́. Ni-taā koō yon. Mbang udə kɔ̄ɔ́ dɔn tə́ dan ń loo i dan kadə ndaá ɓáý ní. Rɔ̄n sɔlən ngá̰ý adə̄ ger̄ yá̰á̰ kə́ yā rāā alé. Ngé gə̄ ń na̰yn̄ ní, m-ā m-ə́yadə́ kadə̄ oyn̄ yo kaskar kem jī madə̄ ba̰ā̰də́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 22:22

Nél ɔy ngé kulīí gə̄ malang aw̄ sedə́ kɔ̄ɔ́ ō, əhɔn̄ ngé sāāí gə̄ aw̄n̄ sedə́ dɔ ɓē kə́ rang tə́ ō. Kə́ rɔ̄kum tə́ ní, rɔ̄í a sɔlī ō, a ndaanī ō, najə̄ yā ngé *nong yāí gə̄ malang tə́.

JEREMI 25:7

Banī ōōī najə̄ kɔrə̄ḿ alé. Ī-tél ī-nujiī kemḿ kə kəla rāāsí gə̄ ə̄nīīneé yá̰á̰ kə́ to kum kaȳ aĺ kə̄ dɔsí tə́. Najə̄ ń Kɔ́ɔ̄ɓē əda ní n noó.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

EJEKIEL 16:26

Ḭ̄ ī-rāā ájə́ba kə de kə́ Ejiptə tə́ gə̄ ń i madə̄ ɓēí gə̄ kə́ rɔ̄də́ majə ngá̰ý ní ō, ī-rāā ájə́ba ní al̄ naā adə̄məń wōn̄g ngá̰ý ō.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.