JEREMI 7:13 - Bible sar

¹³ Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

Bibəl ta Sar̄

¹³ Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

JEREMI 7:13 Referans Kwoze

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

JEREMI 7:25

Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i *ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

Gōsə̄ najə̄ gə̄ 1:24

Banī m̄-ɓāŕsí anī ī-mbātíī ɓār̄ yāḿ ō, m-ə́la jīḿ kə̄ rɔ̄sí tə́ anī de kə́ usən dɔ tə́ gətóo ō,

MATIYE 23:37

Ɓē kə́ *Jerusalem, ɓē kə́ Jerusalem, ḭ̄ ń i nge tɔ̄l̄ *ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

OJEE 11:2

Ba gō tə́, dan ń m̄-ɓārə́n ngá̰ý anī, ni əya̰m̄ ba aw̄ sa̰y ngá̰ý ō. Gír deē yāḿ gə̄ ndējə̄n̄ ɓesə̄ *Baal gə̄ yá̰á̰ kə́ tun̄ gə̄. Nin̄ róōn̄ ndujə̄ yá̰á̰ kə́ kotə majə gə̄ no nə́ɓā kə́ rɔ̄kum aĺ gə̄ tə́.

JEREMI 44:4

M-ə́la ngé kəla yāḿ gə̄ ń i *ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ *Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 35:15

m̄-to dan kəla ngé kəla yāḿ gə̄ ń i *ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

JEREMI 13:11

M-ə́hɔ de gə̄ malang kə́ gír yā *Israel tə́ ō, kə́ gír yā *Juda tə́ ō kə̄ rɔ̄ḿ tə́, tītə̄ loo do̰ō̰ ta kūbə̄ *lḛ́ḛ ɓōdə̄ tə́ beé. I yā kadə̄ télən̄ gír deē yāḿ gə̄ ō, rī ɓār̄ yāḿ ō, yá̰a̰ tɔ̄ȳ yāḿ ō, yá̰á̰ súū rɔ̄ yāḿ ō, banī usədə́ nin̄ dɔ tə́ alé. Najə̄ ń Kɔ́ɔ̄ɓē əda ní n noó.

JEREMI 26:5

ōōī najə̄ kə́ ta ngé kəla yāḿ gə̄ ń i *ngé koō ta gə̄ á m-ə́ládə́ rɔ̄sí tə́ kə nja naā tə́ ní aĺ anī,

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

JEREMI 35:14

Yonadab, ngōn̄ Rekab ɔgə̄ ngánən gə̄ ka̰ȳ kasə *nduú anī nin̄ ɓōlə́n̄ ndíl najə̄ ń kaadə́ ədadə́ ní, adə̄ bátə́ ɓōólaā gə̄gē ní nin̄ a̰ȳn̄ kasə nduú alé. Banī mā m̄-ɔ̄r̄ najə̄ sesí kanjə̄ kɔr ta tə́ ba ōōī najə̄ yāḿ alé.

JEREMI 44:23

I tɔdɔ̄ sḭḭ̄ ī-róōī *yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

JEREMI 11:8

Ba nin̄ mbātə́n̄ koō ndūḿ, nēlə̄n̄ mbīdə́ alé. Náā nəkɔ́ ɓáa rāā dɔ ngan̄g adə̄ al̄ naā kə̄ non tə́. Tā a m-ādə̄ yá̰a̰ malang ń najə̄ kə́ dɔ *madə̄ naā ń toō tə́ mēr̄də́ rāā á mbātə́n̄ rāā ní ɔdədə́.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i *ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

OJEE 9:17

Nə́ɓā yāḿ a mbātə́ Epəraim gə̄, tɔdɔ̄ nin̄ oōn̄ najə̄ yān alé. Nin̄ a aw̄n̄ kə̄ loo gə̄ tə́ malang dan nápar de gə̄ tə́.