JEREMI 6:9 - Bible sar

⁹ Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ādə̄ kə̄tón̄ ngán *Israel gə̄ ń na̰yn̄ ní náḿ náḿ tītə̄ loo ɓur gotə kan̄ *kāgə̄ nduú beē. Ādə̄ jīí aw̄ ō tél ō dɔ ta jīn gə̄ tə́, tītə̄ yā nge kəja kan̄ kāgə̄ nduú beē.

Bibəl ta Sar̄

⁹ Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ādə̄ kə̄tón̄ ngán Israel gə̄ ń na̰yn̄ ní náḿ náḿ tītə̄ loo ɓur gotə kan̄ kāgə̄ nduú beē. Ādə̄ jīí aw̄ ō tél ō dɔ ta jīn gə̄ tə́, tītə̄ yā nge kəja kan̄ kāgə̄ nduú beē.

JEREMI 6:9 Referans Kwoze

JEREMI 49:9

Ré ngé tə́jā kan̄ *kāgə̄ nduú gə̄ aw̄n̄ looí anī, a əya̰n̄ dɔ bəran kógə̄ḿ kə́ yā ɓur alé. Ré ngé ɓogə gə̄ reēn̄ ndɔ̄ɔ́ anī, nin̄ a ɔyn̄ yá̰a̰ malang ń kemdə́ ndigə ní.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 14:18

Anī *de kə́ dɔ rā̰ tə́ kə́ rang ḭḭ ta *loo tun̄ yá̰á̰ tə́ reē. Ni-aw̄ kə tɔ́gə dɔ hor tə́. Ni əga kɔŕ ngá̰ý ədań de kə́ dɔ rā̰ tə́ kə́ nge teē kem *kújə yā Kɔ́ɔ̄ɓē tə́ ń ngorong kə́ kumən atə ngá̰ý i jīn tə́ ní na: Əla ngorong yāí kə́ kumən atə ngá̰ý ní ə́jań dɔ bəra kan̄ *kāgə̄ nduú gə̄ kə́ dɔ nang tə́. Tɔdɔ̄ kan̄ kāgə̄ nduú kə́ tū tə́ gə̄ ton̄ kəja kɔ̄ɔ́.

JEREMI 8:3

Gotə de gə̄ malang kə́ gír kaa kə́ majaĺ ń toō tə́, adə̄ i ngé gə̄ ń teēn̄ ta yo tə́ loo malang ń m̄-tə̄ndā m̄-tḭ̄ḭ̄də́ tū tə́ ní, a ndə̄ngān̄ i koy ba i ndi kə kumuú alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní ń noó.

JEREMI 11:23

De kógə̄ḿ kə́ a teē ta yo tə́ a gətóó bátə́ ɓēé loodə́. M-ā m̄-rāā kadə̄ yá̰á̰ kə́ to kum kaȳ aĺ a teē dɔ de kə́ Anatot gə̄ tə́, kem ɓāl̄ ń m-ā m-ādə̄ a ɔjə̄n̄neé kəla rāādə́ gə̄ tə́ ní.