JEREMI 52:7 - Bible sar

⁷ Kalde gə̄ tetən̄ dām̄ ndogə̄ mbal̄ kógə̄ḿ kə́ gidə ɓē kə́ Jerusalem tə́ nang tə́. Nin̄ gīrə̄n̄ gidə ɓē əlan̄ ta naā tə́ ɓá tā banī ndɔ̄ɔ́ anī, ngé rɔ̄ɔ̄ kə́ *Juda gə̄ a̰ȳn̄ naā malang kə ta róbə́ kə́ mbənā ndogə̄ mbal̄ kə́ jōó gə̄ tə́, kadə ndɔr̄ yā mban̄g tə́. Ngé ka̰y naā gə̄ unən̄ i róbə́ kə́ ndágə mbō tə́.

Bibəl ta Sar̄

⁷ Kalde gə̄ tetən̄ dām̄ ndogə̄ mbal̄ kógə̄ḿ kə́ gidə ɓē kə́ Jerusalem tə́ nang tə́. Nin̄ gīrə̄n̄ gidə ɓē əlan̄ ta naā tə́ ɓá tā banī ndɔ̄ɔ́ anī, ngé rɔ̄ɔ̄ kə́ Juda gə̄ a̰ȳn̄ naā malang kə ta róbə́ kə́ mbənā ndogə̄ mbal̄ kə́ jōó gə̄ tə́, kadə ndɔr̄ yā mban̄g tə́. Ngé ka̰y naā gə̄ unən̄ i róbə́ kə́ ndágə mbō tə́.

JEREMI 52:7 Referans Kwoze

JEREMI 51:32

Ādə̄ de gə̄ taān̄ kum róbə gə̄ malang ō, ādə̄ hor o̰o̰ loo kə́ dang gə̄ i tū tə́ ō, ādə̄ áskar gə̄ a̰ȳn̄ naā kə̄ loo gə̄ tə́ ō.

2 MBAN̄G 25:4

de kə́ Kalde gə̄ tetən̄ dām̄ ndogə̄ mbal̄ kógə̄ḿ kə́ gidə ɓē kə́ Jerusalem tə́ nang tə́. Nin̄ gīrə̄n̄ gidə ɓē əlan̄ ta naā tə́ ɓá tā banī ndɔ̄ɔ́ anī, ngé rɔ̄ɔ̄ kə́ *Juda gə̄ a̰ȳn̄ naā malang kə ta róbə́ kə́ mbənā ndogə̄ mbal̄ kə́ jōó gə̄ tə́, kadə ndɔr̄ yā mban̄g tə́. Ngé ka̰ȳ naā gə̄ unən̄ i róbə́ kə́ ndágə̄ mbō tə́.

JEREMI 49:26

A̰á̰ā̰, ndɔ̄ nəkɔ́ ń noō tə́ ní, balsáa yān kə́ ngé rɔ̄ɔ̄ gə̄ tə́sōn̄ ndágə loo yān gə̄ tə́ ō, kōō áskar yān gə̄ malang ɓār̄ to̰ aĺ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

LEBI GƏ̄ 26:36

Ngé kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, m-ā m-ə́la ɓōĺ kemdə́ tə́ kadə̄ ré oōn̄ i kōō mbī kāgə̄ kə́ néĺ yéȳn gə̄gē anī, a a̰ȳn̄ i naā. Nin̄ a a̰ȳn̄ naā tītə̄ ń deē a a̰ȳń kɔ̄ɔ́ ta kaskar tə́ ní ō, a tə́sōn̄ kanjə̄ deē ngɔ̄də̄də́ ō.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ *Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 39:2

Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

EJEKIEL 12:12

Nge kɔr nosí a un yá̰a̰ yān yā kəndā dɔ bɔ̄gə̄n tə́ ndɔ̄ɔ́ ba a teē kɔ̄ɔ́ kem ɓēé. A mbutən̄ kum loo tū ndogə̄ mbal̄ tə́ yā kadə̄ ni teēń kə̄ gidə kə́rēý tə́. Ni a utə̄ ta kumən kɔ̄ɔ́ yā kadə̄ ni a a̰a̰ń loo ń ni a aw̄ kum kə̄ tū tə́ ní alé.

EJEKIEL 33:21

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə tə́, kə ndɔ̄ nāā kə́ nge ko̰ mí, anī deē kógə̄ḿ kə́ teē ta yo tə́ dan ń taān̄ ɓē kə́ Jerusalem ní reē ədam̄ na: Ɓē əsō kɔ̄ɔ́!

AMOS 4:3

Ā ī-teēī kɔ̄ɔ́ kem ɓēé i kum bəlo loo gə̄ kə́ tū ndogə̄ mbal̄ tə́ tə́. Sḭḭ̄ kógə̄ḿ kógə̄ḿ ní, náā nəkɔ́ ɓáa kumən i súmūú non tə́ ō, a ɓōkə́n̄sí i kum kə̄ dām̄ mbɔ́r ɓē kə́ ko̰ó̰ tə́ ō. Najə̄ ń Kɔ́ɔ̄ɓē əda ní n noó.

JEREMI 6:5

Ḭ́ḭī dɔɔ́, ə̄nīī rɔ̄ɔ̄ dan ndɔ̄ tɔyɔ̄ɔ́, jə-nujiī kújə yādə́ kə́ majə ngá̰ý gə̄.

EJEKIEL 12:4

Ā ɔ́ý yá̰a̰ mbā yāí gə̄ yā teēń kújə yāí tə́ kə̄ ndágá i dan kadaá, ta kum de gə̄ tə́ malang. Ba loo tíbí anī, ā ɔ́tə ta kumdə́ tə́ yā kaw̄ tītə̄ de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ beē.