JEREMI 51:9 - Bible sar

⁹ Jə-nāā rāā kadə̄ do *Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

Bibəl ta Sar̄

⁹ Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

JEREMI 51:9 Referans Kwoze

JEJU TEĒ KUM JA̰A̰ 18:5

Tɔdɔ̄ yá̰a̰ rāān kə́ majaĺ gə̄ ugə̄ dɔ rā̰ tə́ ō, əga kem Nə́ɓā dɔ yá̰a̰ rāān kə́ gōtə́ aĺ gə̄ tə́ ō.

JEREMI 50:16

Nge dubə̄ kōō ō, ngé kəja kōō kə ngorongoó gə̄ dan yā sāā kōō gə̄ tə́ ō ní, ɔ̄rīdə́ kɔ̄ɔ́. Āyī naā kógə̄ḿ kógə̄ḿ ta kaskar kə́ kumən o̰o̰n aĺ tə́ kə̄ dan gír deē yāsí gə̄ tə́ ō, ādə̄ náā nəkɔ́ a̰ȳ kum kə̄ ɓē yān tə́.

IJAI 13:14

Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

JEREMI 46:16

adə̄ bibə́rī to ɓōĺ ngá̰ý. De kə́ dəngam gə̄ teē tə́sōn̄ dɔ naā tə́. Nin̄ ədan̄ na: J-ḭḭ̄ dɔɔ́, jə-tél j-awī gogə́ dan gír deē yājí gə̄ tə́ ō, kem ɓē kojəjí tə́ ō, sa̰y kɔ̄ɔ́ ta kaskar kə́ kumən o̰o̰n aĺ tə́.

ESDRAS 9:6

ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

JEREMI 8:20

Gír sāā kōō gān̄g kɔ̄ɔ́ ō, gír ngā nəngā gān̄g kɔ̄ɔ́ ō, banī j-ənga kajə aĺ ɓáý.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

2 YÁ̰A̰ GƏ̄ 28:9

Nge koō ta yā Kɔ́ɔ̄ɓē kógə̄ḿ ndi Samari noó, rīn na i Oded. Ni teē tə́nī ta ngé rɔ̄ɔ̄ kə́ Israel tə́ gə̄ ń tél a reēn̄ kə̄ ɓēé ní ba ədadə́ na: Wōn̄g rāā Kɔ́ɔ̄ɓē Nə́ɓā yā kaasí gə̄ kə *Juda gēé adə̄ əladə́ kem jīsí tə́. Banī wōn̄g ń rāāsí á ī-tɔ̄līineé de kə́rēý gə̄ dandə́ tə́ ní to ɓōĺ ngá̰ý adə̄ aw̄ bátə́ ugə̄ dɔ rā̰ tə́.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā *Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?