JEREMI 51:35 - Bible sar

³⁵ Ādə̄ tápə̄ yāḿ gə̄ ō, yá̰á̰ kə́ to kum kaȳ aĺ yāḿ gə̄ ō tél əsōn̄ dɔ *Babilon tə́. De kə́ *Siyo̰ gə̄ asən̄ kəda najə̄ ń noō. Ādə̄ mósə́ḿ tél əsō dɔ Kalde gə̄ tə́. Jerusalem asə kəda najə̄ noō.

Bibəl ta Sar̄

³⁵ Ādə̄ tápə̄ yāḿ gə̄ ō, yá̰á̰ kə́ to kum kaȳ aĺ yāḿ gə̄ ō tél əsōn̄ dɔ Babilon tə́. De kə́ Siyo̰ gə̄ asən̄ kəda najə̄ ń noō. Ādə̄ mósə́ḿ tél əsō dɔ Kalde gə̄ tə́. Jerusalem asə kəda najə̄ noō.

JEREMI 51:35 Referans Kwoze

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, *ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ *táĺ yā *Israel tə́.

JEJU TEĒ KUM JA̰A̰ 18:6

Yá̰á̰ ń ni-rāā kə madə̄n gēé ní, ī-rāāī seneé ō, yá̰á̰ ń ni-rāā ní ī-rāāī seneé loo nja kə́ jōó tə́ ō, kópə ń ni guŕ kasə *nduú kemeé adə̄ de gə̄ ní, ī-guríī kemeé loo nja kə́ jōó tə́ ādīin̄ ō.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ *ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ *táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə *Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

PĀ GƏ̄ 9:12

Kɔ́ɔ̄ɓē ń kōr̄ kāgə̄ mbang yān ndi *Siyo̰ ní, j-ənī pā j-ɔsiīneé gɔnən. Yá̰á̰ kə́ to ɓōĺ gə̄ ń ni-rāā ní ə̄nīī mbērən dan gír de gə̄ tə́!

NGÉ SARYA 9:24

Tɔdɔ̄ i gáŕ kadə̄ najə̄ əsō dɔdə́ tə́ tām̄ yá̰á̰ kə́ majaĺ ngá̰ý ń rāān̄ kə ngán Yerubaal kə́ kutə sīrí gə̄ ní tə́ ō, kadə̄ mósə əsō dɔ Abimelek ń tɔ̄l̄ ngákó̰o̰n gə̄ ní tə́ ō, dɔ de kə́ Sisem gə̄ ń sə̄lānən̄ kadə̄ tɔ̄l̄də́ ní tə́ ō.

NGÉ SARYA 9:20

Ba ré i beé aĺ ɓáa ādə̄ hor kógə̄ḿ teē kem Abimelek tə́ o̰o̰ de kə́ Sisem gə̄ ō, Bet Milo gə̄ ō, ādə̄ hor kógə̄ḿ teē kem de kə́ Sisem gə̄ tə́ ō, Bet Milo tə́ gə̄ ō, o̰o̰ Abimelek ō.

TA KƏLA 16:5

Ba Sarai əda Abəram na: Ndū ń tájə̄mə̄n̄ toó tél əsō i dɔí īkɔ́ tə́. I mə̄kɔ́ n m-ādī kə ɓəlo yāḿ, ba loo ń a̰a̰ kadə̄ ndān̄ ngōn̄ anī, idə tan gírə́ḿ tə́. Ní, ādə̄ Kɔ́ɔ̄ɓē gān̄g sarya kə́ dɔ dáńjí tə́ seí.

JEREMI 50:10

Ɓē kə́ Kalde tél i yá̰á̰ kə́ kəhɔ ta rɔ̄ɔ̄ tə́, adə̄ de gə̄ malang ń nārə̄n̄ yá̰a̰ yān ní əsa ndānə̄n̄. Najə̄ ń Kɔ́ɔ̄ɓē əda ní n noó.

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

JEREMI 51:24

Yá̰á̰ kə́ majaĺ gə̄ malang ń *Babilon ō, de gə̄ malang kə́ Kalde tə́ ō rāān̄ *Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.