JEREMI 51:32 - Bible sar

³² Ādə̄ de gə̄ taān̄ kum róbə gə̄ malang ō, ādə̄ hor o̰o̰ loo kə́ dang gə̄ i tū tə́ ō, ādə̄ áskar gə̄ a̰ȳn̄ naā kə̄ loo gə̄ tə́ ō.

Bibəl ta Sar̄

³² Ādə̄ de gə̄ taān̄ kum róbə gə̄ malang ō, ādə̄ hor o̰o̰ loo kə́ dang gə̄ i tū tə́ ō, ādə̄ áskar gə̄ a̰ȳn̄ naā kə̄ loo gə̄ tə́ ō.

JEREMI 51:32 Referans Kwoze

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

IJAI 44:27

Bā bo ń ɗúú ngá̰ý ní, m-ə́dan yá̰á̰ ń toō kadə̄ rāā, m-ə́da na: Ī-tél loo kə́ tutə. m̄-rāā adə̄ man̄ yāí iī kɔ̄ɔ́.

IJAI 47:14

Nin̄ a ton̄ i tītə̄ mu beé, hor kógə̄ḿ a o̰o̰də́. Nin̄ a asən̄ kajə rɔ̄də́ ta ndo̰ hor gə̄ tə́ alé. Tá hor ní i hor kúĺ kə́ yā ndīrəń yá̰á̰ kújə garaá aĺ ō, i hor kógə̄ḿ kə́ dūú kə́ rāān̄ i kə kāgāá yā ndíbə̄ aĺ ō!

JEREMI 51:31

Nge a̰ȳ ngɔ̄də̄ anī, ni-ənge nge kaw̄ kəla madə̄n, kɔdə̄ mbēr̄ aw̄ ənge kɔdə̄ mbēr̄ madə̄n, kadə̄ aw̄ ədan̄ mban̄g Babilon na taān̄ ɓē kə taá malang kɔ̄ɔ́.

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé: *Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

JEREMI 52:7

Kalde gə̄ tetən̄ dām̄ ndogə̄ mbal̄ kógə̄ḿ kə́ gidə ɓē kə́ Jerusalem tə́ nang tə́. Nin̄ gīrə̄n̄ gidə ɓē əlan̄ ta naā tə́ ɓá tā banī ndɔ̄ɔ́ anī, ngé rɔ̄ɔ̄ kə́ *Juda gə̄ a̰ȳn̄ naā malang kə ta róbə́ kə́ mbənā ndogə̄ mbal̄ kə́ jōó gə̄ tə́, kadə ndɔr̄ yā mban̄g tə́. Ngé ka̰y naā gə̄ unən̄ i róbə́ kə́ ndágə mbō tə́.