JEREMI 51:31 - Bible sar

³¹ Nge a̰ȳ ngɔ̄də̄ anī, ni-ənge nge kaw̄ kəla madə̄n, kɔdə̄ mbēr̄ aw̄ ənge kɔdə̄ mbēr̄ madə̄n, kadə̄ aw̄ ədan̄ mban̄g Babilon na taān̄ ɓē kə taá malang kɔ̄ɔ́.

Bibəl ta Sar̄

³¹ Nge a̰ȳ ngɔ̄də̄ anī, ni-ənge nge kaw̄ kəla madə̄n, kɔdə̄ mbēr̄ aw̄ ənge kɔdə̄ mbēr̄ madə̄n, kadə̄ aw̄ ədan̄ mban̄g Babilon na taān̄ ɓē kə taá malang kɔ̄ɔ́.

JEREMI 51:31 Referans Kwoze

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ *Israel tə́ malang ō, gō ɓē gə̄ kə́ *Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ *Babilon.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

JEREMI 50:24

Babilon m-ə̄yā gūmbə̄ noí tə́ adə̄ ə̄sō tū tə́ kanjə̄ kadə̄ ī-ger̄ gō. De gə̄ teēn̄ dɔí tə́ ō, əhɔnī, tɔdɔ̄ ḭ̄ ə̄nī Kɔ́ɔ̄ɓē rɔ̄ɔ̄.

JEREMI 4:20

De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.

Makətūbə̄ yā Job 9:25

Ndɔ̄ḿ gə̄ a̰ȳn̄ ngɔ̄də̄ tɔȳ ngé ka̰ȳ ngɔ̄də̄ gə̄, nin̄ a̰ȳ aw̄n̄ kɔ̄ɔ́ kanjə̄ kadə̄ gerə̄n̄ yá̰á̰ ń i ndi majə ní.

ESTER 8:14

Ngámbang kəla gə̄ ń ndin̄ i dɔ sə́nda gə̄ kə́ kújə́ sə́nda yā mban̄g tə́ ní, ɔrə̄n̄ dɔɔ́ kə ngɔ̄də̄ kə́ to ɓōĺ ngá̰ý tītə̄ ń mban̄g ədańdə́ ní ō, ənīn̄ mbēr̄ yá̰á̰ kə́ ndang kadə̄ yā rāā ní kem ɓē bo kə́ Sujə tə́ ō.

ESTER 8:10

Ndangən̄ makətūbə̄ gə̄ ní i kə rī mban̄g Jerses ō, tə́ndān̄ *tambō̰o̰ gə̄ dɔ tə́ i kə kulūm̄ yā mbangāá ō, i sə́nda kə́ kújə́ sə́nda yā mban̄g tə́ gə̄ n adə̄n̄ ngámbang kəla gə̄ kadə̄ aw̄n̄neé kə makətūbə̄ gə̄ ní ō.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 51:32

Ādə̄ de gə̄ taān̄ kum róbə gə̄ malang ō, ādə̄ hor o̰o̰ loo kə́ dang gə̄ i tū tə́ ō, ādə̄ áskar gə̄ a̰ȳn̄ naā kə̄ loo gə̄ tə́ ō.