JEREMI 51:27 - Bible sar

²⁷ Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ *Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

Bibəl ta Sar̄

²⁷ Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

JEREMI 51:27 Referans Kwoze

TA KƏLA 10:3

Ngán Gomer gə̄ i Asəkenas ō, Ripat ō, Togarma ō.

1 YÁ̰A̰ GƏ̄ 1:6

Ngán Gomer gə̄ i Asəkenas ō, Dipat ō, Togarma ō.

TA KƏLA 8:4

Ndɔ̄ kə́ nge ko̰ kutə gidə i sīrí yā nāā kə́ nge ko̰ sīrí anī, to bo dəba dɔ mbal̄ Ararat tə́.

JEREMI 51:12

Ə́laī dərapóo rɔ̄ɔ̄ kum kə̄ dɔ ndogə̄ mbal̄ kə́ Babilon tə́, ī-rēēī kə ngé ngɔ̄m̄ loo gēé dɔ madə̄ tə́ ɓáý, ī-tə́ndāī ngé ngɔ̄m̄ loo gə̄ ō, ngé ngān̄g róbə gə̄ ō, loo ndadə́ gə̄ tə́. A̰á̰ā̰, yá̰á̰ ń Kɔ́ɔ̄ɓē əda dɔ de kə́ Babilon gə̄ tə́ ní, i yá̰á̰ kə́ ni gír̄ dɔ tə́ ō, rāā ō.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 25:14

Tɔdɔ̄ nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō, a o̰o̰n̄ ɓē dɔdə́ tə́. M-ā m-ādə̄ əgān̄ kə̄rā yá̰a̰ gə̄ ń rāān̄ ní ō, jī bēl̄ loo rāā yá̰a̰ yādə́ gə̄ ō.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ *kāgə̄ nduú gə̄ beé.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JEREMI 46:23

Ká ré ku kāgə̄ yān nderə̄ń tītə̄ rí gə̄gē anī, ī-tə́gāī kāgə̄ gə̄ kə́ tū tə́ kɔ̄ɔ́. Najə̄ ń Kɔ́ɔ̄ɓē əda ní n noó. Kutədə́ i ngá̰ý tɔȳ yim̄ gə̄, adə̄ deē asə tə́dádə́ alé.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

2 MBAN̄G 19:37

Ndɔ̄ kógə̄ḿ tə́ ndi a ndɔ̄ȳ kem kújə yā nə́ɓā yān ń i nə́ɓā Nisrok ní tə́ anī, ngánən kə́ dəngam gə̄ jōó, Adəramelek nin̄ kə Sareser tɔ̄l̄nən̄ kə kaskaraá ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní o̰o̰ ɓē gotən tə́.

NGÉ SARYA 6:5

Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

IJAI 37:38

Ndɔ̄ kógə̄ḿ tə́ ni-ra a ndɔ̄ȳ kem kújə yā Nisrok ń i nə́ɓā yān ní tə́, anī ngánən kə́ dəngam gə̄ jōó, Adəramelek nin̄ kə Sareser, tɔ̄l̄nən̄ ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní, ndi mban̄g gotən tə́.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

JEREMI 51:28

Ɔ́siī kə nápar de gēé ādə̄ ənīnən̄ rɔ̄ɔ̄: Mban̄g kə́ Medə tə́ gə̄ ō, ngé sarya yādə́ gə̄ ō, ngé ko̰o̰ ɓē yādə́ gə̄ ō, ɓē gə̄ malang ń i gíŕ tɔ́gə yādə́ tə́ ní ō.