JEREMI 51:11 - Bible sar

¹¹ Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə *Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

Bibəl ta Sar̄

¹¹ Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

JEREMI 51:11 Referans Kwoze

JEREMI 46:4

Ī-do̰ō̰ī púsə́ gír sə́nda gə̄ tə́. Sḭḭ̄ ngé kal̄ sə́nda gə̄, ālī dɔ sə́nda gə̄ tə́! Ī-raī kə ta naá kə jākā gində̄ yāsí gēé. Úsiī kum nənga yāsí gə̄ ādə̄ ndə́lēn̄ pipir. Ə́laī kūbə̄ gində̄ gə̄ rɔ̄sí tə́.

JEREMI 50:45

Ī-nēlī mbīsí ɓáý to̰ ōōīneé yá̰á̰ ń Kɔ́ɔ̄ɓē ɔjə rāā kə ɓē kə́ *Babilon ní, yá̰a̰ gə̄ ń ni núm̄ rāā kə ɓē yā Kalde gēé ní. I gáŕ kadə̄ a ndɔ́rə̄n̄ tītə̄ dā̰ gə̄ beé dɔ gúú tə́, kə ngé kə́ dūú ngá̰ý gə̄gē. I gáŕ kadə̄ de gə̄ a nujən̄ gong yādə́ gə̄ sák sák kɔ̄ɔ́ najə̄ yādə́ tə́.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

JEREMI 46:9

Ngé sə́nda gə̄, ə̄nīī rɔ̄ɔ̄. Ngé púsə́ sə́nda gə̄, ā̰yī ngɔ̄də̄ ngá̰ý. Ādə̄ ngé kəhɔ rɔ̄də́ tɔgə ngá̰ý gə̄ əndan̄ loo teēn̄, adə̄ i *Kus gə̄ ō, Put gə̄ ō, ń gerə̄n̄ kəhɔ der majə ní ō, Lud gə̄ ń gerə̄n̄ kur gərā majə ní ō.

JAKARI 14:12

Yá̰á̰ kə́ tōr̄ gə̄ ń Kɔ́ɔ̄ɓē a reēń dɔ gír de gə̄ ń rɔ̄ɔ̄n̄ ɓē kə́ Jerusalem ní n toó: Dā̰də́ a ndum dan ń nin̄ a ndin̄ kə kumdə́ ɓáý ní ō, kumdə́ a ndum kem kārə̄n tə́ ō, ndo̰də́ a ndum kem tadə́ tə́ ō.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

JEREMI 51:35

Ādə̄ tápə̄ yāḿ gə̄ ō, yá̰á̰ kə́ to kum kaȳ aĺ yāḿ gə̄ ō tél əsōn̄ dɔ *Babilon tə́. De kə́ *Siyo̰ gə̄ asən̄ kəda najə̄ ń noō. Ādə̄ mósə́ḿ tél əsō dɔ Kalde gə̄ tə́. Jerusalem asə kəda najə̄ noō.

JEREMI 51:24

Yá̰á̰ kə́ majaĺ gə̄ malang ń *Babilon ō, de gə̄ malang kə́ Kalde tə́ ō rāān̄ *Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

JEREMI 51:12

Ə́laī dərapóo rɔ̄ɔ̄ kum kə̄ dɔ ndogə̄ mbal̄ kə́ Babilon tə́, ī-rēēī kə ngé ngɔ̄m̄ loo gēé dɔ madə̄ tə́ ɓáý, ī-tə́ndāī ngé ngɔ̄m̄ loo gə̄ ō, ngé ngān̄g róbə gə̄ ō, loo ndadə́ gə̄ tə́. A̰á̰ā̰, yá̰á̰ ń Kɔ́ɔ̄ɓē əda dɔ de kə́ Babilon gə̄ tə́ ní, i yá̰á̰ kə́ ni gír̄ dɔ tə́ ō, rāā ō.

JEREMI 50:25

Kɔ́ɔ̄ɓē teē ta loo ngɔ̄m̄ yá̰a̰ rɔ̄ɔ̄ yān gə̄ malang ō, ɔy yá̰a̰ gə̄ ní teēn̄ ndágá kə wōngōó ō. A̰á̰ā̰, i kəla rāā Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý kem ɓē yā Kalde gə̄ tə́.

IJAI 46:11

m̄-ɓāŕ deē kógə̄ḿ sa̰y ngá̰ý dām̄ kə́ gír ɓē tə́, deē ní ngan̄g tītə̄ kərō beé. Yá̰a̰ gə̄ ń m̄-núm̄ ní, i ni n a rāādə́ kadə̄ reē udən̄ gírí ní. Yá̰á̰ m-ə́dá ní, m̄-rāā yá̰á̰ ní. Yá̰á̰ ń m̄-núm̄ ní, m̄-rāā yá̰á̰ ní adə̄ udə gírí.

IJAI 45:5

Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

IJAI 41:25

m̄-rāā adə̄ deē kógə̄ḿ ḭḭ dām̄ mbɔ́r ɓē kə́ ko̰ó̰ tə́ a reé noó. Loo ń mbang əɓa tū tə́ ní, m̄-ɓārə́n kə rīneé. Ni rējə̄ ngé kɔr no de gə̄ tītə̄ loo mbə̄sā bɔr beé, tītə̄ ń kɔdə̄ jóo a rējəń nánjə kə jīneé ní beē.

IJAI 21:5

De gə̄ a rāān̄ loo yá̰a̰ kəsa, selə́n̄ kūbə̄ tapīi gə̄ nang tə́, de gə̄ əsan̄ ō, a̰ȳn̄ ō. Anī kə̄ ta jī tə́ noō deē kógə̄ḿ əga kɔŕ: Go̰ rɔ̄ɔ̄ gə̄ ḭ́ḭḭ̄ dɔɔ́! Ə̄ndāī dɔ yá̰a̰ rɔ̄ɔ̄ yāsí gə̄ danaá!

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

IJAI 10:26

Tām̄ Kɔ́ɔ̄ɓē kə́ bo kə́ tɔ́gən i ngá̰ý a un məraw yān kə̄ dɔ Asiri tə́, tītə̄ ń ni rāań kə Madian gēé mbal̄ kə́ Oreb tə́ ní. Ni a un sálang kāgə̄ yān yā kəla kə̄ dɔ bā bo tə́ tītə̄ ń rāań kə ɓē kə́ Ejiptə ní.

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi *nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

2 YÁ̰A̰ GƏ̄ 36:22

Kem ɓāl̄ ko̰o̰ ɓē kə́ ta kəga dɔ yā Sirus mban̄g kə́ Persə tə́ ní, Kɔ́ɔ̄ɓē gḛy rāā yá̰á̰ ń ni əndā ta Jeremi *nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ kógə̄ḿ ō, ndang makətūbə̄ kógə̄ḿ ō, kadə̄ ədan̄ de kə́ kem ɓē ko̰o̰ yān tə́ gə̄ malang na:

1 MBAN̄G GƏ̄ 11:23

Nə́ɓā sə̄lā madə̄ ba̰ā̰ kə́ rang ɓáý to̰ dɔ Salomo̰ tə́. Madə̄ ba̰ā̰ ní i Rejon kə́ ngōn̄ Eliada. Rejon a̰ȳ kɔ̄ɔ́ ɓē kɔ́ɔ̄n Hadadejer ń i mban̄g kə́ Soba ní tə́.

1 MBAN̄G GƏ̄ 11:14

Kɔ́ɔ̄ɓē sə̄lā madə̄ ba̰ā̰ kógə̄ḿ dɔ Salomo̰ tə́. Rīn na i Hadad. Ni i de kə́ Edom, gír kaan i gír kaa mban̄g.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ *madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

JEREMI 25:25

mban̄g gə̄ malang kə́ Jimri tə́ ō, kə́ Elam tə́ ō, kə́ Medə tə́ ō,

JEREMI 46:3

Ī-tə́ndāī de kə́ dūú gə̄ ō, kə́ bo gə̄ ō, kə ta naá. Ī-njə̄rāī kə̄ kété kə̄ ta rɔ̄ɔ̄ tə́!

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ *Babilon.