JEREMI 51:1 - Bible sar

¹ Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ *Babilon tə́ ō, dɔ de kə́ Kalde gə̄ tə́ ō.

Bibəl ta Sar̄

¹ Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ Babilon tə́ ō, dɔ de kə́ Kalde gə̄ tə́ ō.

JEREMI 51:1 Referans Kwoze

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

OJEE 13:15

Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

JEREMI 50:33

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda na ní n toó: Əndān̄ gúu dɔ ngán *Israel gə̄ tə́ ō, dɔ ngán *Juda gə̄ tə́ ō, kanjə̄ kɔr̄ kam̄də́ naā tə́. Ngé kɔydə́ kaw̄ sedə́ ɓəloó gə̄ əhɔn̄də́ ngan̄g, mbātə́n̄ kəya̰də́ dɔɔ́.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ *táĺ yā *Israel tə́.

JEREMI 50:24

Babilon m-ə̄yā gūmbə̄ noí tə́ adə̄ ə̄sō tū tə́ kanjə̄ kadə̄ ī-ger̄ gō. De gə̄ teēn̄ dɔí tə́ ō, əhɔnī, tɔdɔ̄ ḭ̄ ə̄nī Kɔ́ɔ̄ɓē rɔ̄ɔ̄.

JEREMI 50:21

Āw̄ ə̄nī ɓē kə́ Maratim rɔ̄ɔ̄. Ə̄nīn rɔ̄ɔ̄ ō, ənī Pekod gə̄ rɔ̄ɔ̄ ō. Gotə de gə̄ ń a na̰yn̄ ní, ī-tɔ̄l̄də́ náḿ náḿ ādə̄m̄. Ī-rāā yá̰a̰ malang kə gō ń m-ə́daī ní. Najə̄ ń Kɔ́ɔ̄ɓē əda ní n noó.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

2 MBAN̄G 19:7

Na n-a n-adə̄ mban̄g ndíĺ kógə̄ḿ kə́ kadə̄ ré oō najə̄ kógə̄ḿ anī a tél dɔ tə́ yā kaw̄ gogə́ ɓē yān tə́. Na n-a n-rāā kadə̄ a oy yo kaskar kem ɓē yān nəkɔ́ tə́.

PĀ GƏ̄ 137:8

Banī ḭ̄ *Babilon, a nujən̄ seí sák sák kɔ̄ɔ́. Rɔ̄ ngé kəgāī kə̄rā yá̰a̰ gə̄ ń ī-rāā sejí ní a nel̄də́.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

IJAI 13:13

I tām̄ najə̄ ń noō tə́ n dɔ rā̰ a ndew ō, a yéȳn̄ dɔ nang dɔ ngəran gə̄ tə́ ō ní. Yá̰á̰ ń noō a rāā yá̰a̰ sɔɔ̄ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý, ndɔ̄ ń wōn̄g yān a o̰o̰ń loo tītə̄ hor beé ní.

IJAI 14:14

M-ā m-āw̄ yā ndi ta ngóy kil̄ man̄ gə̄ tə́ dɔɔ́, m-ā m̄-to tītə̄ Nə́ɓā kə́ dɔɔ́ sa̰y ngá̰ý.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ *Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

JEREMI 51:53

Ká ré *Babilon al̄ ndiń i dɔɔ́ dɔ rā̰ tə́, rāań loo kə́ ngan̄g utə̄ń gidən, adə̄ deē asə kugə̄ gōn tə́ aĺ gə̄gē anī, m-ā m-ə́lá ngé nujə loo gə̄ kadə̄ aw̄n̄ bátə́ ugə̄n̄ gōn tə́ yā nujə seneé. Najə̄ ń Kɔ́ɔ̄ɓē əda ní n noó.