JEREMI 50:8 - Bible sar

⁸ Ā̰yī naā kɔ̄ɔ́ kem ɓē kə́ *Babilon tə́, ɓē yā Kalde gə̄ tə́. Ī-teēī kɔ̄ɔ́ ba ī-toī tītə̄ bal bə̄yā̰ gə̄ kə́ njə̄rān̄ kété no yá̰a̰ kul̄ madə̄də́ gə̄ tə́ beē.

Bibəl ta Sar̄

⁸ Ā̰yī naā kɔ̄ɔ́ kem ɓē kə́ Babilon tə́, ɓē yā Kalde gə̄ tə́. Ī-teēī kɔ̄ɔ́ ba ī-toī tītə̄ bal bə̄yā̰ gə̄ kə́ njə̄rān̄ kété no yá̰a̰ kul̄ madə̄də́ gə̄ tə́ beē.

JEREMI 50:8 Referans Kwoze

JEREMI 51:6

Ī-teē ā̰yī naā kɔ̄ɔ́ *Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

IJAI 48:20

Ī-teēī kɔ̄ɔ́ kem ɓē kə́ *Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

JEREMI 51:45

Sḭḭ̄ ń i gír deē yāḿ gə̄ ní, ī-teēī kɔ̄ɔ́ kem ɓēé, ādə̄ náā nəkɔ́ ɓáa njan adə̄n. Tɔdɔ̄ wōn̄g yā Kɔ́ɔ̄ɓē ḭḭ seneé kə ngangá ngá̰ý.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

IJAI 52:1

*Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ *táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

TƏ́DA 16:26

Moijə əda de gə̄ na: Ī-ndɔ́tiī kɔ̄ɔ́ kadə kújə yā ngé kem ndul gə̄ ń noō tə́. Ī-lōōī kɔdə rɔ̄ yá̰a̰ yādə́ kógə̄ḿ, na sōgə́ óyiī sedə́ loo ń Nə́ɓā a əndadə́ tām̄ yá̰á̰ kə́ majaĺ gə̄ malang ń nin̄ rāān̄ tə́ ní.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ *Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí *unjə̄ njáý njáý.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!