JEREMI 50:35 - Bible sar

³⁵ Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

Bibəl ta Sar̄

³⁵ Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

JEREMI 50:35 Referans Kwoze

JEREMI 47:6

I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

OJEE 11:6

I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ *Israel gə̄ númə̄n̄ rāā yá̰á̰ kə́ majaĺ gə̄.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ *Babilon.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə *nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

EJEKIEL 14:2

Anī Kɔ́ɔ̄ɓē ɔr̄ najə̄ seḿ, ədam̄ na:

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 50:30

A̰á̰ā̰, ndɔ̄ nəkɔ́ ń noō tə́ ní, ngé rɔ̄ɔ̄ yān kə́ balsáa gə̄ kə́ ngé gə̄ a tə́sōn̄ ndágə loo yān gə̄ tə́, ngé rɔ̄ɔ̄ yān gə̄ malang ní, rāān̄də́ adə̄ ndin̄ kə tadə́ kə́ mbóó. Najə̄ ń Kɔ́ɔ̄ɓē əda ní n noó.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEREMI 10:7

Mban̄g yā nápar de gə̄, i náā n a ɓōlíī aĺ ní? I ḭ̄ n de gə̄ ɓōĺnī ní. De kə́ nge kum kedə̄ kə́ tītīí dan nápar de gə̄ tə́ ō, kem ɓē ko̰o̰ gə̄ tə́ malang ō ní gətóo.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

IJAI 41:25

m̄-rāā adə̄ deē kógə̄ḿ ḭḭ dām̄ mbɔ́r ɓē kə́ ko̰ó̰ tə́ a reé noó. Loo ń mbang əɓa tū tə́ ní, m̄-ɓārə́n kə rīneé. Ni rējə̄ ngé kɔr no de gə̄ tītə̄ loo mbə̄sā bɔr beé, tītə̄ ń kɔdə̄ jóo a rējəń nánjə kə jīneé ní beē.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā , banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā , banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ *madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

JEREMI 51:47

Ká ré i beé gə̄gē anī, ndɔ̄ gə̄ a reēn̄ noó kadə̄ m-ā m̄-nujə ɓesə̄ gə̄ kə́ *Babilon ō, rɔ̄ ɓē kə taá malang a sɔlən̄ najə̄ yá̰á̰ ní tə́ ō. Deē yān gə̄ malang ń əngen̄ do kə́ asə yodə́ ní, a tə́sōn̄ ndágə loo yān gə̄ tə́ ō.