JEREMI 50:24 - Bible sar

²⁴ Babilon m-ə̄yā gūmbə̄ noí tə́ adə̄ ə̄sō tū tə́ kanjə̄ kadə̄ ī-ger̄ gō. De gə̄ teēn̄ dɔí tə́ ō, əhɔnī, tɔdɔ̄ ḭ̄ ə̄nī Kɔ́ɔ̄ɓē rɔ̄ɔ̄.

Bibəl ta Sar̄

²⁴ Babilon m-ə̄yā gūmbə̄ noí tə́ adə̄ ə̄sō tū tə́ kanjə̄ kadə̄ ī-ger̄ gō. De gə̄ teēn̄ dɔí tə́ ō, əhɔnī, tɔdɔ̄ ḭ̄ ə̄nī Kɔ́ɔ̄ɓē rɔ̄ɔ̄.

JEREMI 50:24 Referans Kwoze

Makətūbə̄ yā Job 9:4

Rɔ̄kum, tɔ́gən ni i ngá̰ý al̄ naā ō, i de kə́ ger̄ najə̄ ngá̰ý al̄ naā ō. I náā n ənīn rɔ̄ɔ̄ kanjə̄ ɓōĺ ō, teē kum tə́ kanjə̄ kadə̄ yá̰á̰ kógə̄ḿ rāān ō ní?

Makətūbə̄ yā Job 40:9

Jīí i tītə̄ jī Nə́ɓā á? Ndūí ɓār̄ tītə̄ man̄ kə́ ndang tītə̄ yān a?

Makətūbə̄ yā Job 40:2

Madə̄ kɔ̄l̄ Nə́ɓā kə́ tɔ́gən i ngá̰ý aw̄ kə najə̄ kə́ yā kəda dɔ yá̰a̰ gə̄ ń noō tə́ a? Nge tə́da najə̄ kə́ majaĺ gə̄ dɔ Nə́ɓā tə́ gḛy tūr̄ Nə́ɓā najə̄ tə́ a?

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə *nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 51:8

Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

IJAI 45:9

Deē ń kɔ̄l̄ kə nge rāāneé ní, yá̰á̰ kə́ to kum kaȳ aĺ ngá̰ý a teē dɔn tə́. Deē ndul to i tītə̄ jóó nánjə beē dan jóo madə̄ gə̄ tə́. Nánjə a əda nge mbə̄sān na ké ā ī-rāā i rí wa a? A ədan na jóo yāí teē yá̰a̰ alé a?

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

Teē Ngán Israel gə̄ 10:3

Moijə nin̄ kə *Aaro̰ aw̄ əngen̄ *Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

JEREMI 48:43

Moab gə̄, ɓōĺ a rāāsí ngá̰ý ō, ā ə̄sōī bəlo kə́ bo tə́ ō, réng a əhɔsí ō. Najə̄ ń Kɔ́ɔ̄ɓē əda ní n noó.

JEREMI 48:44

Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

Makətūbə̄ yā Job 15:25

I tɔdɔ̄ ni un jīn dɔɔ́ yā rɔ̄ɔń Nə́ɓā ō, ni tɔ́sə gātə̄ Nə́ɓā kə́ tɔ́gən i ngá̰ý ō.