JEREMI 50:13 - Bible sar

¹³ Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ *Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

Bibəl ta Sar̄

¹³ Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

JEREMI 50:13 Referans Kwoze

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

JEREMI 49:17

Edom tél ndágə loo kə́ to kum ko̰, adə̄ de gə̄ malang ń a mānə̄n̄ kadə tə́ ngɔr ní a ɔr kumdə́ seneé ngá̰ý ō, a əgan̄ kɔŕ ɓōĺ dɔn tə́ ō.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə *Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

Makətūbə̄ yā Job 27:23

Dan ń ni nujə sák sák kɔ̄ɔ́ anī, de gə̄ əndan̄ jīdə́ ɓur ɓur ō, Kɔ̄rə́n̄ ngél rɔ̄nel̄ dɔn tə́ kem kújə yān nəkɔ́ tə́ ō.

NDŪ NAJƏ̄ 29:22

Dɔ nang yādə́ i bursu ō, katə̄ ō, hor ō malang. Deē dubə̄ yá̰a̰ tū tə́ aĺ ō, yá̰a̰ əɓa tū tə́ aĺ ō, mu əɓa tū tə́ aĺ ō, tītə̄ kə́ Sodom ō, Gomor ō, Adəma ō, Seboim ō, ń wōn̄g rāā Kɔ́ɔ̄ɓē á nujəń kɔ̄ɔ́ malang ní.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ *Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

JEREMI 51:26

Deē a sāā mbal̄ kə́ yā kəndā kíĺ kújə, aláa ngəra kújə looí to̰ alé. Ā ī-tél loo kə́ nujə kɔ̄ɔ́ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə *Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

JEREMI 51:62

ā ə́da na: Kɔ́ɔ̄ɓē, i īkɔ́ n ɔr̄ najə̄ kə́ sɔɔ̄ dɔ loo ń toō yā kadə̄ ī-nujəń sák sák kɔ̄ɔ́ ō, kadə̄ yá̰á̰ kə́ taā koō, adə̄ i deē, aláa i dā̰, kə ndiń kemeé to̰ aĺ ō, kadə̄ tél loo kə́ to kum ko̰ kə́ njɔ́ḿ gə̄ tə́ ō ní.

EJEKIEL 27:36

Ɓōĺ rāā ngé rāā gātə̄ gə̄ yā gír de kə́ nin̄ i tə̄rā gə̄ adə̄ əgan̄ kɔŕ ɓōĺ najə̄ yāí tə́. Ḭ̄ ī-rāā ādə̄ de gə̄ malang ɓōlə́n̄, nujən̄ seí kɔ̄ɔ́ i kə́ njɔ́ḿ gə̄ tə́.