JEREMI 49:39 - Bible sar

³⁹ Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

Bibəl ta Sar̄

³⁹ Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 49:39 Referans Kwoze

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń *kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

AMOS 9:14

*Israel gə̄ ń i gír deē yāḿ gə̄ ní , m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ *kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā *Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ *táĺ ō.

EJEKIEL 38:16

*Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ *táĺ i mā. Ba i Gog n m-ā m-úniī yā kɔjəńdə́ nge ń noō ní.

EJEKIEL 29:14

M-ā m̄-tél kə dəngáy gēé yā reē sedə́, m-ā m̄-tél yā reē sedə́ dɔ nang kə́ Ejiptə tə́, dām̄ mbɔ́r ɓē kə́ geleé tə́, kem ɓē ń ojən̄də́ tū tə́ ní tə́. Nin̄ a əndān̄ ɓē ko̰o̰ kógə̄ḿ kə́ dūú loo ń noō tə́,

JEREMI 49:6

Gō yá̰á̰ ń noō tə́ anī, m-ā m̄-t-él yā kəndā Amon gə̄ kadə̄ majə tītə̄ kə́ kété. Najə̄ ń Kɔ́ɔ̄ɓē əda ní n noó.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń *kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

Makətūbə̄ yā Job 42:10

Dan ń Job ndɔ̄ȳ Nə́ɓā tām̄ yā madə̄n gə̄ tə́ oy anī, Kɔ́ɔ̄ɓē rāā adə̄ ni-tél ndi majə gogə́. Yá̰á̰ ń Job ənge kété ní, Kɔ́ɔ̄ɓē rāā adə̄ ni-tél ənge gogə́ loo nja tə́ jōó.

JEREMI 12:15

Ba gō tə́ dan ń m-ā m-ɔ̄r̄də́ kə ngəradə́ oy anī, kumḿ a tél yā ko̰o̰m̄ sedə́. Adə̄ m-ā m̄-tél yā reē sedə́ kógə̄ḿ kógə̄ḿ kem ɓē yādə́ tə́ ō, ta yá̰a̰ kənge yādə́ tə́ ō.

JEREMI 49:38

M-ə̄ndā kōr̄ kāgə̄ mbang yāḿ ɓē kə́ Elam tə́. m̄-tɔ̄l̄ mban̄g ō, de kə́ bo gə̄ ō, kə́ kemeé malang. Najə̄ ń Kɔ́ɔ̄ɓē əda ní n noó.