JEREMI 49:3 - Bible sar

³ Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, *ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

Bibəl ta Sar̄

³ Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

JEREMI 49:3 Referans Kwoze

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə *ngé tun̄ yá̰a̰ yāí gə̄ ō, ngār yāí gə̄ ō.

JEREMI 48:37

Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, *Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda *Parao̰ ō, de gə̄ malang ń ənīn̄ kemdə́ adə̄nən̄ ní ō.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

2 MBAN̄G 23:13

Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ *kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ *Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń *ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

1 MBAN̄G GƏ̄ 11:5

Salomo̰ rāā ɓesə̄ Astarte ń i ɓesə̄ kə́ dəyá̰ yā Sidon gə̄ ní ō, rāā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní ō.

JAKƏ 5:1

Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

AMOS 1:15

A aw̄n̄ kə mban̄g yādə́ dɔ ɓē kə́ rang tə́ dɔ gúú tə́ ō, ngār yān gə̄ a aw̄n̄ seneé ō. I Kɔ́ɔ̄ɓē n əda najə̄ ń noō ní.

JEREMI 51:8

Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: *Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 48:20

Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

JEREMI 48:2

Gír rī ɓār̄ yā Moab gān̄g kɔ̄ɔ́. De gə̄ ndin̄ Hesəbon ba oōn̄ naā yā nujə seneé. J-aw̄ jə-tɔ̄lī gír nápar de gə̄ ń toō kɔ̄ɔ́. Ḭ̄ Madəmen, gír yāí gān̄g kɔ̄ɔ́, tɔdɔ̄ kaskar ngɔ̄də̄ gōí.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

IJAI 23:6

Ə́ndaī bā bo ī-gāngī, āwī bátə́ ūgī Tarsis. Sḭḭ̄ de gə̄ ń ī-ndiī kadə bā tə́ ní, úniī pā yo.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

IJAI 16:7

Ngɔlaā ní Moab gə̄ a nōōn̄ i Moab, de gə̄ malang a nōōn̄ i mbée. Nin̄ a sō̰mə́n̄ ō, a ndə̄ngān̄ gotə makəla kan̄ *nduú gə̄ ń kété a rāān̄ kem ɓē kə́ Kir Heres tə́ ní ō. Tɔ́gə́də́ teē malang kɔ̄ɔ́.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

JOJUE 8:28

Jojue əla hor dɔ ɓē kə́ Ai tə́ adə̄ ɓē kə́ Ai tél ndəbā ɓē bátə́ ɓōólaā.

JOJUE 7:2

Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

JOJUE 8:1

Kɔ́ɔ̄ɓē əda Jojue na: Ī-lōō ɓōĺ ō, ī-lōō kadə̄ kemií gān̄g man̄ ō. Ɔ́ý ngé rɔ̄ɔ̄ yāí gə̄ malang ba āw̄ ī-rɔ̄ɔ̄ ɓē kə́ Ai. Á̰a̰ m-ə́la mban̄g kə́ Ai kə de gə̄ yān gēé kem jīí tə́, m-ādī ɓē yān ō, dɔ nang yān ō.

2 SAMUEL 11:1

Dan ń ɓāl̄ kə́ kijə reē ugə̄ anī, kem nāā ń mban̄g gə̄ a aw̄n̄neé rɔ̄ɔ̄ tə́ ní, Dabid əla Joab nin̄ kə go̰ rɔ̄ɔ̄ gə̄ ō, *Israel gə̄ ō, malang ta rɔ̄ɔ̄ tə́. Adə̄ nin̄ tɔ̄lə̄n̄ ngán Amon gə̄ ngá̰ý ō, gīrə̄n̄ gidə ɓē kə́ Raba ō. Ba Dabid tá ndi ɓēé Jerusalem.

ESDRAS 2:28

De kə́ Betel gə̄ ō Ai gə̄ ō ní, nin̄ malang i deē 223