JEREMI 48:14 - Bible sar

¹⁴ I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?

Bibəl ta Sar̄

¹⁴ I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?

JEREMI 48:14 Referans Kwoze

PĀ GƏ̄ 33:16

I kutə ngé rɔ̄ɔ̄ kə́ ngá̰ý gə̄ n a ajə mban̄g ní a? I tɔ́gə kə́ ngá̰ý n a ajə go̰ rɔ̄ ní a?

IJAI 10:16

I tām̄ najə̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a rāā kadə̄ yá̰a̰ kənge yā gō nang gə̄ kə́ yá̰a̰ kənge i ngá̰ý tū tə́ gə̄ tél kə̄ nang tə́ ní. Hor kógə̄ḿ a taā loo gír majədə́ tə́ gírí nang tə́, tītə̄ hor kə́ o̰o̰ loo beé.

IJAI 10:13

Tām̄ mban̄g ngeé ń toō əda na: Yá̰a̰ malang ń m̄-rāā ní, i kə ta kūl̄ tɔ́gə́ḿ ō, kum kedə̄ yāḿ ō, tɔdɔ̄ mā i de kə́ m̄-ger̄ yá̰a̰. m̄-rāā adə̄ dɔ nin̄ loo gə̄ yā gír de gə̄ gətóo kɔ̄ɔ́ ō, m̄-ɓogə yá̰a̰ kənge yādə́ gə̄ kə́ to loo ɓɔ̄ɔ̄ tə́ ō. m̄-rāā mban̄g gə̄ adə̄ risən̄ kɔ̄ɔ́ dɔ kōr̄ kāgə̄ mbang yādə́ gə̄ tə́ ō.

SOPONI 2:10

Yá̰á̰ ń nin̄ a əngen̄ tām̄ kɔjə rɔ̄ yādə́ tə́ ní n noó. A̰á̰ā̰, nin̄ tájə̄n̄ gír de gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír de gə̄ yā Kɔ́ɔ̄ɓē ō.

EJEKIEL 30:6

Mā Kɔ́ɔ̄ɓē m-ə́da na: Əla gír Migədol dām̄ mbɔ́r ɓē kə́ ko̰ó̰ tə́, bátə́ Asuwan dām̄ mbɔ́r ɓē kə́ geleé tə́ ní, ngé gə̄ a rɔ̄ɔ̄n̄ dɔ ɓē kə́ Ejiptə tə́ ní, a tɔ̄lə̄n̄də́ ta rɔ̄ɔ̄ tə́ ō, tɔ́gə de kə́ Ejiptə gə̄ ń kɔjə rɔ̄ i ngá̰ý tū tə́ ní a əsō kɔ̄ɔ́ ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

JEREMI 8:8

I ba̰ý á sḭḭ̄ ə́daī na: Sḭḭ̄ na i ngé kum kedə̄ gə̄, tɔdɔ̄ *ndū najə̄ yā Kɔ́ɔ̄ɓē na to na i tām̄ yāsí tə́ ní? Majə tā ba yá̰a̰ ndang makətūbə̄ yā ngé sór̄ gə̄ rāā adə̄ tél i *ndū najə̄ kə́ rɔ̄kum aĺ kɔ̄ɔ́

IJAI 16:6

J-oō najə̄ kɔjə rɔ̄ yā ɓē kə́ Moab. I kɔjə rɔ̄ kə́ ngá̰ý kə́ ba̰ý beē! I kem sōl̄ yá̰a̰ aĺ kə́ ba̰ý beē! Banī najə̄ ń ni-ɔr̄ ní i najə̄ kə́ kem wōȳ karī.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

PĀ GƏ̄ 11:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?