JEREMI 44:17 - Bible sar

¹⁷ J-a jə-rāā yá̰a̰ malang ń j-ənī ndūjí yā rāā ní, adə̄ i róō *yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ *Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

Bibəl ta Sar̄

¹⁷ J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

JEREMI 44:17 Referans Kwoze

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

NEHEMI 9:34

Mban̄g yājí gə̄ ō, ngār yājí gə̄ ō *ngé tun̄ yá̰a̰ yājí gə̄ ō kaají gə̄ ō, rāān̄ yá̰á̰ ń *ndū najə̄ yāí əda ní aĺ ō, əndān̄ kumdə́ gír yá̰a̰ gə̄ ń ə́dádə́ kadə̄ rāān̄ ní tə́ aĺ ō, əndān̄ kumdə́ gír tāā gə̄ ń ī-tāādə́ kə̄ nja naā tə́ ní aĺ ō.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

NDŪ NAJƏ̄ 23:23

Ba ré ī-mbātə́ kənī ndūí anī, ī-rāā i yá̰á̰ kə́ majaĺ alé.

Teē Ngán Israel gə̄ 16:3

ədan̄ na ké i tām̄ rí tə́ áké Kɔ́ɔ̄ɓē nəkɔ́ tɔ̄l̄də́ kə jīneé dɔ nang kə́ Ejiptə tə́, dan ń n-ndin̄neé ta jóo dā̰ gə̄ tə́ ō, n-əsan̄neé yá̰a̰ adə̄ asə kemdə́ ō ní aĺ wa. Nin̄ na reēn̄ sedə́ kem dəla loo ń toō tə́ na i yā kəya̰də́ tū tə́ kadə̄ ɓō kə tɔ̄l̄də́ malang.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

JEREMI 44:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, ɔr̄ najə̄ i tītə̄ ń toō beē: Sḭḭ̄ ō, nə̄yá̰sí gə̄ ō, ɔ̄rī najə̄ ré tasí a̰ȳ aĺ ɓáý anī ī-rāāī yá̰á̰ ń ə́daī ní kɔ̄ɔ́ ɓá. Sḭḭ̄ ə́daī na j-a jə-rāā yá̰á̰ ń j-ənī ndūjí yā rāā ní. J-a jə-róō *yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, j-a jə-tə́te kasə tə́ nang tə́ yā kadə̄n ō. Tā anī ī-rāāī yá̰a̰ gə̄ ń ə̄nīī ndūsí yā rāā ní ī-tɔ̄lī ta ō, ī-tə́teī kasə yāsí gə̄ nang tə́ ō.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ *Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

JEREMI 19:13

Kújə́ kə́ Jerusalem tə́ gə̄ ō, *Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ *yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ *Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ *Baal ō.

NGÉ SARYA 11:36

Ngōnən kə́ dəyá̰ ədan na: Bɔbə́ḿ, ré ə̄nī ndūí ādə̄ Kɔ́ɔ̄ɓē anī ī-rāā yá̰á̰ ń ə́dan ní seḿ. Tɔdɔ̄ ni dal ba̰ā̰í dɔ ngán Amon gə̄ tə́.

TƏ́DA 30:12

ba ngaan oō ō, mbātə́ gōn tə́ aĺ anī, i gáŕ kadə̄ a rāā yá̰á̰ ní.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

MARK 6:26

Najə̄ ní rāā adə̄ rɔ̄ mban̄g nelə̄n aĺ ngá̰ý tā, ba dan ń ni-ənī míndən kɔ̄ɔ́ ta kum ngé rāā nāā gə̄ tə́ ní, ni-gḛy kɔgə̄n alé.

JEREMI 44:9

Dɔsí ndígə̄nal yá̰á̰ kə́ majaĺ gə̄ ń kó̰ó̰sí gə̄ ō, mban̄g kə́ *Juda tə́ gə̄ ō, nə̄yá̰də́ gə̄ ō, sḭḭ̄ kɔ́ gə̄ ō, nə̄yá̰sí gə̄ ō, ī-rāāī kem ɓē kə́ Juda tə́ ō, dɔ kə̄lá róbə gə̄ kə́ Jerusalem tə́ ní ō kɔ̄ɔ́ a?

IJAI 48:5

I tām̄ najə̄ ń toō tə́ n yá̰a̰ gə̄ ń rāān̄ yá̰a̰ toó ní, m-ə́dásí najə̄n i kété jóó ní. m̄-tāāsí najə̄ yādə́ i kété pá tá kadə̄ reē ugə̄n̄ ɓáý. Kété ní m̄-ndigə i kadə̄ ə́daī najə̄ ń toō alé: I ɓesə̄ yāḿ n rāā yá̰a̰ malang, i kāgə̄ yāḿ kə́ tɔ́sə̄, aláa i gində̄ yāḿ kə́ nō horoó n əda kadə̄ yā rāā yá̰a̰ gə̄ ń noō malang tītə̄ ń noō ní.

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

PĀ GƏ̄ 12:4

Ādə̄ Kɔ́ɔ̄ɓē rāā adə̄ ngé ta nel̄ gə̄ ba kemdə́ i yá̰á̰ kə́ rang gə̄ ō, ngé gán̄g rɔ̄də́ gə̄ ō ń noō gətóon̄ kɔ̄ɔ́.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

TƏ́DA 30:2

Gō tə́ anī Moijə əda ngār gə̄ kə́ dɔ gír ɓē yā ngán *Israel gə̄ tə́ na: Yá̰á̰ ń Kɔ́ɔ̄ɓē mēr̄ rāā ní n toó:

2 YÁ̰A̰ GƏ̄ 28:23

Ni tun̄ yá̰a̰ adə̄ nə́ɓā gə̄ kə́ Damas ń tetənən̄ rɔ̄ɔ̄ ní ba əda na: Nə́ɓā gə̄ yā mban̄g Aram gə̄ dḭḭ̄n̄də́, adə̄ i nin̄ n m̄-tun̄ yá̰a̰ m-ādə̄də́ kadə̄ dḭḭ̄mə̄n̄neé ní.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

JEREMI 11:12

Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem *kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem *loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə *loo tun̄ yá̰á̰ tə́. Nin̄ tūrə̄n̄ gidədə́ adə̄n̄ *loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

EJEKIEL 20:32

Sḭḭ̄ ə́daī na ī-ndigiī kəto tītə̄ gotə nápar de gə̄, tītə̄ de gə̄ kə́ ɓē kə́ rang gə̄ tə́. Ə́daī na ī-ndigiī rɔȳ kāgə̄ gə̄ kə mbal̄ gə̄. Banī yá̰á̰ ń ī-gírī ní a rāā yá̰a̰ alé.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ *Juda tə́ ō, kum róbə kɔsə gə̄ kə́ Jerusalem tə́ ō ní aĺ a?