JEREMI 43:13 - Bible sar

¹³ Ni a tɔ̄ɔ̄ mbal̄ gə̄ kə́ Bet Semes kem ɓē kə́ Ejiptə tə́ ō, ni a əla hor dɔ kújə ɓesə̄ gə̄ kə́ Ejiptə tə́ ní ō.

Bibəl ta Sar̄

¹³ Ni a tɔ̄ɔ̄ mbal̄ gə̄ kə́ Bet Semes kem ɓē kə́ Ejiptə tə́ ō, ni a əla hor dɔ kújə ɓesə̄ gə̄ kə́ Ejiptə tə́ ní ō.

JEREMI 43:13 Referans Kwoze

IJAI 19:18

Ndɔ̄ kógə̄ḿ tə́ anī, ɓē gə̄ ní a ton̄ dɔ nang kə́ Ejiptə tə́, ba i ta Hebəro n a ɔrə̄n̄ kem ɓē gə̄ ní tə́. De gə̄ a túbə̄n̄ kem ɓē gə̄ ní tə́, a ədan̄ na nin̄ na i de gə̄ yā Kɔ́ɔ̄ɓē kə́ bo kə́ tɔ́gən i ngá̰ý. Ɓē gə̄ ngeé ń noō ní, rī nge kə́ kógə̄ḿ na i ɓē yā mbang.

TA KƏLA 41:45

*Parao̰ əndā rī Jəjep na i Sapənat Paneas ō, adə̄n Asənat ngōn̄ Potipera kadə̄ i nə̄yá̰n ō. Potipera i nge tun̄ yá̰á̰ kə́ kem ɓē kə́ On tə́. Loo ń noō tə́ Jəjep aw̄ ka̰a̰ gō ɓē gə̄ kə́ Ejiptə tə́.

IJAI 46:2

Nə́ɓā gə̄ rugən̄ ngung, nin̄ malang əsōn̄ nang tə́ ndɔ̄ naā tə́. Nin̄ asən̄ kajə yá̰a̰ gə̄ ń tɔ́sə̄n̄ kum gotədə́ ní alé, nin̄ kɔ́ gə̄ aw̄n̄ dɔ ɓē kə́ rang tə́ dɔ gúú tə́.

JEREMI 43:12

M-ā m-ə́la hor dɔ kújə yā nə́ɓā gə̄ kə́ Ejiptə tə́ ń i ɓesə̄ gə̄ ní tə́. Nabukodonosor a əla hor dɔ ɓesə̄ gə̄ ní tə́ ō, a ɔydə́ yā kaw̄ń ō, a ró̰ȳdə́ kɔ̄ɔ́ Ejiptə tə́ tītə̄ ń nge kul̄ yá̰a̰ a əhɔń ngə́sā tū kūbə̄ yān tə́ ní beé ō, a tél yā kaw̄ gogə́ kanjə̄ kadə̄ yá̰á̰ kógə̄ḿ rāān ō.

JEREMI 44:1

Kɔ́ɔ̄ɓē əndā najə̄ ta Jeremi tə́ kadə̄ ɔr̄ kə *Juda gə̄ malang ń aw̄ ndin̄ Ejiptə tə́ adə̄ i kem ɓē kə́ Migədol tə́ ō, Tapanes tə́ ō, Mempis tə́ ō, gō nang kə́ Patəros tə́ ō ní:

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, *Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda *Parao̰ ō, de gə̄ malang ń ənīn̄ kemdə́ adə̄nən̄ ní ō.

EJEKIEL 26:11

Nja sə́nda yādə́ gə̄ a tɔ̄ɔ̄ nán̄g kə́ kum róbə kɔsə yāí gə̄ tə́ ō, de gə̄ ń ndin̄ kemií tə́ ní, nin̄ a tɔ̄lə̄n̄də́ kə kaskaraá ō, mbal̄ yāí kə́ túdə̄ kə nja dɔɔ́ gə̄ ń tɔ́gə́də́ i ngá̰ý ní, nin̄ a tə́nīn̄də́ nang tə́ kɔ̄ɔ́ ō.

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

JEREMI 25:19

Gotə nápar de gə̄ ń a̰ȳn̄ kópə ngeé ń toō ní, nin̄ n toó: *Parao̰ mban̄g kə́ Ejiptə ō, ngé kəla yān gə̄ ō, de kə́ bo yān gə̄ ō, gír deē yān gə̄ malang ō,

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

EJEKIEL 30:17

A tɔ̄lə̄n̄ balsáa gə̄ kə́ On ō, kə́ Pi Beset ō, ta rɔ̄ɔ̄ tə́. Ba gotə de kə́ rang kə́ kem ɓēé gə̄ ń a na̰yn̄ ní, a ɔyn̄də́ yā kaw̄ sedə́ dɔ ɓē kə́ rang tə́ dɔ gúú tə́.