JEREMI 4:8 - Bible sar

⁸ Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

Bibəl ta Sar̄

⁸ Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

JEREMI 4:8 Referans Kwoze

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 32:11

Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ī-ndewiī! Sḭḭ̄ ń ī-taāī kem rɔ̄sí mámák ní, ī-ndiī kə sōlōó! Ī-ró̰yī kūbə̄ gə̄ rɔ̄sí tə́ kɔ̄ɔ́, ɔ̄rī kūbə̄ yāsí gə̄ kɔ̄ɔ́ ba ə́lāī kūbə̄ kəhɔ ndoō rɔ̄sí tə́.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā , banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ *kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ *kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

EJEKIEL 30:2

Ḭ̄ ngōn̄ deē, ɔ̄r̄ najə̄ ādə̄m̄, ə́da na: Najə̄ ń Kɔ́ɔ̄ɓē Nə́ɓā əda ní n toó: Ī-nōōī rɔ̄sí tām̄ yā ndɔ̄ ń yá̰á̰ kə́ to kum kaȳ aĺ a rāań yá̰á̰ tə́ ní.

EJEKIEL 21:12

Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

JEREMI 48:20

Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

JEREMI 30:24

Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 9:12

Kɔ́ɔ̄ɓē ənda gír deē yān gə̄, banī *Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

PĀ GƏ̄ 78:49

Ta tɔ̄l̄ ta anī Nə́ɓā rāā wōn̄g ngá̰ý kə de kə́ Ejiptə gēé, wōn̄g yān ń ḭḭ seneé anī a rāān i kə́ kɔ̄r̄ tə́ ní, rāān dɔdə́ tə́. Ni əya̰ ɓūtə̄ *de kə́ dɔ rā̰ tə́ kə́ ngé nujə loo gə̄ adə̄ rāān̄də́ yá̰á̰ kə́ to kum kaȳ aĺ.

TƏ́DA 25:4

Kɔ́ɔ̄ɓē əda Moijə na: Ngār gə̄ yā ngán *Israel gə̄ ní ə́hɔ́də́ malang, i tṵ́ṵ̄də́ dɔɔ́ tū kāgə̄ gə̄ tə́ ādə̄ ran̄ kumdə́ sɔɔ̄ mbang ta kum Kɔ́ɔ̄ɓē tə́ bátə́ kadə̄ oynə̄ń Loo ń noō tə́ wōn̄g ń rāām̄ sesí ngá̰ý ní a tetə.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

JOEL 1:13

*Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla *tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə *nduú kem kújə yā Nə́ɓā yāsí tə́ kɔ̄ɔ́.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.