JEREMI 4:4 - Bible sar

⁴ De kə́ *Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, *ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

Bibəl ta Sar̄

⁴ De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

JEREMI 4:4 Referans Kwoze

NDŪ NAJƏ̄ 10:16

Ā *ə́ja i mɔtə kə́ dan wur tə́ ō, ī-lōōī rāā dɔ ngan̄g ō.

KOLOSƏ 2:11

Ɓoo ń ī-ɓooī naā seneé ní, ɔjə kadə̄ sḭḭ̄ *ə́jaī mɔtəsí kɔ̄ɔ́. I jī deē n əja alé, i kəja mɔtə yā *Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a *ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā *Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

EJEKIEL 20:33

Tītə̄ ń m̄-ndiń kə kumḿ rɔ̄kum noó, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰a̰ i kə tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō, m-ā m-ó̰o̰ ɓē dɔsí tə́ i tītə̄ ń noō ō.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ *Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

EJEKIEL 24:8

Mā m-ə́yá̰ mósə́ ni dɔ mbal̄ kə́ ndágə doy tə́, loo kə́ deē asə kutə dɔ tū tə́ aĺ tə́, yā kadə̄ ni-rāā tá wōn̄g rāām̄ ngá̰ý ō, yā kadə̄ ni-rāā tá kadə̄ m̄-dal ba̰ā̰ ō.

EJEKIEL 16:38

Jerusalem, m-ā m̄-gān̄g sarya dɔí tə́ tītə̄ ń a gāngə̄n̄neé sarya dɔ dəyá̰ kə́ ngé rāȳ gə̄ tə́ ní ō, dɔ dəyá̰ kə́ ngé tɔ̄l̄ de gə̄ tə́ ní ō. M-ā m̄-rāāī kadə̄ mósə a taā gidə rɔ̄í malang sɔɔ̄ ń wōn̄g kə́ rāām̄ ō, jang kə́ ɔsə seḿ ō.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 6:12

Ngé gə̄ ń ndin̄ sa̰y ní, a oy yo mo̰y ngāl̄bɔ̄gīí. Ngé gə̄ ń ndin̄ ngɔr ní, a a tɔ̄lə̄n̄də́ ta rɔ̄ɔ̄ tə́. Ngé gə̄ ń a teēn̄ ta yo tə́ ní, a oyn̄ yo ɓō. M-ā m̄-bəgā wōn̄g yāḿ dɔdə́ tə́ bátə́ ta tɔ̄l̄ ta tə́.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 21:5

I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

EJEKIEL 21:17

Ḭ̄ ngōn̄ deē, ə́ga kɔŕ kə́ ɔjə kadə̄ ə̄ndā kemií dɔ yá̰á̰ kógə̄ḿ tə́ to̰ alé! Kaskar ní i kə́ tūr̄ kə̄ dɔ gír deē yāḿ gə̄ tə́ ō, kə̄ dɔ ngār gə̄ yā ngán *Israel gə̄ tə́ malang ō. A̰á̰ā̰, a tɔ̄lə̄n̄ ngār gə̄ naā tə́ kə́ gír deē yāḿ gēé. Ə́nda kadií ī-nōoń rɔ̄í.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ *Israel gə̄, ī-gḛyiī koy i najə̄ rí tə́?

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

Makətūbə̄ ń Pol ndang adə̄ Rom gə̄ ní 2:25

Ré ī-rāā yá̰á̰ ń *ndū najə̄ əda ní aĺ anī, *kəja motə yāí i tītə̄ kəja mɔtə aĺ beē.

LEBI GƏ̄ 26:41

Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō.

IJAI 10:17

Kɔ́ɔ̄ɓē ń i loo kə́ unjə̄ kow yā *Israel ní, a tél hor kógə̄ḿ. Ta ndo̰ hor gə̄ yā Nə́ɓā kə́ *táĺ a əla hor tū túpə kōn̄ gə̄ tə́ ō, hor ní a o̰o̰də́ i kem ndɔ̄ kógə̄ḿ beē ō.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

JEREMI 9:25

Adə̄ i Ejiptə gə̄ ō, *Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang *əjan̄ mɔtədə́ aĺ ō, de kə́ *Israel tə́ gə̄ nəkɔ́ gə̄gē ní *ə́jan̄ mɔtə kə́ dan wurdə́ tə́ aĺ ō.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ *táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī *madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

JEREMI 15:14

M-ə́la dɔí gíŕ tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Wōn̄g yāḿ əɓa bup kə́ hor tə́ yā ko̰o̰sí kə́ njɔ́ḿ gə̄ tə́.