JEREMI 4:22 - Bible sar

²² Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

Bibəl ta Sar̄

²² Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

JEREMI 4:22 Referans Kwoze

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

Makətūbə̄ ń Pol ndang adə̄ Rom gə̄ ní 16:19

Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

Makətūbə̄ ń Pol ndang adə̄ Rom gə̄ ní 3:11

De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i *ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

Makətūbə̄ ń Pol ndang adə̄ Rom gə̄ ní 1:22

Ədan̄ na nin̄ i ngé kum kedə̄ gə̄ banī nin̄ i mbóo gə̄.

OJEE 5:4

Yá̰á̰ ń Israel gə̄ rāān̄ ní, adə̄də́ ta róbə́ tél reē gogə́ rɔ̄ Nə́ɓā yādə́ tə́ alé. A̰á̰ā̰, néĺ ájə́ba kógə̄ḿ əla dandə́ tə́ ō, nin̄ gerə̄n̄ Kɔ́ɔ̄ɓē aĺ ō.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

MISE 2:1

Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

NDŪ NAJƏ̄ 32:28

Ngán Israel gə̄ i nápar de kə́ ger̄ yá̰a̰ aĺ gə̄. Kur̄ dɔdə́ gətóo.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

JEREMI 13:23

De kə́ *Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī *Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

JEREMI 5:4

Mā m-ə́da kə̄ kemḿ tə́ na: I de kə́ yá̰a̰ aĺ gə̄. Kumdə́ edə̄ aĺ ō, gerə̄n̄ róbə yā Kɔ́ɔ̄ɓē aĺ ō, gerə̄n̄ jī bēl̄ loo rāā yá̰a̰ yā Nə́ɓā aĺ ō.

Najə̄ kə́ Majə yā Jeju ń Luk ndang ní 16:8

Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ *Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

2 SAMUEL 13:3

Banī madə̄ Amnon kə́rēý kə́ kumən edə̄ ngá̰ý i noó, rīn na i Yonadab. Ni i ngōn̄ Sama kə́ ngōkó̰o̰ Dabid.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

PĀ GƏ̄ 53:4

Nin̄ malang ndúmə̄n̄ kɔ̄ɔ́, nin̄ malang nujən̄ kɔ̄ɔ́. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo, kal kógə̄ḿ lélék gə̄gē gətóo.

PĀ GƏ̄ 82:5

Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ *ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ *Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

JEREMI 4:21

M-ā m-á̰a̰ dərapóo rɔ̄ɔ̄ ō, m-ā m-ōō kōō tōw̄ ō, i bátə́ ta kə́ rá?

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

EJEKIEL 16:30

Á, tɔ́gí gətóó ngá̰ý al̄ naā! Najə̄ ń mā Kɔ́ɔ̄ɓē Nə́ɓā m-ə́dá ní n noó. Dan ń ī-rāā yá̰a̰ gə̄ ń noō malang ní, ī-rāā i yá̰a̰ rāā ájə́ba kɔ̄r̄ kə́ tɔȳ ájə́ba madə̄n gə̄.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

TA KƏLA 39:16

Dəyá̰ ní ənī kūbə̄ ní ngóoń ngaan.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

Gōsə̄ najə̄ gə̄ 28:5

De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 9:5

Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

MISE 7:3

Rāā yá̰á̰ kə́ majaĺ ní, nin̄ ngangə̄n̄ ngá̰ý loon tə́. Ngār gə̄ adə̄ a mangən̄də́ i mbée ō, ngār sarya gə̄ a dəjen̄ i yá̰a̰ kəndā nja gə̄ ō, yá̰a̰ gə̄ ń de kə́ bo gə̄ gḛyn̄ kənge ní, nin̄ ədan̄ adə̄ kumən unjə̄ ō. Nin̄ əndān̄ rɔ̄də́ naā tə́ yā rāań yá̰a̰ yādə́ kə́ majaĺ gə̄ ō.