JEREMI 39:6 - Bible sar

⁶ Mban̄g kə́ Babilon adə̄ tə́jān̄ míndə ngán Sedekias gə̄ ta kum bɔbə̄də́ tə́ Ribəla ō, adə̄ tə́jān̄ míndə ngār gə̄ malang kə́ Juda tə́ ō.

Bibəl ta Sar̄

⁶ Mban̄g kə́ Babilon adə̄ tə́jān̄ míndə ngán Sedekias gə̄ ta kum bɔbə̄də́ tə́ Ribəla ō, adə̄ tə́jān̄ míndə ngār gə̄ malang kə́ Juda tə́ ō.

JEREMI 39:6 Referans Kwoze

JEREMI 52:10

Mban̄g kə́ Babilon mēr̄ tə́jā míndə́ ngán Sedekias gə̄ ta kumən tə́. Ni adə̄ tə́jān̄ míndə de kə́ bo gə̄ malang kə́ *Juda tə́ Ribəla tə́ ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ *Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ *Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

NDŪ NAJƏ̄ 28:34

Yá̰a̰ gə̄ ń a rāān̄ yá̰a̰ ta kumií tə́ á á̰a̰ kə ndɔ̄ gə̄ ní, ta tɔ̄l̄ ta anī a rāānī kadə̄ kɔ̄r̄ rāāī.

IJAI 13:16

A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

ESTER 8:6

Tɔdɔ̄ loo kadə̄ m-á̰á̰ yá̰á̰ kə́ to kum kaȳ aĺ loo reē tə́ kə̄ dɔ gír deē yāḿ gə̄ tə́ ba kə m̄-tə́gā taḿ ní loon i ba̰ý? Kadə̄ m̄-rā m-á̰a̰ loo kə̄ rɔ̄ gír deē yāḿ gə̄ tə́ kadə̄ tɔ̄lə̄n̄neédə́ kɔ̄ɔ́ malang ní loon i ba̰ý?

2 YÁ̰A̰ GƏ̄ 34:28

Ā óy yā kaw̄ gō kaaí gə̄ tə́. Ba ā āw̄ ɓádá i kə kem sɔlɔ́. Kumií a a̰a̰ yá̰á̰ kə́ to kum kaȳ aĺ ń m-ā m̄-rāā yā rāā kə ɓē kə́ Jerusalem ō, kə de kə́ kemeé gə̄ ō ní alé. Hilkia ngol *ngé tun̄ yá̰a̰ gə̄ nin̄ kə madə̄n gēé reē ədan̄ mban̄g Josias najə̄ ní.

2 MBAN̄G 22:20

Adə̄ m-ā m-ə́ya̰ī kadə̄ óy āw̄ gō kaaí gə̄ tə́ kə kem kə́ sɔl̄ lɔmɔɔ́. A əlanī ɓádá kanjə̄ kadə̄ á̰á̰ yá̰á̰ kə́ to kum kaȳ aĺ gə̄ malang ń m-ā m̄-reēń dɔ ɓē kə́ Jerusalem tə́ ní. Hilkia ngol *ngé tun̄ yá̰a̰ gə̄ nin̄ kə madə̄n gēé tél reē ədan̄ mban̄g Josias najə̄ ń *nge koō ta kə́ dəyá̰ tūr̄ ədadə́ ní.

TA KƏLA 44:34

Ré ngōn̄ ní i seḿ aĺ anī, loo kadə̄ m̄-tél m-āw̄ rɔ̄ bɔbə́ḿ tə́ gətóo. m̄-gḛy kadə̄ yá̰á̰ kə́ to kum kaȳ aĺ rāā bɔbə́ḿ ta kumḿ tə́ alé.

TA KƏLA 21:16

ba ɔr̄ rɔ̄n ndi sa̰y. Loo kə́ dɔ dáńdə́ tə́ asə kə dɔ dán loo ń deē ur gərā anī a əsō tū tə́ ní, tɔdɔ̄ ni-əda na kə n-a̰a̰ ngōnə̄n loo koy tə́ alé. Adə̄ aw̄ ndi sa̰y ndi a nōō.

IJAI 34:12

De kə́ bo gə̄ kə́ yā kadə̄ nin̄ gə̄rān̄ mban̄g a gətóon̄, ngār gə̄ a oyn̄ malang kɔ̄ɔ́.

JEREMI 20:4

Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ *Juda tə́ gə̄ jī mban̄g kə́ *Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ *Babilon a əhɔī kə jīneé ō, a əla hor dɔ ɓē ń toō tə́ ō.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

EJEKIEL 24:5

Ɔ́y dā̰ ngán batə̄ gə̄ ń i dā̰ kə́ ngəra aĺ ní ō, ī-ɓōkə́ kə̄ngā gə̄ gíŕ jóó ō, ba ə̄ndā horó malang ādə̄ nēgə́ dul dul. Ādə̄ kə̄ngā gə̄ gə̄gē a ndīrə̄n̄ ō.

SOPONI 1:8

Kɔ́ɔ̄ɓē əda na: Ndɔ̄ tun̄ yá̰á̰ tə́ anī, m-ā m̄-rāā yá̰á̰ kógə̄ḿ kə de kə́ bo gə̄ ō, kə ngār gə̄ ō, kə de gə̄ malang ń a o̰ō̰n̄ kūbə̄ tītə̄ tə̄rā gə̄ ní ō.