JEREMI 39:2 - Bible sar

² Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

Bibəl ta Sar̄

² Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

JEREMI 39:2 Referans Kwoze

SOPONI 1:10

Kɔ́ɔ̄ɓē əda wáńg na: Ndɔ̄ ń noō tə́ ní, deē a oō kōō kɔŕ kə́ ngá̰ý kem ɓē kə́ Jerusalem tə́, ta róbə yā kānjə̄ gə̄ tə́ ō, kōō sōḿ kem ɓē kə́ kijə tə́ ō, deē a oō kōō yá̰á̰ kə́ ɓār̄ ngá̰ý dɔ ngán mbal̄ gə̄ tə́ ō.

EJEKIEL 33:21

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə tə́, kə ndɔ̄ nāā kə́ nge ko̰ mí, anī deē kógə̄ḿ kə́ teē ta yo tə́ dan ń taān̄ ɓē kə́ Jerusalem ní reē ədam̄ na: Ɓē əsō kɔ̄ɔ́!

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī *kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

JEREMI 1:3

Kɔ́ɔ̄ɓē ɔr̄ najə̄ seneé ɓáý to̰ i ɓāl̄ yā Joakim, ngōn̄ Joas, mban̄g kə́ Juda tə́, bátə́ ta tɔ̄l̄ ta ɓāl̄ kə́ nge ko̰ kutə gidə i kógə̄ḿ yā Sedekias, ngōn̄ Josias, mban̄g kə́ Juda tə́, bátə́ kadə̄ əhɔn̄neé de kə́ Jerusalem gə̄ dɔ gúú tə́ aw̄n̄ sedə́ dɔ nang kə́ rang tə́, kem nāā kə́ nge ko̰ mí tə́.

JEREMI 32:1

Kem ɓāl̄ kə́ nge ko̰ kutə ń Sedekias ndiń mban̄g *Juda tə́ á i ɓāl̄ kə́ nge ko̰ kutə gidə i sɔ́sɔ́ yā Nabukodonosor ní, Kɔ́ɔ̄ɓē ɔr̄ najə̄ kə Jeremi.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ *Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 37:8

Kalde gə̄ a télən̄ yā reē, a ənīn̄ ɓē ń toō rɔ̄ɔ̄ ō, a əlan̄ hor dɔ tə́ ō.

EJEKIEL 4:3

Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán *Israel gə̄.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ *Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.