JEREMI 36:2 - Bible sar

² Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ *Israel ō, *Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

Bibəl ta Sar̄

² Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 36:2 Referans Kwoze

JEREMI 30:2

Mā Kɔ́ɔ̄ɓē, Nə́ɓā yā *Israel m-ɔ̄r̄ najə̄ i tītə̄ ń toō beé: Ī-ndang najə̄ gə̄ malang ń m-ə́daī ní kem makətūbūú.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

Teē Ngán Israel gə̄ 17:14

Kɔ́ɔ̄ɓē əda Moijə na kə ndang yá̰a̰ gə̄ ń noō malang na sōgə́ dɔ de gə̄ ndígə̄nal. Kə əda Jojue na n-a n-rāā kadə̄ Amalek gə̄ gətóon̄ kɔ̄ɔ́ malang, adə̄ na a əga kem deē dɔdə́ tə́ dɔ nang tə́ to̰ alé.

EJEKIEL 2:9

Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.

JEREMI 36:23

Dan ń Yehudi a tə́da gír najə̄ gə̄ ní asə mətá aláa sɔ́ anī, mban̄g gān̄g kə kəyā yā nge ndóō de gə̄ *ndū najə̄ ō, ənī kum hor ganáń tə́, adə̄ hor róō ndāŕ ndang najə̄ kógə̄ḿ kə́ ɓír̄ gidə naā tə́ ní malang kɔ̄ɔ́.

JEREMI 36:6

Ní īkɔ́ āw̄, ī-tə́da najə̄ kə́ tū tə́ ndɔ̄ *ndi ɓō tām̄ yā Nə́ɓā tə́ tə́ ba ī-tə́da najə̄ gə̄ yā Kɔ́ɔ̄ɓē ń m-ādə̄ ī-ndang kem ndāŕ ndang najə̄ kógə̄ḿ kə́ ɓír̄ gidə naā tə́ ní ta kum de gə̄ malang kə́ *Juda tə́ ń a ḭḭn̄ kə gō ɓē yādə́ gēé yā reē ní.

IJAI 8:1

Kɔ́ɔ̄ɓē ədam̄ na: Ún bar ndang yá̰á̰ kə́ bo, ba ī-ndang ādə̄ kumən to kadə̄ deē tə́da, ī-ndang na: Kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

PĀ GƏ̄ 40:7

Ī-ndigə *yá̰a̰ tun̄ aĺ ō, *yá̰a̰ ndējə̄ aĺ ō. Ī-mbutə bəlo mbīḿ kadə̄ m-ōoń loo. Ī-dəje *yá̰a̰ tun̄ kə́ róō horoó aĺ ō *yá̰a̰ tun̄ kə́ tām̄ yā majaĺ tə́ aĺ ō.

ESDRAS 6:2

Banī əngen̄ ndāŕ ndang najə̄ kógə̄ḿ kə́ ɓír̄ gidə naā tə́ i kem ɓē kə́ ngan̄g ngá̰ý ń rīn na i Ekəbatan ní tə́ gō nang kə́ Medi tə́. Najə̄ ń ndangən̄ kem makətūbə̄ ngeé ń toō tə́ ní n toó:

OJEE 8:12

M-ásə ndang yá̰á̰ kə́ yā rāā gə̄ dūbūú tām̄ yān tə́, banī tām̄ yān tə́ ɓáa a ton̄ i tītə̄ yá̰á̰ kə́ mbā beé.

JEREMI 45:1

Kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g *Juda tə́ ní, Jeremi tə́da najə̄ gə̄ adə̄ Baruk kə́ ngōn̄ Neriya ndang makətūbūú anī, ɔr̄ najə̄ seneé ədan na:

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ *Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

JEREMI 2:4

Ōōī najə̄ kɔr̄ Kɔ́ɔ̄ɓē, sḭḭ̄, deē yā Jakob gə̄, naā tə́ kə de gə̄ kə́ gír kojə yā Israel tə́ malang.

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél *nge koō ta tām̄ yā nápar de gə̄ tə́.

Makətūbə̄ yā Job 31:35

I náā n a adə̄m̄ de kə́ kadə̄ oō najə̄ yāḿ ní? Ta tɔ̄l̄ ta najə̄ yāḿ n noó. Ādə̄ Nə́ɓā kə́ tɔ́gən i ngá̰ý tūrə̄m̄ najə̄ tə́! Ba makətūbə̄ ń madə̄ kɔ̄lə̄ḿ ndang sekə́məń ní tā anī ,

NDŪ NAJƏ̄ 31:24

Dan ń Moijə ndang *ndū najə̄ yā Nə́ɓā kem makətūbūú malang oy anī,

HEBƏRO 10:7

Loo ń noō tə́ ní m-ə́da na: Nə́ɓā mā n toó, m̄-reē yā rāā yá̰á̰ ń kemií ndigə ndigə tə́ ní, kə gō ń ndangən̄ ɔjənə̄ń dɔḿ kem ndāŕ ndang najə̄ kə́ ɓír̄ gidə naā tə́ ní.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

JEREMI 36:14

Tā anī, de kə́ bo gə̄ ń kánə̄n̄ naā ní əlan̄ Yehudi ngōn̄ Netania kə́ ngōn̄ Selemia ń i ngōn̄ Kusi ní rɔ̄ Baruk tə́ kadə̄ ədan na: Ún ndāŕ ndang najə̄ kə́ ɓír̄ gidə naā tə́ ń ī-tə́da ta kum kósə de gə̄ tə́ ní jīí tə́, ba ī-reē. Baruk, ngōn̄ Neriya un makətūbə̄ ní ba aw̄ rɔ̄də́ tə́.

JEREMI 36:18

Baruk tél ədadə́ na: Tə́dam̄ najə̄ gə̄ ń noō malang i kə taneé, banī mā m̄-ndang i kə man̄ ndang yá̰á̰ kem ndāŕ ndang najə̄ tə́.