JEREMI 33:4 - Bible sar

⁴ Rɔ̄kum, Kɔ́ɔ̄ɓē Nə́ɓā yā *Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ *Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

Bibəl ta Sar̄

⁴ Rɔ̄kum, Kɔ́ɔ̄ɓē Nə́ɓā yā Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

JEREMI 33:4 Referans Kwoze

HABAKUK 1:10

De gə̄ ngeé ń noō ní, i ngé mbóo kə ngār gēé. Nin̄ kídə̄n̄ ngé ko̰o̰ ɓē gə̄ ō, ɓōlə́n̄ ɓē gə̄ kə́ de gə̄ ngɔ̄mə̄n̄ majə ngá̰ý gə̄ aĺ ō, nin̄ ɔsən̄ nán̄g kə̄ dɔ naā tə́ yā taāń ɓē gə̄ ní malang.

EJEKIEL 4:2

Gō tə́ anī ɔ́jə kadə̄ madə̄ ba̰ā̰ gə̄ gīrə̄n̄ gidən. Ī-ndēr̄ bəlo gə̄ kə́ yā rɔ̄ɔ̄nəń ō, ɔ́ý nán̄g kə̄ nja ndogə̄ mbal̄ tə́ ādə̄ ra dɔ naā tə́ bing yā kənīnəń rɔ̄ɔ̄ ō, ī-tə́ndā gérger gə̄ kə yá̰a̰ rɔ̄ɔ̄ gə̄ ādə̄ gīrə̄n̄ gidən ō.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 26:8

Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

IJAI 32:13

Ī-noōī tām̄ dɔ nang yā gír deē yāḿ gə̄ ń túpə kōn̄ gə̄ taān̄ loo malang tū tə́ ní tə́. Ī-nōōī tām̄ rɔ̄nel̄ kə́ kem kújə gə̄ tə́ malang ō, tām̄ yā nāā ń de gə̄ a rāān̄ kem ɓēé tə́ ní ō.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

NŌŌ RƆ̄ 2:7

Kɔ́ɔ̄ɓē mbātə́ *loo tun̄ yá̰a̰ yān ō, kídə̄ *loo kə́ táĺ yān ō. Ni-əla ndogə̄ mbal̄ gə̄ kə́ gidə kújə́ kə́ majə ngá̰ý gə̄ kə́ *Siyo̰ tə́ kem jī madə̄ ba̰ā̰n tə́. Ndū de gə̄ ɓār̄ ngá̰ý kem *kújə yā Kɔ́ɔ̄ɓē tə́, tītə̄ kə́ ndɔ̄ rāā nāā tə́ beē.

NDŪ NAJƏ̄ 20:20

Banī kāgə̄ gə̄ ń ī-ger̄ kadə̄ deē a əsa kan̄də́ aĺ ní, m-ādī ta róbə́ tə́gādə́ yā kɔrəń gong gidə ɓē ń a rɔ̄ɔ̄sí tə́ ní bátə́ kadə̄ ɓē ní əsōń.

IJAI 22:10

Sḭḭ̄ ī-tə́daī kutə kújə gə̄ kə́ Jerusalem, ba ndogə̄ mbal̄ kə́ yā rɔ̄ɔń dɔ ɓē tə́ ní, sḭḭ̄ ī-nujiī kújə́ kə́rēý gə̄ yā rāań kadə̄ ngan̄g.