JEREMI 32:41 - Bible sar

⁴¹ Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

Bibəl ta Sar̄

⁴¹ Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

JEREMI 32:41 Referans Kwoze

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

AMOS 9:15

M-ā m̄-tél yā kəndā gír deē yāḿ gə̄ dɔ nang yādə́ tə́ gogə́. Dɔ nang ń m-ādə̄də́ ní, deē a tə̄ɓādə́ tū tə́ kɔ̄ɔ́ to̰ alé. Yá̰a̰ ń mā Kɔ́ɔ̄ɓē Nə́ɓā yāsí m-ə́dá ní n noó.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

IJAI 65:19

M-ā m̄-rāā rɔ̄nel̄ najə̄ yā ɓē kə́ Jerusalem tə́. Rɔ̄nel̄ yāḿ kə́ tām̄ yā gír deē yāḿ gə̄ tə́ a ɔjə rɔ̄n kə̄ ndágá. Deē a oō kōō nōō to̰ aĺ ō, kōō ɓāŕ kə́ de gə̄ a ɓārə́n̄ yá̰a̰ kadə̄ dḭḭ̄n̄də́ to̰ aĺ ō.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 18:9

Dan kə́rēý gə̄ tə́ anī, m-ɔ̄r̄ najə̄ kəndā nápar de gə̄ aláa ɓē ko̰o̰ kógə̄ḿ ō, m̄-rāā ō.

NDŪ NAJƏ̄ 30:9

Kɔ́ɔ̄ɓē Nə́ɓā yāsí a adə̄sí rɔ̄nel̄ tū yá̰a̰ malang ń ā ī-rāāī tə́ ní, tɔdɔ̄ a adə̄sí ngán gə̄ ngá̰ý ō, a rāā kadə̄ yá̰a̰ kul̄ yāsí gə̄ ojən̄ naā ngá̰ý ō, a rāā kadə̄ dɔ nang yāsí teē kōō ngá̰ý ō. Tītə̄ ń ndi majə yā kaasí gə̄ nelə̄ń Kɔ́ɔ̄ɓē kété ní, yá̰á̰ ń a tél yā nelə̄n gogə́ rang ní i ndi majə yāsí sḭḭ̄ ō,

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ *ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

EJEKIEL 36:36

Loo ń noō tə́ nápar de gə̄ ń a ndin̄ kə gō gidəsí ɓáý ní, a gerə̄n̄ kadə̄ mā Kɔ́ɔ̄ɓē m̄-tél m̄-rāā ɓē kə́ nujə gə̄ gogə́ ō, yá̰á̰ ń i kə́ kɔr̄ kɔ̄ɔ́ ní, m̄-tél m-ə̄ndā gogə́ ō. I mā Kɔ́ɔ̄ɓē n m-ə́da najə̄ ń noō ní ō, yá̰á̰ ń m-ə́dá ní m̄-rāā ō.

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā *Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.