JEREMI 32:4 - Bible sar

⁴ Ə́da na Sedekias, mban̄g kə́ *Juda na a teē jī Kalde gə̄ tə́ alé, banī na a əlanən̄ kə́ rɔ̄kum tə́ jī mban̄g kə́ Babilon tə́? Ni na a ɔr̄ najə̄ seneé kə taneé ō, na a a̰a̰n kə kumneé ō ní?

Bibəl ta Sar̄

⁴ Ə́da na Sedekias, mban̄g kə́ Juda na a teē jī Kalde gə̄ tə́ alé, banī na a əlanən̄ kə́ rɔ̄kum tə́ jī mban̄g kə́ Babilon tə́? Ni na a ɔr̄ najə̄ seneé kə taneé ō, na a a̰a̰n kə kumneé ō ní?

JEREMI 32:4 Referans Kwoze

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ *Babilon a əhɔī kə jīneé ō, a əla hor dɔ ɓē ń toō tə́ ō.

JEREMI 38:18

Banī ré ī-teē āw̄ əsō kem jī de kə́ bo gə̄ yā mban̄g kə́ Babilon tə́ aĺ anī, ɓē ń toō a əsō jī Kalde gə̄ tə́ kadə̄ a əlan̄ hor dɔ tə́ ō, ḭ̄ ā ī-teē jīdə́ tə́ aĺ ō.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ *Babilon tə́.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.

JEREMI 34:21

Ba Sedekias, mban̄g kə́ *Juda tə́ ō, de kə́ bo yān gə̄ ō, tā anī m-ā m-ə́ládə́ jī madə̄ ba̰ā̰də́ gə̄ tə́ ō, jī ngé ndə̄ngādə́ yo gə̄ tə́ ō, jī ɓūtə̄ ngé rɔ̄ɔ̄ yā mban̄g kə́ *Babilon tə́ gə̄ ń ndɔ́tə̄n̄ kə gérger yādə́ ń gīrə̄n̄neé gidə ɓē ní i ngɔr ɓáý ní ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ *Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ *Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 25:35

Loo kə́ yā kadə̄ ngé kul̄ yá̰a̰ gə̄ ɓɔ̄ɔ̄n̄neé rɔ̄də́ a gətóo. Loo kə́ yā kadə̄ kɔ́ɔ̄ yá̰a̰ kul̄ gə̄ ndin̄neé kanjə̄ sōl̄ a gətóo.